➖ »
«
➖ ➕
Wycliffe's English Translation (1388)
Wyc
Peshitta NT (literal)
PesNT(lit)
←
Proverbs
Pro
14
→
[1]A wijs womman bildith hir hous; and an unwijs womman schal distrie with hondis an hous bildid. [No book]
[2]A man goynge in riytful weie, and dredinge God, is dispisid of hym, that goith in a weie of yuel fame. [No book]
[3]The yerde of pride is in the mouth of a fool; the lippis of wijs men kepen hem. [No book]
[4]Where oxis ben not, the cratche is void; but where ful many cornes apperen, there the strengthe of oxe is opyn. [No book]
[5]A feithful witnesse schal not lie; a gileful witnesse bringith forth a leesing. [No book]
[6]A scornere sekith wisdom, and he fyndith not; the teching of prudent men is esy. [No book]
[7]Go thou ayens a man a fool; and he schal not knowe the lippis of prudence. [No book]
[8]The wisdom of a fel man is to vndirstonde his weie; and the vnwarnesse of foolis errith. [No book]
[9]A fool scorneth synne; grace schal dwelle among iust men. [No book]
[10]The herte that knowith the bittirnesse of his soule; a straunger schal not be meddlid in the ioie therof. [No book]
[11]The hous of wickid men schal be don awei; the tabernaclis of iust men schulen buriowne. [No book]
[12]Sotheli a weie is, that semeth iust to a man; but the laste thingis therof leden forth to deth. [No book]
[13]Leiyyng schal be medlid with sorewe; and morenyng ocupieth the laste thingis of ioye. [No book]
[14]A fool schal be fillid with hise weies; and a good man schal be aboue hym. [No book]
[15]An innocent man bileueth to eche word; a felle man biholdith hise goyngis. [No book]
[16]A wijs man dredith, and bowith awei fro yuel; a fool skippith ouer, and tristith. [No book]
[17]A man vnpacient schal worche foli; and a gileful man is odiouse. [No book]
[18]Litle men of wit schulen holde foli; and felle men schulen abide kunnyng. [No book]
[19]Yuel men schulen ligge bifor goode men; and vnpitouse men bifor the yatis of iust men. [No book]
[20]A pore man schal be hateful, yhe, to his neiybore; but many men ben frendis of riche men. [No book]
[21]He that dispisith his neiybore, doith synne; but he that doith merci to a pore man, schal be blessid. He that bileueth in the Lord, loueth merci; [No book]
[22]thei erren that worchen yuel. Merci and treuthe maken redi goodis; [No book]
[23]abundaunce `schal be in ech good werk. Sotheli where ful many wordis ben, there nedynesse is ofte. [No book]
[24]The coroun of wise men is the richessis of hem; the fooli of foolis is vnwarnesse. [No book]
[25]A feithful witnesse delyuereth soulis; and a fals man bringith forth leesyngis. [No book]
[26]In the drede of the Lord is triste of strengthe; and hope schal be to the sones of it. [No book]
[27]The drede of the Lord is a welle of lijf; that it bowe awei fro the fallyng of deth. [No book]
[28]The dignite of the king is in the multitude of puple; and the schenschipe of a prince is in the fewnesse of puple. [No book]
[29]He that is pacient, is gouerned bi myche wisdom; but he that is vnpacient, enhaunsith his foli. [No book]
[30]Helthe of herte is the lijf of fleischis; enuye is rot of boonys. [No book]
[31]He that falsli chalengith a nedi man, dispisith his maker; but he that hath merci on a pore man, onourith that makere. [No book]
[32]A wickid man is put out for his malice; but a iust man hopith in his deth. [No book]
[33]Wisdom restith in the herte of a wijs man; and he schal teche alle vnlerned men. [No book]
[34]Riytfulnesse reisith a folc; synne makith puplis wretchis. [No book]
[35]A mynystre vndurstondynge is acceptable to a kyng; a mynystre vnprofitable schal suffre the wrathfulnesse of him. [No book]
Author: John Wycliffe (1328 – 1384)
Top