|
|
| [1]Luxuriosa res vinum, et tumultuosa ebrietas: quicumque his delectatur non erit sapiens. |
[No book] |
| [2]Sicut rugitus leonis, ita et terror regis: qui provocat eum peccat in animam suam. |
[No book] |
| [3]Honor est homini qui separat se a contentionibus; omnes autem stulti miscentur contumeliis. |
[No book] |
| [4]Propter frigus piger arare noluit; mendicabit ergo æstate, et non dabitur illi. |
[No book] |
| [5]Sicut aqua profunda, sic consilium in corde viri; sed homo sapiens exhauriet illud. |
[No book] |
| [6]Multi homines misericordes vocantur; virum autem fidelem quis inveniet? |
[No book] |
| [7]Justus qui ambulat in simplicitate sua beatos post se filios derelinquet. |
[No book] |
| [8]Rex qui sedet in solio judicii dissipat omne malum intuitu suo. |
[No book] |
| [9]Quis potest dicere: Mundum est cor meum; purus sum a peccato? |
[No book] |
| [10]Pondus et pondus, mensura et mensura: utrumque abominabile est apud Deum. |
[No book] |
| [11]Ex studiis suis intelligitur puer, si munda et recta sint opera ejus. |
[No book] |
| [12]Aurem audientem, et oculum videntem: Dominus fecit utrumque. |
[No book] |
| [13]Noli diligere somnum, ne te egestas opprimat; aperi oculos tuos, et saturare panibus. |
[No book] |
| [14]Malum est, malum est, dicit omnis emptor; et cum recesserit, tunc gloriabitur. |
[No book] |
| [15]Est aurum et multitudo gemmarum, et vas pretiosum labia scientiæ. |
[No book] |
| [16]Tolle vestimentum ejus qui fidejussor extitit alieni, et pro extraneis aufer pignus ab eo. |
[No book] |
| [17]Suavis est homini panis mendacii, et postea implebitur os ejus calculo. |
[No book] |
| [18]Cogitationes consiliis roborantur, et gubernaculis tractanda sunt bella. |
[No book] |
| [19]Ei qui revelat mysteria et ambulat fraudulenter, et dilatat labia sua, ne commiscearis. |
[No book] |
| [20]Qui maledicit patri suo et matri, extinguetur lucerna ejus in mediis tenebris, |
[No book] |
| [21]hæreditas ad quam festinatur in principio, in novissimo benedictione carebit. |
[No book] |
| [22]Ne dicas: Reddam malum: exspecta Dominum, et liberabit te. |
[No book] |
| [23]Abominatio est apud Dominum pondus et pondus; statera dolosa non est bona. |
[No book] |
| [24]A Domino diriguntur gressus viri; quis autem hominum intelligere potest viam suam? |
[No book] |
| [25]Ruina est homini devorare sanctos, et post vota retractare. |
[No book] |
| [26]Dissipat impios rex sapiens, et incurvat super eos fornicem. |
[No book] |
| [27]Lucerna Domini spiraculum hominis, quæ investigat omnia secreta ventris. |
[No book] |
| [28]Misericordia et veritas custodiunt regem, et roboratur clementia thronus ejus. |
[No book] |
| [29]Exsultatio juvenum fortitudo eorum, et dignitas senum canities. |
[No book] |
| [30]Livor vulneris absterget mala, et plagæ in secretioribus ventris. |
[No book] |