➖ »
«
➖ ➕
Peshitta OT
PesOT
The Book of Jubilees
Jub(YWO)
←
Proverbs
Pro
22
→
[1]ܡܝܲܬܲܪ ܗ̄ܘܼ ܫܡܵܐ ܡ̣ܢ ܥܘܼܬ̣ܪܵܐ ܣܲܓ̇ܝܼܐܵܐ. ܘܛܵܒ̣ܵܐ ܡܪܲܚܡܵܢܘܼܬ̣ܵܐ ܡ̣ܢ ܕܲܗܒ̣ܵܐ ܘܡ̣ܢ ܣܹܐܡܵܐ. [No book]
[2]ܥܲܬ̇ܝܼܪܵܐ ܘܡܸܣܟܹ̇ܢܵܐ ܦܓܲܥ̣ܘ ܚܲܕ݂ ܒܚܲܕ݂. ܘܠܲܬ̣ܪ̈ܲܝܗܘܿܢ ܡܵܪܝܵܐ ܥ̣ܒܲܕ݂. [No book]
[3]ܥܪܝܼܡܵܐ ܚ̣ܙܵܐ ܒܝܼܫܵܐ ܕܡܸܬ̣ܢܲܓܲܕ݂: ܘܥܲܫܝܼܢܵܐܝܼܬ̣ ܐܸܬ̣ܪ̱ܕ݂ܝܼ. ܣܲܟ݂̈ܠܹܐ ܕܹܝܢ ܥ̣ܒܲܪܘ ܥܠܵܘܗܝ: ܘܲܚܣܲܪܘ. [No book]
[4]ܥܸܩܒܹ̈ܝܗ̇ ܕܡܲܟ̇ܝܼܟ݂ܘܼܬ̣ܵܐ ܕܸܚ̱ܠܬܹܗ ܕܡܵܪܝܵܐ: ܘܥܘܼܬ̣ܪܵܐ: ܘܐܝܼܩܵܪܵܐ: ܘܚܲܝܹ̈ܐ. [No book]
[5]ܢܸܫ̈ܒܹ̇ܐ ܘܦܲܚܹ̈ܐ ܒܐܘܼܪܚܵܐ ܥܣܲܩܬ̣ܵܐ. ܘܡ̇ܢ ܕܢܵܛܲܪ ܢܲܦ̮ܫܹܗ: ܢܸܬ̣ܪܲܚܲܩ ܡܸܢܗܘܿܢ. [No book]
[6]ܕܡܲܟܸ̇ܣ ܠܛܲܠܝܵܐ ܥܲܠ ܦܘܼܡܵܗ̇ ܕܐܘܼܪܚܵܐ: ܐܵܦ ܐܸܢ ܢܸܩܲܫ: ܠܵܐ ܢܸܣܛܹܐ ܡܸܢܵܗ̇. [No book]
[7]ܥܲܬ̇ܝܼܪܵܐ ܢܸܫܬܲܠܲܛ ܒܹܗ ܡܸܣܟܹ̇ܢܵܐ. ܘܥܲܒ̣ܕܵܐ ܢܵܘܙܸܦ ܠܡ̇ܢ ܕܡܵܘܙܸܦ ܗ̄ܘܼܵܐ ܠܹܗ. [No book]
[8]ܕܙܵܪܲܥ ܥܵܘܼܠܵܐ: ܢܸܚܨܘܿܕ݂ ܥܸܬܵܐ. ܘܫܲܒ̣ܛܵܐ ܕܐܲܟ̇ܬܹܗ ܢܸܓ̣ܡܘܿܪ. [No book]
[9]ܡ̇ܢ ܕܛܵܒ̣ܵܐ ܥܲܝܢܹܗ: ܗ̤ܘ ܢܸܬ̣ܒܲܪܲܟ݂. ܡܸܛܠ ܕܝܵܗܹ̇ܒ̣ ܡ̣ܢ ܠܲܚܡܹܗ ܠܡܸܣܟܹ̇ܢܵܐ. [No book]
[10]ܐܵܘܒܸ̇ܕ݂ ܠܒ̣ܝܼܫܵܐ: ܘܐܲܦܸܩ ܠܚܸܪܝܵܝܵܐ: ܘܒܲܛܸܠ ܕܝܼܢܵܐ ܘܨܲܥܪܵܐ. ܕܠܵܐ ܐܸܢ ܢܸܬܸ̇ܒ̣ ܒܲܟ݂ܢܘܼܫܬܵܐ: ܠܟ݂ܠܗܘܿܢ ܢܨܲܥܲܪ. [No book]
[11]ܪܵܚܹ̇ܡ ܐܲܠܵܗܵܐ ܠܐܲܝܢܵܐ ܕܲܕ݂ܟ݂ܐ ܒܠܸܒܹ̇ܗ. ܘܲܡܪܲܚܸܡ ܥܲܠ ܣܸܦ̈ܘܵܬ̣ܵܐ ܕܪ̈ܵܚܡܵܘܗܝ ܕܡܲܠܟܵܐ. [No book]
[12]ܥܲܝܢܵܘ̈ܗܝ ܕܡܵܪܝܵܐ ܢܵܛ̇ܪܵܢ ܝܼܕܲܥܬ̣ܵܐ. ܘܡܵܘ̈ܒ̇ܕ݂ܵܢ ܡܸܠܹ̈ܐ ܕܲܓܵܠܵـ̈ـܬ̣ܵܐ. [No book]
[13]ܐܵܡܲܪ ܚܒܸܢܵܢܵܐ ܡܵܐ ܕܡܸܫܬܲܕܲܪ: ܐܲܪܝܵܐ ܒܐܘܼܪܚܵܐ: ܘܗܵܐ ܩܸܛܠܵܐ ܒܫܘܼܩܹ̈ܐ. [No book]
[14]ܓܘܼܡܵܨܵܐ ܥܲܡܝܼܩܵܐ ܦܘܼܡܵܗ̇ ܕܢܘܼܟ݂ܪܵܝܬܵܐ. ܘܐܲܝܢܵܐ ܕܪܵܓܹ̇ܙ ܥܠܵܘܗܝ ܡܵܪܝܵܐ: ܢܵܦܹ̇ܠ ܬܲܡܵܢ. [No book]
[15]ܫܵܛ̇ܝܘܼܬ̣ܵܐ ܡܲܦܪ̱ܕܵܐ ܠܸܒܹ̇ܗ ܕܛܲܠܝܵܐ. ܘܫܲܒ̣ܛܵܐ ܕܡܲܪܕ̇ܘܼܬ̣ܵܐ ܡܲܪܚܸܩ ܡܸܢܹܗ. [No book]
[16]ܕܬ̣ܵܐܲܟ݂ ܠܡܸܣܟܹ̇ܢܵܐ ܡܲܣܓܹ̇ܐ ܒܝܼܫܬܹ̇ܗ: ܘܲܕ݂ܝܵܗܹ̇ܒ̣ ܠܥܲܬ̇ܝܼܪܵܐ: ܚܘܼܣܪܵܢܵܐ ܗ̄ܘܼ ܠܢܲܦ̮ܫܹܗ. [No book]
[17]ܐܲܪܟܸ̇ܢ ܐܸܕ݂ܢܵܟ݂: ܘܲܫܡܲܥ ܡܸܠܹ̈ܐ ܕܚܲܟ̇ܝܼܡܹ̈ܐ. ܘܣܝܼܡ ܠܸܒܵܟ݂ ܠܝܼܕܲܥܬ̣ܝ. [No book]
[18]ܡܸܛܠ ܕܒܲܣܝܼ̈ܡܵܢ ܐܸܢܹܝܢ: ܛܲܪ ܐܹܢܹܝܢ ܒܟܲܪܣܵܟ݂. ܘܢܸܬ̣ܩ̈ܢܵܢ ܐܲܟ݂ܚ̄ܕ݂ܵܐ ܥܲܠ ܣܸܦ̈ܘܵܬ̣ܵܟ݂. [No book]
[19]ܕܢܸܗܘܹܐ ܬܘܼܟ݂ܠܵܢܵܟ݂ ܥܲܠ ܡܵܪܝܵܐ: ܐܵܘܕܲܥ̇ܬܵܟ݂ ܝܵܘܡܵܢܵܐ. [No book]
[20]ܘܗܵܐ ܟܸܬ̣ܒܹ̇ܬ̣ ܐܸܢܹܝܢ ܠܵܟ݂ ܥܲܠ ܬܠܵܬ̣ ܙܲܒ̣ܢ̈ܝܼܢ. [No book]
[21]ܕܐܵܘܕ̇ܥܵܟ݂ ܡܸܠܟܵܐ ܘܝܼܕܲܥܬ̣ܵܐ: ܘܫܸܠܝܵܐ ܘܡܸܠܹ̈ܐ ܕܩܘܼܫܬܵܐ. ܕܬܲܗܦܸܟ݂ ܡܸܠܬ̣ܵܐ ܕܩܘܼܫܬܵܐ ܠܡ̇ܢ ܕܫܲܕ̇ܪܵܟ݂. [No book]
[22]ܠܵܐ ܬܸܬ̇ܘܿܟ݂ ܠܡܸܣܟܹ̇ܢܵܐ ܡܸܛܠ ܕܡܸܣܟܹ̇ܝܢ ܗ̄ܘܼ. ܘܠܵܐ ܬܡܲܟܸ̇ܟ݂ ܠܒ̣ܵܝ̇ܫܵܐ ܒܬܲܪܥܵܐ. [No book]
[23]ܡܸܛܠ ܕܡܵܪܝܵܐ ܕܵܐܹ̇ܢ ܕܝܼܢܗܘܿܢ. ܘܡܸܬ̣ܦܪܲܥ ܥܘܼܠܒܵܢܵܐ ܕܢܲܦ̮ܫܗܘܿܢ. [No book]
[24]ܠܵܐ ܬܸܗܘܹܐ ܪܵܚ̇ܡܵܐ ܠܓܲܒ̣ܪܵܐ ܚܸܡܬ̣ܵܢܵܐ. ܘܥܲܡ ܓܲܒ̣ܪܵܐ ܕܲܡܠܹܐ ܪܘܼܓ̣ܙܵܐ ܠܵܐ ܬܸܥܘܿܠ. [No book]
[25]ܕܠܵܐ ܬܹܐܠܲܦ ܡ̣ܢ ܢܵܡܘܿܣܵܘ̈ܗܝ. ܘܬܸܫܟܲܚ ܬܘܼܩ̱ܠܬ̣ܵܐ ܠܢܲܦ̮ܫܵܟ݂. [No book]
[26]ܠܵܐ ܬܸܬܸ̇ܠ ܢܲܦ̮ܫܵܟ݂ ܠܥܲܪܵܒ̣ܘܼܬ̣ܵܐ: ܒܲܕ݂ܒܵܗܹ̇ܬ̣ ܐܲܢ̄ܬ̇ ܡ̣ܢ ܦܲܪ̈ܨܘܿܦܵܐ. [No book]
[27]ܐܸܢ ܠܲܝܬ̇ ܠܵܟ݂ ܓܹܝܪ ܡ̣ܢ ܐܲܬܲܪ ܕܬܸܦܪܘܿܥ: ܢܵܣ̇ܒ̇ܝܼܢ ܬܸܫܘܝܼܬ̣ܵܐ ܡ̣ܢ ܬܚܘܿܬܲܝܟ. [No book]
[28]ܠܵܐ ܬܫܲܢܸܐ ܬܚܘܼܡܵܐ ܕܡ̣ܢ ܥܵܠܲܡ: ܕܬܲܚܸܡ̣ܘ ܐܲܒ̣ܵܗܲܝ̈ܟ. [No book]
[29]ܐܸܢ ܚܸܙܲܝܬ̇ ܓܲܒ̣ܪܵܐ ܕܲܡܗܝܼܪ ܒܲܥܒ̣ܵܕܹ̇ܗ: ܩܕ݂ܵܡ ܡܲܠܟܹ̈ܐ ܢܩܘܼܡ. ܘܠܵܐ ܢܩܘܼܢ ܩܕ݂ܵܡ ܚܲܫܝܼ̈ܟܹܐ. [No book]
Author: Enoch the Prophet
Source: www.YahwehsWord.org
Top