|
|
| [1]Responsio mollis frangit iram; sermo durus suscitat furorem. |
[No book] |
| [2]Lingua sapientium ornat scientiam; os fatuorum ebullit stultitiam. |
[No book] |
| [3]In omni loco, oculi Domini contemplantur bonos et malos. |
[No book] |
| [4]Lingua placabilis lignum vitæ; quæ autem immoderata est conteret spiritum. |
[No book] |
| [5]Stultus irridet disciplinam patris sui; qui autem custodit increpationes astutior fiet. In abundanti justitia virtus maxima est, cogitationes autem impiorum eradicabuntur. |
[No book] |
| [6]Domus justi plurima fortitudo, et in fructibus impii conturbatio. |
[No book] |
| [7]Labia sapientium disseminabunt scientiam; cor stultorum dissimile erit. |
[No book] |
| [8]Victimæ impiorum abominabiles Domino; vota justorum placabilia. |
[No book] |
| [9]Abominatio est Domino via impii; qui sequitur justitiam diligitur ab eo. |
[No book] |
| [10]Doctrina mala deserenti viam vitæ; qui increpationes odit, morietur. |
[No book] |
| [11]Infernus et perditio coram Domino; quanto magis corda filiorum hominum ! |
[No book] |
| [12]Non amat pestilens eum qui se corripit, nec ad sapientes graditur. |
[No book] |
| [13]Cor gaudens exhilarat faciem; in mœrore animi dejicitur spiritus. |
[No book] |
| [14]Cor sapientis quærit doctrinam, et os stultorum pascitur imperitia. |
[No book] |
| [15]Omnes dies pauperis, mali; secura mens quasi juge convivium. |
[No book] |
| [16]Melius est parum cum timore Domini, quam thesauri magni et insatiabiles. |
[No book] |
| [17]Melius est vocari ad olera cum caritate, quam ad vitulum saginatum cum odio. |
[No book] |
| [18]Vir iracundus provocat rixas; qui patiens est mitigat suscitatas. |
[No book] |
| [19]Iter pigrorum quasi sepes spinarum; via justorum absque offendiculo. |
[No book] |
| [20]Filius sapiens lætificat patrem, et stultus homo despicit matrem suam. |
[No book] |
| [21]Stultitia gaudium stulto, et vir prudens dirigit gressus suos. |
[No book] |
| [22]Dissipantur cogitationes ubi non est consilium; ubi vero sunt plures consiliarii, confirmantur. |
[No book] |
| [23]Lætatur homo in sententia oris sui, et sermo opportunus est optimus. |
[No book] |
| [24]Semita vitæ super eruditum, ut declinet de inferno novissimo. |
[No book] |
| [25]Domum superborum demolietur Dominus, et firmos faciet terminos viduæ. |
[No book] |
| [26]Abominatio Domini cogitationes malæ, et purus sermo pulcherrimus firmabitur ab eo. |
[No book] |
| [27]Conturbat domum suam qui sectatur avaritiam; qui autem odit munera vivet. Per misericordiam et fidem purgantur peccata, per timorem autem Domini declinat omnis a malo. |
[No book] |
| [28]Mens justi meditatur obedientiam; os impiorum redundat malis. |
[No book] |
| [29]Longe est Dominus ab impiis, et orationes justorum exaudiet. |
[No book] |
| [30]Lux oculorum lætificat animam; fama bona impinguat ossa. |
[No book] |
| [31]Auris quæ audit increpationes vitæ in medio sapientium commorabitur. |
[No book] |
| [32]Qui abjicit disciplinam despicit animam suam; qui autem acquiescit increpationibus possessor est cordis. |
[No book] |
| [33]Timor Domini disciplina sapientiæ, et gloriam præcedit humilitas. |
[No book] |