➖ »
«
➖ ➕
Shem Tob's Hebrew Matthew (1400)
ShemTob
Peshitta OT
PesOT
←
Proverbs
Pro
16
→
[No book] [1]ܡ̣ܢ ܒܲܪܢܵܫܵܐ ܬܲܪ̈ܥܝܼܬ̣ܵܐ ܕܠܸܒܵܐ. ܘܡ̣ܢ ܡܵܪܝܵܐ ܡܲܡܠܠܵܐ ܕܠܸܫܵܢܵܐ.
[No book] [2]ܟܠܗܹܝܢ ܐܘܼܪ̈ܚܵܬܹܗ ܕܓܲܒ̣ܪܵܐ ܕܲܟ݂̈ܝܵܢ ܐܸܢܹܝܢ ܒܥܲܝܢܲܝ̈ ܢܲܦ̮ܫܹܗ. ܘܡܵܪܝܵܐ ܡܲܬ̣ܩܸܢ ܐܘܼܪ̈ܚܵܬܹܗ.
[No book] [3]ܓܠܝܼ ܠܡܵܪܝܵܐ ܥܒ̣ܵܕܲܝ̈ܟ: ܘܢܲܬ̣ܩܸܢ ܡܲܚܫ̈ܒ̣ܵܬ̣ܵܟ݂.
[No book] [4]ܟܠܗܘܿܢ ܥܒ̣ܵܕ݂ܵܘ̈ܗܝ ܕܡܵܪܝܵܐ ܠܐܲܝܠܹܝܢ ܕܡܸܫܬܲܡܥܝܼܢ ܠܹܗ. ܘܥܵܘܵܠܵܐ ܢܛܝܼܪ ܠܝܵܘܡܵܐ ܒܝܼܫܵܐ.
[No book] [5]ܛܡܲܐܗ̄ܘܼ ܩܕ݂ܵܡ ܡܵܪܝܵܐ ܟܠ ܕܪܵܡ ܒܠܸܒܹ̇ܗ. ܘܲܕ݂ܡܵܘܫܸܛ ܐܝܼܕܹܗ ܥܲܠ ܚܲܒ̣ܪܹܗ: ܠܵܐ ܢܸܬ̣ܚܲܣܹܐ ܡ̣ܢ ܒܝܼܫܬܵܐ.
[No book] [6]ܒܛܲܝܒ̇ܘܼܬ̣ܵܐ ܘܲܒ̣ܩܘܼܫܬܵܐ ܡܸܣܬ̇ܒܸܩ ܥܵܘܼܠܵܐ. ܘܕܸܚ̱ܠܬܹܗ ܕܡܵܪܝܵܐ ܡܲܣ̄ܛܝܵܐ ܡ̣ܢ ܒܝܼܫܬܵܐ.
[No book] [7]ܒܨܸܒ̣ܝܵܢܹܗ ܕܡܵܪܝܵܐ ܐܘܼܪ̈ܚܵܬܹܗ ܕܓܲܒ̣ܪܵܐ. ܘܐܵܦ ܠܲܒ̣ܥܸܠܕ̇ܒ̣ܵܒ̣ܵܘ̈ܗܝ ܢܸܦܪܘܿܥ.
[No book] [8]ܛܵܒ̣ ܗ̄ܘܼ ܩܲܠܝܼܠ ܒܙܲܕ̇ܝܼܩܘܼܬ̣ܵܐ: ܡ̣ܢ ܣܘܿܓ̣ܵܐܐ ܕܥܲܠ̈ܠܵܬ̣ܵܐ ܕܠܵܐ ܒܕ݂ܝܼܢܵܐ.
[No book] [9]ܠܸܒܹ̇ܗ ܕܒܲܪܢܵܫܵܐ ܡܸܬ̣ܚܲܫܲܒ̣ ܐܘܼܪ̈ܚܵܬܹܗ. ܘܡܵܪܝܵܐ ܡܲܬ̣ܩܸܢ ܗܲܠܟ݂ܵܬܹ̈ܗ.
[No book] [10]ܩܸܨܡܵܐ ܥܲܠ ܣܸܦ̈ܘܵܬܹܗ ܕܡܲܠܟܵܐ. ܘܲܒ̣ܕ݂ܝܼܢܵܐ ܠܵܐ ܢܸܛܥܹܐ ܦܘܼܡܹܗ.
[No book] [11]ܡܲܬ̣ܩܵܠܵܐ ܕܡܲܣܲܐܬ̣ܵܐ ܕܝܼܢܹܗ ܕܡܵܪܝܵܐ ܘܲܥܒ̣ܵܕ݂ܵܘ̈ܗܝ ܟܠܗܘܿܢ ܡܲܬ̣ܩܵܠܹ̈ܐ ܕܩܘܼܫܬܵܐ.
[No book] [12]ܛܲܡܐܝܼܢ ܐܸܢܘܿܢ ܡܲܠܟܹ̈ܐ ܕܥܵܒ̣ܕ̇ܝܼܢ ܥܵܘܼܠܵܐ. ܡܸܛܠ ܕܲܒ̣ܙܲܕ̇ܝܼܩܘܼܬ̣ܵܐ ܗ̄ܘܼ ܡܲܬ̣ܩܲܢ ܟܘܼܪܣܝܵܐ.
[No book] [13]ܨܸܒ̣ܝܵܢܹܗ ܕܡܲܠܡܵܐ ܣܸܦ̈ܘܵܬܹܗ ܕܙܲܕ̇ܝܼܩܵܐ. ܘܡܸܠܬ̣ܵܐ ܕܲܬ̣ܪ̈ܝܼܨܹܐ ܪܵܚܹ̇ܡ.
[No book] [14]ܚܸܡܬܹܗ ܕܡܲܠܟܵܐ ܡܲܠܲܐܟܹ̈ܐ ܐܸܢܘܿܢ ܕܡܵܘܬܵܐ. ܘܓܲܒ̣ܪܵܐ ܚܲܟ̇ܝܼܡܵܐ ܢܕܲܥܟ݂ܝܼܗ̇.
[No book] [15]ܒܢܘܼܗܪܵܐ ܕܦܲܪܨܘܿܦܹܗ ܕܡܲܠܟܵܐ ܚܲܝܹ̈ܐ. ܘܨܸܒ̣ܝܵܢܹܗ ܐܲܝܟ݂ ܥܢܵܢܵܐ ܒܟ݂ܝܼܪܵܝܬܵܐ.
[No book] [16]ܕܩܵܢܹ̇ܐ ܚܸܟ݂ܡ̱ܬ̣ܵܐ ܛܵܒܹ̇ܐ ܗ̄ܝܼ ܠܹܗ ܡ̣ܢ ܕܲܗܒ̣ܵܐ: ܘܲܕ݂ܩܵܢܹ̇ܐ ܣܘܼܟܵܠܵܐ: ܡܝܲܬܲܪ ܗ̄ܘܼ ܠܹܗ ܡ̣ܢ ܣܹܐܡܵܐ.
[No book] [17]ܫܒ̣ܝܼܠܵܐ ܕܲܬ̣ܪ̈ܝܼܨܹܐ ܡܲܣܛܹܐ ܡ̣ܢ ܒܝܼܫܬܵܐ. ܘܕܲܙܗܝܼܪ ܒܢܲܦ̮ܫܹܗ: ܢܵܛܲܪ ܐܘܼܪܚܹܗ.
[No book] [18]ܩܕ݂ܵܡ ܬܒ̣ܵܪܵܐ ܨܲܥܪܵܐ. ܘܲܩܕ݂ܵܡ ܟܘܼܪܗܵܢܵܐ ܪܵܡܘܼܬ̣ ܪܘܼܚܵܐ.
[No book] [19]ܛܵܒ̣ ܗ̄ܘܼ ܡܲܟ̇ܝܼܟ݂ ܪܘܼܚܵܐ ܘܡܲܟ̇ܝܼܟ݂ ܥܲܝ̈ܢܹܐ: ܡ̣ܢ ܗܵܘܿ ܕܲܡܦܲܠܸܓ̣ ܒܸܙܬ̣ܵܐ ܥܲܡ ܥܲܫܝܼܢܹ̈ܐ.
[No book] [20]ܕܡܸܣܬܲܟܲܠ ܡܸܠܬ̣ܵܐ: ܡܸܫܟܲܚ ܛܵܒ̣ܬ̣ܵܐ ܘܕܲܬ̣ܟ݂ܝܼܠ ܥܲܠ ܡܵܪܝܵܐ ܛܘܼܒ̣ܵܘܗܝ.
[No book] [21]ܚܲܟ̇ܝܼܡ ܠܸܒܵܐ ܝܵܕܲܥ ܣܘܼܟܵܠܵܐ ܘܲܕ݂ܚܲܠ̈ܝܵܢ ܣܸܦ̈ܘܵܬܹܗ ܡܵܘܣܸܦ ܝܘܼܠܦܵܢܵܐ.
[No book] [22]ܡܲܒ̇ܘܼܥܵܐ ܕܚܲܝܹ̈ܐ ܣܘܼܟܵܠܵܐ ܗ̄ܘܼ ܠܐܲܝܠܹܝܢ ܕܝܵܕ݂ܥܝܼܢ ܠܹܗ. ܘܡܲܪܕ̇ܘܼܬ̣ܵܐ ܕܣܲܟ݂ܠܹ̈ܐ ܫܵܛܝܘܼܬ̣ܵܐ ܗ̄ܝܼ.
[No book] [23]ܠܸܒܵܐ ܚܲܟ̇ܝܼܡܵܐ ܝܵܕܲܥ ܡܹܐܡܪܵܐ ܕܦܘܼܡܹܗ ܘܥܲܠ ܣܸܦ̈ܘܵܬܹܗ ܡܵܘܣܸܦ ܝܘܼܠܦܵܢܵܐ.
[No book] [24]ܟܲܟܵܪܝܼܬ̣ܵܐ ܕܕܸܒ̣ܫܵܐ ܡܹܐܡܪܹܗ ܕܚܲܟ̇ܝܼܡܵܐ: ܘܚܲܠܝܵܐܗ̄ܝܼ ܠܢܲܦ̮ܫܹܗ: ܘܐܵܣܝܘܼܬ̣ܵܐ ܗ̄ܝܼ ܠܓܲܪ̈ܡܵܘܗܝ.
[No book] [25]ܐܝܼܬ̣ ܐܘܼܪܚܵܐ ܕܡܸܬ̣ܚܲܙܝܵܐ ܒܥܲܝܢܲܝ̈ ܒܢܲܝ̈ܢܵܫܵܐ: ܕܲܬ̣ܪܝܼܨܵܐ ܗ̄ܝܼ. ܘܐܘܼܪ̈ܚܵܬ̣ܵܗ̇ ܐܘܼܪ̈ܚܵܬ̣ܵܐ ܐܸܢܹܝܢ ܕܡܵܘܬܵܐ.
[No book] [26]ܢܲܦ̮ܫܵܐ ܡܲܟ݂ܐܲܒ̣ܬܵܐ ܟܹܐܒܹ̈ܝܗ̇ ܠܵܗ̇. ܘܡ̣ܢ ܦܘܼܡܵܐ ܕܢܲܦ̮ܫܵܗ̇ ܐܵܬܹܐ ܠܵܗ̇ ܐܲܒ̣ܕܵܢܵܐ.
[No book] [27]ܓܲܒ̣ܪܵܐ ܥܵܘܿܠܵܐ ܚܵܫܹ̇ܠ ܒܝܼܫܬܵܐ. ܘܡ̣ܢ ܦܘܼܡܹܗ ܝܵܩܕܵܐ ܢܘܼܪܵܐ.
[No book] [28]ܓܲܒ̣ܪܵܐ ܥܵܘܿܠܵܐ ܡܓܲܪܸܓ̣ ܕܝܼܢܵܐ ܘܲܣܪܝܼܩܵܐ ܪܵܕܹܦ ܪ̈ܵܚܡܹܐ ܪ̈ܵܚܡܵܘܗܝ.
[No book] [29]ܓܲܒ̣ܪܵܐ ܥܵܘܿܠܵܐ ܡܫܲܕܸ̇ܠ ܚܲܒ̣ܪܹܗ ܘܡܵܘܒܸ̇ܠ ܠܹܗ ܒܐܘܼܪܚܵܐ ܕܠܵܐ ܫܲܦܝܼܪܵܐ.
[No book] [30]ܘܪܵܡܹ̇ܙ ܒܥܲܝܢܵܘ̈ܗܝ: ܘܡܸܬ̣ܚܲܫܲܒ̣ ܗܦܝܼ̈ܟ݂ܵܬ̣ܵܐ: ܘܡܸܬ̣ܪܲܥܹܐ ܒܣܸܦ̈ܘܵܬܹܗ: ܘܓ̣ܵܡܲܪ ܒܝܼ̈ܫܵܬ̣ܵܐ.
[No book] [31]ܟܠܝܼܠܵܐ ܕܬܸܫܒ̇ܘܿܚܬܵܐ ܣܲܝܒ̇ܘܼܬ̣ܵܐ. ܘܒ̣ܐܘܼܪܚܵܐ ܕܙܲܕ̇ܝܼܩܘܼܬ̣ܵܐ ܡܸܫܬܲܒ̇ܚܵܐ.
[No book] [32]ܛܵܒ̣ ܗ̄ܘܼ ܢܲܓ̇ܝܼܪ ܪܘܼܚܵܐ ܡ̣ܢ ܓܲܢ̄ܒܵܪܵܐ. ܘܕܲܡܟܲܒܸ̇ܫ ܢܲܦ̮ܫܹܗ ܡ̣ܢ ܗܵܘ̇ ܕܐܲܚܝܼܕ݂ ܡܕ݂ܝܼܢ̄ܬܵܐ.
[No book] [33]ܒܥܘܼܒܹ̇ܗ ܕܥܲܢܵܬ̣ܵܐ ܢܵܦ̇ܠܵܐ ܦܸܨܬܹܗ: ܘܡ̣ܢ ܩܕ݂ܵܡ ܡܵܪܝܵܐ ܢܵܦܹ̇ܩ ܕܝܼܢܹܗ.
Author: Shem-Tob ben Isaac Ibn Shaprut (14th century)

See information...
Top