|
|
| [1]ܒܪܵܐ ܚܲܟ̇ܝܼܡܵܐ ܡܸܫܬ̇ܡܲܥ ܠܐܲܒ̣ܘܼܗܝ. ܘܲܒ̣ܪܵܐ ܒܝܼܫܵܐ ܕܠܵܐ ܡܩܲܒܸ̇ܠ ܟܐܵܬ̣ܵܐ: ܢܹܐܒܲܕ݂. |
[No book] |
| [2]ܓܲܒ̣ܪܵܐ ܛܵܒ̣ܵܐ: ܡ̣ܢ ܦܹܐܪܲܝ ܦܘܼܡܹܗ ܢܸܣܒܲܥ ܘܢܲܦ̮ܫܵܬ̣ܗܘܿܢ ܕܥܵܘܿܠܹ̈ܐ ܢܹܐܒ̣̈ܕܵܢ. |
[No book] |
| [3]ܕܢܵܛܲܪ ܦܘܼܡܹܗ: ܡܸܙܕ̇ܗܲܪ ܒܢܲܦ̮ܫܹܗ. ܘܲܕ݂ܦܵܬܲܚ ܣܸܦ̈ܘܵܬܹܗ: ܥܵܒܹ̇ܕ݂ ܬܒ̣ܵܪܵܐ ܠܢܲܦ̮ܫܹܗ. |
[No book] |
| [4]ܒܟ݂ܠܙܒܲܢ ܒܲܪ̈ܓ̣ܝܓ̣ܵܬ̣ܵܐ ܪܡܸܐ ܒܲܪܢܵܫܵܐ ܕܲܥܒ̣ܵܕ݂ܵܐ ܠܵܐ ܥܵܒܹ̇ܕ݂. ܘܢܲܦ̮ܫܵܐ ܬܸܕ݂ܗܲܢ. |
[No book] |
| [5]ܙܲܕ̇ܝܼܩܵܐ ܣܵܢܹ̇ܐ ܡܸܠܬ̣ܵܐ ܕܫܘܼܩܪܵܐ. ܘܥܵܘܿܠܵܐ ܢܸܒ̣ܗܲܬ̣ ܘܢܸܚܦܲܪ. |
[No book] |
| [6]ܙܲܕ̇ܝܼܩܘܼܬ̣ܵܐ ܬܢܲܛܲܪ ܠܐܲܝܢܵܐ ܕܬܲܡܝܼܡ ܒܐܘܼܪܚܹܗ. ܘܲܠܚܲܛܵܝܵܐ ܬܵܘܒ̇ܕ݂ܝܼܘܗܝ ܚܛܝܼܬܹܗ. |
[No book] |
| [7]ܐܝܼܬ̣ ܕܡܲܥܬ̇ܪܝܼܢ ܢܲܦ̮ܫܗܘܿܢ: ܘܡܸܕܹ̇ܡ ܠܲܝܬ̇ ܠܗܘܿܢ. ܘܐܝܼܬ̣ ܕܲܡܡܲܣܟܸ̇ܢ ܢܲܦ̮ܫܹܗ: ܘܲܩܢܹܐ ܣܘܿܓ̣ܵܐܐ. |
[No book] |
| [8]ܦܘܼܪܩܵܢܵܐ ܕܢܲܦ̮ܫܹܗ ܕܓܲܒ̣ܪܵܐ ܥܘܼܬ̣ܪܹܗ. ܘܡܸܣܟܹ̇ܢܵܐ ܠܵܐ ܡܩܲܒܸ̇ܠ ܟܐܵܬ̣ܵܐ. |
[No book] |
| [9]ܢܘܼܗܪܵܐ ܕܙܲܕ̇ܝܼܩܹ̈ܐ ܢܸܪܘܲܙ. ܘܲܫܪܵܓ̣ܵܐ ܕܥܵܘܿܠܹ̈ܐ ܢܸܕ݂ܥܲܟ݂. |
[No book] |
| [10]ܒܲܪܢܵܫܵܐ ܒܝܼܫܵܐ: ܒܨܲܥܪܵܐ ܥܵܒܹ̇ܕ݂ ܒܝܼܫܬܵܐ ܘܐܲܝܠܹܝܢ ܕܡܸܬ̣ܡܲܠܟ݂ܝܼܢ: ܚܲܟ̇ܝܼܡܹ̈ܐ ܐܸܢܘܿܢ. |
[No book] |
| [11]ܩܸܢܝܵܢܵܐ ܕܡ̣ܢ ܥܵܘܼܠܵܐ ܢܸܙܥܲܪ. ܘܲܕ݂ܡܸܬ̣ܟܲܢܲܫ ܒܙܲܕ̇ܝܼܩܘܼܬ̣ܵܐ ܢܸܣܓܹ̇ܐ. |
[No book] |
| [12]ܛܵܒ̣ ܗ̄ܘܼ ܒܲܪܢܵܫܵܐ ܕܲܡܫ̣ܪܸܐ ܠܲܡܥܲܕܵܪܘܼ: ܛܵܒ̣ ܡ̣ܢ ܗܵܘܿ ܕܬ̣ܵܠܹܐ ܒܣܲܒ̣ܪܵܐ. ܘܐܝܼܠܵܢܵܐ ܕܚܲܝܹ̈ܐ ܡܲܝܬܸ̇ܐ ܣܲܒ̣ܪܵܐ. |
[No book] |
| [13]ܕܒ̣ܵܣܹ̇ܐ ܥܲܠ ܡܸܠܬ̣ܵܐ: ܢܸܬ̣ܚܲܒܲܠ ܡܸܢܵܗ̇ ܘܲܕ̇ܕ݂ܵܚܹ̇ܠ ܡ̣ܢ ܦܘܼܩܕܵܢܵܐ: ܢܸܫܬܵܘܙܲܒ̣. ܠܓܲܒ̣ܪܵܐ ܢܲܟ̇ܘܼܠܬ̣ܵܢܵܐ ܠܵܐ ܬܸܗܘܹܐ ܠܹܗ ܛܲܝܒ̇ܘܼ ܘܓܲܒ̣ܪܵܐ ܚܲܟ̇ܝܼܡܵܐ ܕܲܬ̣ܪ̈ܝܼܨܵܢ ܥܒ̣ܝܼ̈ܕ݂ܵܬܹܗ: ܐܵܦ ܐܘܼܪܚܹܗ ܬܸܣܲܩ ܠܪܹܫ. |
[No book] |
| [14]ܢܵܡܘܿܣܵܐ ܕܚܸܟ݂ܡ̱ܬ̣ܵܐ ܡܲܒ̇ܘܼܥܵܐ ܗ̄ܘܼ ܕܚܲܝܹ̈ܐ: ܠܐܲܝܠܹܝܢ ܕܣܵܛܹ̇ܝܢ ܡ̣ܢ ܦܲܚܹ̈ܐ ܕܡܵܘܬܵܐ. |
[No book] |
| [15]ܣܘܼܟܵܠܵܐ ܛܵܒ̣ܵܐ ܝܵܗܹ̇ܒ̣ ܪ̈ܲܚܡܹܐ. ܘܐܘܼܪܚܵܐ ܕܥܵܘܿܠܹ̈ܐ ܠܐܲܒ̣ܕܵܢܵܐ. |
[No book] |
| [16]ܟܠ ܕܥܵܒܹ̇ܕ݂ ܥܪܝܼܡܵܐ ܒܝܼܕܲܥܬ̣ܵܐ. ܘܣܲܟ݂ܠܵܐ ܡܡܲܠܸܠ ܣܪ̈ܝܼܩܵܬ̣ܵܐ. |
[No book] |
| [17]ܐܝܼܙܓܲܕܵܐ ܥܵܘܿܠܵܐ ܢܵܦܹ̇ܠ ܒܒ̣ܝܼܫܬܵܐ. ܘܐܝܼܙܓܲܕܵܐ ܡܗܲܝܡܢܵܐ ܐܵܣܝܵܐ ܗ̄ܘܼ. |
[No book] |
| [18]ܡܸܣܟܹ̇ܢܘܼܬ̣ܵܐ ܘܨܲܥܪܵܐ ܡܒܲܛܠܝܼܢ ܡܲܪܕ̇ܘܼܬ̣ܵܐ. ܘܲܕ݂ܢܵܛܲܪ ܡܲܟ̇ܣܵܢܘܼܬ̣ܵܐ: ܢܸܫܬܲܒܲܚ. |
[No book] |
| [19]ܪܸܓ̇ܬ̣ܵܐ ܝܵܐܝܼܬ̣ܵܐ ܬܒܲܣܸܡ ܢܲܦ̮ܫܵܐ. ܘܛܲܡܐܘܼܬ̣ܵܐ ܕܥܵܘܿܠܹ̈ܐ: ܦܲܪܝܼܩܵܐ ܗ̄ܝܼ ܡ̣ܢ ܝܼܕܲܥܬ̣ܵܐ. |
[No book] |
| [20]ܕܲܡܗܲܠܸܟ݂ ܥܲܡ ܚܲܟ̇ܝܼܡܵܐ: ܢܸܗܘܹܐ ܚܲܟ̇ܝܼܡ. ܘܕܲܡܗܲܠܸܟ݂ ܥܲܡ ܣܲܟ݂ܠܵܐ: ܢܸܒ̣ܐܲܫ ܠܹܗ. |
[No book] |
| [21]ܠܚܲܛܵܝܹ̈ܐ ܬܸܪܕ̇ܘܿܦ ܒܝܼܫܬܵܐ. ܘܙܲܕ̇ܝܼܩܹ̈ܐ ܢܸܫܬܲܠܡܘܼܢ ܠܛܵܒ̣ܵـ̈ـܬ̣ܵܐ. |
[No book] |
| [22]ܓܲܒ̣ܪܵܐ ܛܵܒ̣ܵܐ ܡܵܘܪܸܬ̣ ܠܲܒ̣ܢܲܝ̈ ܒܢܵܘ̈ܗܝ. ܘܡܸܬ̣̱ܢܛܲܪ ܠܙܲܕ̇ܝܼܩܵܐ ܥܘܼܬ̣ܪܹܗ ܕܚܲܛܵܝܵܐ. |
[No book] |
| [23]ܐܲܝܠܹܝܢ ܕܠܵܐ ܚܙܹܐ ܠܗܘܿܢ ܥܘܼܡܪܵܐ: ܫܢܲــ̈ـܝܵܐ ܣܲܓ̇ܝܼ̈ܐܵܬ̣ܵܐ ܐܵܘܒܸ̇ܕ݂ܘ ܥܘܼܬ̣ܪܵܐ. ܘܐ̄ܢܵܫ̈ܝܼܢ ܐܸܒܲܕ݂ܘ ܓܡܝܼܪܵܐܝܼܬ̣. |
[No book] |
| [24]ܟܠ ܕܚܵܐܹ̇ܣ ܥܲܠ ܫܲܒ̣ܛܹܗ: ܣܵܢܹ̇ܐ ܠܲܒ̣ܪܹܗ. ܘܲܕ݂ܪܵܚܹ̇ܡ ܠܲܒ̣ܪܹܗ: ܚܦܝܼܛܵܐܝܼܬ̣ ܪܵܕܹܐ ܠܹܗ. |
[No book] |
| [25]ܙܲܕ̇ܝܼܩܵܐ ܐܵܟܹ̇ܠ: ܘܣܵܒ̣ܥܵܐ ܢܲܦ̮ܫܹܗ. ܘܟܲܪܣܵܐ ܕܥܵܘܿܠܹ̈ܐ ܬܸܚܣܲܪ. |
[No book] |