|
|
| [1]ܡܲܣ̈ܐܵܬ̣ܵܐ ܕܢܸܟ݂ܠܵܐ ܡܲܣܠܹܐ ܡܵܪܝܵܐ. ܘܲܒ̣ܡܲܬ̣̈ܩܵܠܹܐ ܬܪ̈ܝܼܨܐ ܨܵܒܹ̇ܐ. |
[No book] |
| [2]ܐܲܬܲܪ ܕܥܵܐܠܹ̈ܐ ܙܲܠܝܼܠܘܼܬ̣ܵܐ: ܥܵܐܹ̇ܠ ܨܲܥܪܵܐ ܘܲܠܡܲܟ̇ܝܼܟܹ̈ܐ ܚܸܟ݂ܡ̱ܬ̣ܵܐ. |
[No book] |
| [3]ܣܲܒ̣ܪܵܐ ܕܲܬ̣ܪ̈ܝܼܨܹܐ ܢܸܬ̣ܦ̄ܢܸܐ. ܘܪܵܡܘܼܬ̣ܵܐ ܕܥܵܘܿܠܹ̈ܐ ܬܸܣܬ̇ܚܸܦ. |
[No book] |
| [4]ܠܵܐ ܡܲܗܢܹܐ ܥܘܼܬ̣ܪܵܐ ܒܝܵܘܡܵܐ ܕܪܘܼܓ̣ܙܵܐ. ܙܲܕ̇ܝܼܩܘܼܬ̣ܵܐ ܕܹܝܢ ܡܦܲܨܝܵܐ ܡ̣ܢ ܡܵܘܬܵܐ. |
[No book] |
| [5]ܙܲܕ̇ܝܼܩܘܼܬܹܗ ܕܬܲܡܝܼܡܵܐ ܬܸܬ̣ܪܘܿܨ ܐܘܼܪܚܹܗ. ܘܲܒ̣ܥܵܘܼܠܹܗ ܢܸܦܸܠ ܥܵܘܿܠܵܐ. |
[No book] |
| [6]ܙܲܕ̇ܝܼܩܘܼܬ̣ܗܘܿܢ ܕܲܬ̣ܪ̈ܝܼܨܹܐ ܬܦܲܨܹܐ ܐܸܢܘܿܢ. ܘܥܵܘܿܠܹܐ ܒܥܵܘܼܠ̱ܗܘܿܢ ܢܸܬ̇ܬܲܚܕ̇ܘܼܢ. |
[No book] |
| [7]ܡܵܐ ܕܡܝܼܬ̣ ܓܲܒ̣ܪܵܐ ܥܵܘܿܠܵܐ: ܐܵܒܹ̇ܕ݂ ܣܲܒ̣ܪܹܗ. ܘܣܲܒ̣ܪ̱ܗܘܿܢ ܕܒ̣ܝܼܫܹ̈ܐ ܐܵܒܹ̇ܕ݂. |
[No book] |
| [8]ܙܲܕ̇ܝܼܩ̣ܵܐ ܡ̣ܢ ܐܘܼܠܨܵܢܵܐ ܢܸܬ̣ܦܲܨܹܐ. ܘܢܸܥܘܿܠ ܥܵܘܿܠܵܐ ܚܠܵܦܘܗܝ. |
[No book] |
| [9]ܥܵܘܿܠܵܐ ܒܦܘܼܡܹܗ ܡܚܲܒܸ̇ܠ ܚܲܒ̣ܪܹܗ. ܘܙܲܕ̇ܝܼܩܹ̈ܐ ܒܝܼܕܲܥܬ̣ܵܐ ܢܸܬ̣ܥܲܫܢܘܿܢ. |
[No book] |
| [10]ܒܛܵܒܲܬ̣ܗܘܿܢ ܕܙܲܕ̇ܝܼܩܹ̈ܐ ܬܸܥܫܲܢ ܡܕ݂ܝܼܢ̄ܬܵܐ ܘܒܲܐܒ̣ܕܵܢܗܘܿܢ ܕܥܵܘܿܠܹܐ ܬܸܚܕܹ̇ܐ. |
[No book] |
| [11]ܒܒ̣ܘܼܪܟ݂ܬ̣ܗܘܿܢ ܕܲܬ̣ܪ̈ܝܼܨܹܐ ܬܸܬ̇ܪܝܼܡ ܡܕ݂ܝܼܢ̄ܬܵܐ. ܘܲܒ̣ܦܘܼܡܗܘܿܢ ܕܥܵܘܿܠܹ̈ܐ ܬܸܣܬ̇ܚܸܦ. |
[No book] |
| [12]ܕܫܵܐܹ̇ܠ ܠܚܲܒ̣ܪܹܗ: ܚܲܣܝܼܪ ܪܸܥܝܵܢܵܐܗ̄ܘܼ. ܘܓܲܒ̣ܪܵܐ ܣܲܟ̇ܘܼܠܬ̣ܵܢܵܐ: ܒܫܸܬ̣ܩܵܐ ܥܵܡܲܪ. |
[No book] |
| [13]ܐܵܟܹ̇ܠܩܲܪܨܵܐ ܓܵܠܹ̇ܐ ܐ̄ܪܵܙܵܐ. ܘܕܲܡܗܲܝܡܲܢ ܒܪܘܼܚܹܗ: ܟܵܣܹ̇ܐ ܡܸܠܬ̣ܵܐ. |
[No book] |
| [14]ܥܲܡܵܐ ܕܲܡܕܲܒ̇ܪܵܢܵܐ ܠܲܝܬ̇ ܠܹܗ: ܢܵܦܹ̇ܠ: ܘܦܘܼܪܩܵܢܹܗ ܒܡܸܠܟܵܐ ܣܲܓ̇ܝܼܐܵܐ. |
[No book] |
| [15]ܒܝܼܫܵܐ ܡܲܒ̣ܐܸܫ ܡܵܐ ܕܐܵܪܲܥ ܠܙܲܕ̇ܝܼܩܵܐ. ܡܸܛܠ ܕܣܵܢܹ̇ܐ ܠܕ݂ܵܡܣܲܟܹ̇ܝܢ ܠܣܲܒ̣ܪܵܐ. |
[No book] |
| [16]ܐܲܢ̄ܬ̇ܬ̣ܵܐ ܡܪܲܚܡܵܢܝܼܬ̣ܵܐ ܡܣܲܡܟ݂ܵܐ ܬܸܫܒ̇ܘܿܚܬܵܐ ܠܓܲܒ̣ܪܵܐ. ܟܘܼܪܣܝܵܐ ܕܹܝܢ ܕܨܲܥܪܵܐ: ܐܲܢ̄ܬ̇ܬ̣ܵܐ ܣܵܢܝܲܬ̣ ܫܪܵܪܵܐ. ܚܒܸܢܵܢܹ̈ܐ ܐܵܦ ܒܥܘܼܬ̣̱ܪܗܘܿܢ ܗܵܘܹ̇ܝܢ ܨܪܝܼܟ݂ܝܼܢ. ܘܥܲܫܝܼ̈ܢܹܐ ܡܣܲܡܟ݂ܝܼܢ ܝܼܕܲܥܬ̣ܵܐ. |
[No book] |
| [17]ܓܲܒ̣ܪܵܐ ܚܲܣܝܼܢܵܐ ܪܵܡܹ̇ܐ ܠܢܲܦ̮ܫܹܗ ܚܘܼܒ̣̈ܠܹܗ ܛܵܒܹ̈ܐ. ܘܡܵܘܒܸ̇ܕ݂ ܦܲܓ̣ܪܹܗ ܓܲܒ̣ܪܵܐ ܕܠܵܐ ܡܪܲܚܸܡ. |
[No book] |
| [18]ܪܲܫܝܼܥܵܐ ܥܵܒܹ̇ܕ݂ ܥܒ̣ܵܕܹ̈ܐ ܕܥܸܬܵܐ. ܘܲܕ݂ܙܵܪܲܥ ܙܲܕ̇ܝܼܩܘܼܬ̣ܵܐ: ܩܘܼܫܬܵܐ ܗ̄ܘܼ ܐܲܓ̣ܪܹܗ. |
[No book] |
| [19]ܒܪܵܐ ܕܙܲܕ̇ܝܼܩܘܼܬ̣ܵܐ ܠܚܲܝܹ̈ܐ. ܘܲܕ݂ܥܵܒܹ̇ܕ݂ ܒܝܼܫܬܵܐ: ܠܡܵܘܬܵܐ. |
[No book] |
| [20]ܡܲܣܠܹܐ ܡܵܪܝܵܐ ܠܲܥܩܝܼ̈ܡܲܝ ܠܸܒܵܐ. ܘܨܵܒܹ̇ܐ ܒܐܲܝܠܹܝܢ ܕܲܕ݂ܠܵܐ ܡܘܼܡ ܐܸܢܘܿܢ ܒܐܘܼܪܚܵܐ. |
[No book] |
| [21]ܕܡܵܘܫܸܛ ܐܝܼܕܹܗ ܥܲܠ ܚܲܒ̣ܪܹܗ: ܠܵܐ ܢܸܙܟܹ̇ܐ ܡ̣ܢ ܒܝܼܫܬܵܐ. ܘܙܲܪܥܵܐ ܕܙܲܕ̇ܝܼܩܹ̈ܐ ܢܸܬ̣ܦܲܨܹܐ. |
[No book] |
| [22]ܐܲܝܟ݂ ܩܕ݂ܵܫܵܐ ܕܕܲܗܒ̣ܵܐ ܒܲܢܚܝܼܪܵܗ̇ ܕܲܚܙܝܼܪܬܵܐ: ܗܵܟܲܢܵܐ ܗ̄ܝܼ ܐܲܢ̄ܬ̇ܬ̣ܵܐ ܫܲܦܝܼܪܬܵܐ ܣܲܪܝܲܬ̣ ܛܲܥܡܵܐ. |
[No book] |
| [23]ܪܸܓ̇ܬ̣ܵܐ ܕܙܲܕ̇ܝܼܩܹ̈ܐ ܒܛܵܒ̣ܵـ̈ـܬ̣ܵܐ. ܘܣܲܒ̣ܪ̱ܗܘܿܢ ܕܥܵܘܿܠܹ̈ܐ ܒܪܘܼܓ̣ܙܵܐ. |
[No book] |
| [24]ܐܝܼܬ̣ ܕܕ݂ܝܼܠܹܗ ܙܵܪܲܥ: ܘܣܲܓ̇ܝܼ ܡܲܥܸܠ. ܘܐܝܼܬ̣ ܕܲܕ݂ܠܵܐ ܕܝܼܠܹܗ ܡܟܲܢܸܫ: ܘܲܙܥܘܿܪ ܗ̄ܘܼܠܹܗ. |
[No book] |
| [25]ܢܲܦ̮ܫܵܐ ܒܪܝܼܟ݂ܬܵܐ ܬܸܕ݂ܗܲܢ. ܘܠܝܼܛܵܐ ܬܘܼܒ̣ ܢܸܬ̇ܬ̇ܠܝܼܛ. |
[No book] |
| [26]ܕܟ݂̈ܠܹܐ ܥܒ̣ܘܼܪܵܐ ܒܐܘܼܠܨܵܢܵܐ: ܢܸܫܒ̇ܩܝܼܘܗܝ ܠܲܒ̣ܥܸܠܕ̇ܒ̣ܵܒ̣ܵܘ̈ܗܝ. ܘܒܘܼܪܟ̇ܬ̣ܵܐ ܬܸܗܘܹܐ ܥܲܠ ܪܹܫܹܗ ܕܐܲܝܢܵܐ ܕܲܡܙܲܒܸ̇ܢ. |
[No book] |
| [27]ܕܒ̣ܵܥܹ̇ܐ ܛܵܒ̣ܬ̣ܵܐ: ܒܵܥܹ̇ܐ ܨܸܒ̣ܝܵܢܵܐ. ܘܲܕ݂ܒ̣ܵܥܹܐ ܒܝܼܫܬܵܐ: ܬܹܐܬܹܐ ܥܵܠܘܗܝ. |
[No book] |
| [28]ܕܲܬ̣ܟ݂ܝܼܠ ܥܲܠ ܥܘܼܬ̣ܪܹܗ ܢܵܦܹ̇ܠ. ܘܙܲܕ̇ܝܼܩܹ̈ܐ ܐܲܝܟ݂ ܛܲܪ̈ܦܹܐ ܢܲܦ̱ܪܥܘܼܢ. |
[No book] |
| [29]ܕܒ̣ܵܢܹ̇ܐ ܒܲܝܬܹ̇ܗ ܒܥܸܬܵܐ: ܢܸܫܒ̇ܘܿܩ ܠܲܒ̣ܢܵܘ̈ܗܝ ܬܸܢܚܵـ̈ـܬ̣ܵܐ. ܘܲܕ݂ܠܵܐ ܟܵܐܹ̇ܫ ܒܒܲܝܬܹ̇ܗ: ܢܦܲܠܸܓ̣ ܠܲܒ̣ܢܵܘ̈ܗܝ ܪܘܼܚܵܐ. ܘܣܲܟ݂ܠܵܐ ܢܸܗܘܹܐ ܥܲܒ̣ܕܵܐ ܠܚܲܟ̇ܝܼܡܵܐ. |
[No book] |
| [30]ܦܹܐܪ̈ܵܘܗܝ ܕܙܲܕ̇ܝܼܩܵܐ ܐܝܼܠܵܢܵܐ ܕܚܲܝܹ̈ܐ. ܘܡܸܬ̣ܒܲܕ̇ܪ̈ܵܢ ܢܲܦ̮ܫܵܬ̣ܵܐ ܕܥܵܘܿܠܹܐ. |
[No book] |
| [31]ܐܸܢ ܙܲܕ̇ܝܼܩܵܐ ܠܡܲܚܣܸܢ ܚܵܝܹ̇ܐ: ܪܲܫܝܼܥܵܐ ܘܚܲܛܵܝܵܐ ܐܲܝܟܵܐ ܡܸܫܬ̇ܟܲܚ. |
[No book] |