|
|
| [1]Mi sone, if thou resseyuest my wordis, `and hidist myn heestis anentis thee; |
[No book] |
| [2]that thin eere here wisdom, bowe thin herte to knowe prudence. |
[No book] |
| [3]For if thou inwardli clepist wisdom, and bowist thin herte to prudence; |
[No book] |
| [4]if thou sekist it as money, and diggist it out as tresours; |
[No book] |
| [5]thanne thou schalt vndirstonde the drede of the Lord, and schalt fynde the kunnyng of God. |
[No book] |
| [6]For the Lord yyueth wisdom; and prudence and kunnyng is of his mouth. |
[No book] |
| [7]He schal kepe the heelthe of riytful men, and he schal defende hem that goen sympli. |
[No book] |
| [8]And he schal kepe the pathis of riytfulnesse, and he schal kepe the weies of hooli men. |
[No book] |
| [9]Thanne thou schalt vndirstonde riytfulnesse, and dom, and equytee, and ech good path. |
[No book] |
| [10]If wysdom entrith in to thin herte, and kunnyng plesith thi soule, |
[No book] |
| [11]good councel schal kepe thee, and prudence schal kepe thee; that thou be delyuered fro an yuel weie, |
[No book] |
| [12]and fro a man that spekith weiward thingis. |
[No book] |
| [13]Whiche forsaken a riytful weie, and goen bi derk weies; |
[No book] |
| [14]whiche ben glad, whanne thei han do yuel, and maken ful out ioye in worste thingis; |
[No book] |
| [15]whose weies ben weywerd, and her goyingis ben of yuel fame. |
[No book] |
| [16]That thou be delyuered fro an alien womman, and fro a straunge womman, that makith soft hir wordis; |
[No book] |
| [17]and forsakith the duyk of hir tyme of mariage, |
[No book] |
| [18]and hath foryete the couenaunt of hir God. For the hous of hir is bowid to deeth, and hir pathis to helle. |
[No book] |
| [19]Alle that entren to hir, schulen not turne ayen, nether schulen catche the pathis of lijf. |
[No book] |
| [20]That thou go in a good weie, and kepe the pathis of iust men. |
[No book] |
| [21]Forsothe thei that ben riytful, schulen dwelle in the lond; and symple men schulen perfitli dwelle ther ynne. |
[No book] |
| [22]But vnfeithful men schulen be lost fro the loond; and thei that doen wickidli, schulen be takun awey fro it. |
[No book] |