|
|
| [1]ܐܸܢ ܝܵܬܹ̇ܒ̣ ܐܲܢ̄ܬ̇ ܠܡܲܚܫܵܡܘܼ ܥܲܡ ܫܲܠܝܼܛܵܐ: ܐܸܫܬܵܘܕܲܥ ܡܸܕܹ̇ܡ ܕܣܝܼܡ ܩܕ݂ܵܡܲܝܟ. |
[No book] |
| [2]ܕܠܵܐ ܬܣܝܼܡ ܣܲܟ̇ܝܼܢܵܐ ܒܦܘܼܡܵܟ݂: ܐܸܢ ܐܝܼܬ̣ ܓܲܒ̣ܪܵܐ ܕܲܢܦܝܼܫ. |
[No book] |
| [3]ܠܵܐ ܬܸܪܲܓ̣ ܡ̣ܢ ܡܹܐܟ݂ܘܼܠܬܹ̇ܗ: ܡܸܛܠ ܕܠܲܚܡܹܗ ܠܲܚܡܵܐ ܗ̄ܘܼ ܕܕܸ̇ܓܵܠܘܼܬ̣ܵܐ. |
[No book] |
| [4]ܠܵܐ ܬܸܬ̣ܩܲܪܲܒ̣ ܠܥܲܬ̇ܝܼܪܵܐ. ܐܸܠܵܐ ܒܚܸܟ݂ܡ̱ܬ̣ܵܐ ܐܸܬ̣ܦܲܪܲܩ ܡܸܢܹܗ. |
[No book] |
| [5]ܐܸܢ ܬܲܨܹܕ݂ ܓܹܝܪ ܥܲܝܢܵܟ݂ ܒܹܗ: ܠܵܐ ܡܸܬ̣ܚܙܹܐ ܠܵܟ݂. ܡܸܛܠ ܕܥܵܒܹ̇ܕ݂ ܠܹܗ ܓ̣ܦܹ̈ܐ ܐܲܝܟ݂ ܕܢܸܫܪܵܐ: ܘܦܵܪܲܚ ܠܲܫܡܲܝܵܐ. |
[No book] |
| [6]ܠܵܐ ܬܲܚܫܸܡ ܥܲܡ ܓܲܒ̣ܪܵܐ ܚܲܘܵܪܵܐ: ܘܠܵܐ ܬܸܪܲܓ̣ ܡ̣ܢ ܡܹܐܟ݂ܘܼܠܬܹ̇ܗ. |
[No book] |
| [7]ܐܲܟ݂ܙܢܵܐ ܓܹܝܪ ܕܐ̄ܢܵܫ ܒܵܠܲܥ ܙܸܦ̮ܬܵܐ: ܗܵܟܲܢܵܐ ܐܵܟܹ̇ܠ ܐܲܢ̄ܬ̇ ܘܫܵܬܹ̇ܐ ܥܲܡܹܗ. ܘܠܸܒܹ̇ܗ ܠܵܐ ܗ̄ܘܼܵܐ ܠܘܵܬ̣ܵܟ݂. |
[No book] |
| [8]ܘܠܲܚܡܵܐ ܕܐܵܟܹ̇ܠ ܐܲܢ̄ܬ̇: ܡܬ̣ܝܼܒ̣ ܐܲܢ̄ܬ̇ ܠܹܗ. ܘܲܡܚܲܒܸ̇ܠ ܐܲܢܬ̇ ܡܸܠܲܝ̈ܟ ܒܲܣܝܼ̈ܡܵܬ̣ܵܐ. |
[No book] |
| [9]ܩܕ݂ܵܡ ܣܲܟ݂ܠܵܐ ܠܵܐ ܬܡܲܠܸܠ: ܡܸܛܠ ܕܫܵܐܹ̇ܛ ܠܗܹܝܢ ܠܡܸܠܲܝ̈ܟ. |
[No book] |
| [10]ܠܵܐ ܬܫܲܢܸܐ ܬܚܘܼܡܵܐ ܕܡ̣ܢ ܥܵܠܲܡ. ܘܲܒ̣ܚܲܩܠܵܐ ܕܝܲܬ̣ܡܹ̈ܐ ܠܵܐ ܬܸܥܘܿܠ. |
[No book] |
| [11]ܡܸܛܠ ܕܦܵܪܘܿܩܗܘܿܢ ܬܲܩܝܼܦ ܗ̄ܘܼ ܘܗ̤ܘ ܢܕ݂ܘܼܢ ܕܝܼܢܗܘܿܢ ܥܲܡܵܟ݂. |
[No book] |
| [12]ܐܲܥܸܠ ܠܸܒܵܟ݂ ܠܡܲܪܕ̇ܘܼܬ̣ܐ: ܘܐܸܕ݂ܢܲܝ̈ܟ ܠܡܹܐܡܪܵܐ ܕܝܼܕܲܥܬ̣ܵܐ. |
[No book] |
| [13]ܠܵܐ ܬܸܟ݂ܠܸܐ ܡܲܪܕ̇ܘܼܬ̣ܵܐ ܡ̣ܢ ܛܲܠܝܵܐ. ܡܸܛܠ ܕܐܸܢ ܡܵܚܹ̇ܐ ܐܲܢ̄ܬ̇ ܠܹܗ: ܠܵܐ ܡܵܐܹ̇ܬ̣. |
[No book] |
| [14]ܐܲܢ̄ܬ̇ ܓܹܝܪ ܡܵܚܹ̇ܐ ܐܲܢ̄ܬ̇ ܠܹܗ ܒܫܲܒ̣ܛܵܐ: ܘܢܲܦ̮ܫܹܗ ܡ̣ܢ ܫܝܘܿܠ ܡܦܲܨܹܐ ܐܲܢ̄ܬ̇. |
[No book] |
| [15]ܒܹܪܝ: ܐܸܢ ܚܲܟ̇ܝܼܡ ܠܸܒܵܟ݂: ܐܵܦ ܠܹܒ̇ܝ ܕܝܼܠܝ ܢܸܚܕܹ̇ܐ. |
[No book] |
| [16]ܘܲܢܕ݂ܘܼ̈ܨܵܢ ܟܘܿܠ̈ܝܵܬ̣ܝ: ܡܵܐ ܕܲܡܡܲܠ̈ܠܵܢ ܣܸܦ̈ܘܵܬ̣ܵܟ݂ ܬܪܝܼܨܘܼܬ̣ܵܐ. |
[No book] |
| [17]ܠܵܐ ܢܸܛܲܢ ܠܸܒܵܟ݂ ܒܚܲܛܵܝܹ̈ܐ. ܐܸܠܵܐ ܒܕܸܚ̱ܠܬܹܗ ܕܡܵܪܝܵܐ ܟܠܝܘܿܡ. |
[No book] |
| [18]ܕܬܸܗܘܹܐ ܠܵܟ݂ ܚܲܪܬ̣ܵܐ: ܘܣܲܒ̣ܪܵܟ݂ ܠܵܐ ܢܸܓ̣ܡܲܪ. |
[No book] |
| [19]ܫܡܲܥ ܒܹܪܝ: ܘܲܗ̤ܘܝܼ ܚܲܟ̇ܝܼܡ ܘܲܬ̣ܪܘܿܨ ܬܲܪܥܝܼܬ̣ܝ ܒܠܸܒܵܟ݂. |
[No book] |
| [20]ܠܵܐ ܬܸܗܘܹܐ ܪܵܘܵܝ ܒܚܲܡܪܵܐ. ܘܠܵܐ ܬܸܗܘܹܐ ܐܵܣܘܿܛ ܒܒܸܣܪܵܐ. |
[No book] |
| [21]ܡܸܛܠ ܕܲܕ݂ܪܵܘܵܝ ܒܚܲܡܪܵܐ: ܘܐܵܣܘܿܛ ܒܒܸܣܪܵܐ: ܢܹܐܒܲܕ݂ ܘܲܕ̇ܕ݂ܵܡܹ̇ܟ݂: ܢܸܠܒܲܫ ܒܲܪ̈ܕ̇ܥܵܬ̣ܵܐ. |
[No book] |
| [22]ܫܡܲܥ ܠܐܲܒ̣ܘܼܟ݂ ܕܐܵܘܠܕ݂ܵܟ݂. ܘܠܵܐ ܬܫܘܼܛ ܣܲܝܒ̇ܘܼܬ̣ܵܐ ܕܐܸܡܵܟ݂. |
[No book] |
| [23]ܩܘܼܫܬܵܐ ܩܢܝܼ. ܘܠܵܐ ܬܙܲܒܸ̇ܢ ܚܸܟ݂ܡ̱ܬ̣ܵܐ ܘܣܘܼܟܵܠܵܐ ܘܡܲܪܕ̇ܘܼܬ̣ܵܐ. |
[No book] |
| [24]ܢܸܪܘܲܙ ܘܲܢܕ݂ܘܼܨ ܐܲܒ̣ܘܼܗܝ ܕܙܲܕ̇ܝܼܩܵܐ. ܘܢܵܘܠܸܕ݂ ܚܲܟ̇ܝܼܡܵܐ: ܘܢܸܚܕܹ̇ܐ ܒܹܗ ܐܲܒ̣ܘܗܝ. |
[No book] |
| [25]ܘܢܸܚܕ̇ܘܿܢ ܒܵܟ݂ ܐܲܒ̣ܘܼܟ݂ ܘܐܸܡܵܟ݂: ܘܲܬ̇ܕ݂ܘܼܨ ܝܵܠܹܕ̇ܬܵܟ݂. |
[No book] |
| [26]ܗܲܒ̣ ܠܝܼ ܒܹܪܝ ܠܸܒܵܟ݂. ܘܥܲܝܢܲܝ̈ܟ ܐܘܼܪ̈ܚܵܬ̣ܝ ܢܸܛܪ̈ܵܢ. |
[No book] |
| [27]ܓܘܼܡܵܨܵܐ ܗ̄ܝܼ ܓܹܝܪ ܥܲܡܝܼܩܵܐ ܙܵܢܝܼܬ̣ܵܐ. ܘܒܹܪܵܐ ܕܐܘܼܠܨܵܢܵܐ: ܢܘܼܟ݂ܪܵܝܬܵܐ. |
[No book] |
| [28]ܘܡ̣ܢ ܫܸܠܝܵܐ ܡܵܘܒ̇ܕ݂ܵܐ. ܘܲܒ̣ܢܲܝ̈ܢܵܫܵܐ ܣܲܓ̇ܝܼ̈ܐܹܐ ܥܵܘܼܠܵܐ ܡܲܣܓܹ̇ܝܢ. |
[No book] |
| [29]ܠܡ̇ܢ ܘܵܝܵܐ: ܘܲܠܡ̇ܢ ܕܘܼܘܵܕ݂ܵܐ: ܘܲܠܡ̇ܢ ܕܝܼܢܵܐ: ܘܲܠܡ̇ܢ ܒܝܼ̈ܫܵܬ̣ܵܐ: ܘܲܠܡ̇ܢ ܨܘܼܠ̈ܦܵܬ̣ܵܐ ܕܡܲܓܵܢ. ܘܲܕ݂ܡ̇ܢ ܡܩܲܢ̈ܐܵܢ ܥܲܝܢܵܘ̈ܗܝ. |
[No book] |
| [30]ܐܸܠܵܐ ܕܐܲܝܠܹܝܢ ܕܡܵܘܚܪܝܼܢ ܒܚܲܡܪܵܐ. ܘܲܡܥܲܩܒ̣ܝܼܢ ܐܲܝܟܵܐ ܕܐܝܼܬ̣ ܒܹܝܬ̣ ܡܲܫܬ̇ܝܵܐ. ܠܵܐ ܬܸܗܘܹܐ ܪܵܘܵܝ ܒܚܲܡܪܵܐ. ܐܸܠܵܐ ܡܲܠܸܠ ܥܲܡ ܐ̄ܢܵܫܵܐ ܙܲܕ̇ܝܼܩܹ̈ܐ. ܘܲܗ̤ܘܲܝܬ̇ ܡܗܲܠܸܟ݂ ܥܲܡܗܘܿܢ ܘܲܡܡܲܠܸܠ. |
[No book] |
| [31]ܠܵܐ ܬܲܨܸܕ݂ ܥܲܝܢܵܟ݂ ܒܚܲܡܪܵܐ ܕܙܵܪܓܵܐ ܥܲܝܢܹܗ ܒܟ݂ܵܣܵܐ. ܐܸܠܵܐ ܪܢܝܼ ܒܙܲܕ̇ܝܼܩܘܼܬ̣ܵܐ. |
[No book] |
| [32]ܡܸܛܠ ܕܚܲܪܬܹܗ ܕܚܲܡܪܵܐ ܐܲܝܟ݂ ܡܚܘܿܬ̣ܵܐ ܗ̄ܝܼ ܕܚܸܘܝܵܐ: ܘܐܲܝܟ݂ ܚܲܪܡܵܢܵܐ ܕܦܵܪܲܚ. |
[No book] |
| [33]ܥܲܝܢܲܝ̈ܟ ܡܵܐ ܕܚܵܪ ܒܢܘܼܟ݂ܪܵܝܬܵܐ: ܗܵܝܕܹ̇ܝܢ ܠܸܒܵܟ݂ ܡܡܲܠܸܠ ܗܦܝܼ̈ܟ݂ܵܬ̣ܵܐ. |
[No book] |
| [34]ܘܗܵܘܹ̇ܐ ܐܲܢ̄ܬ̇ ܠܵܟ݂: ܐܲܝܟ݂ ܗܵܘܿ ܕܫܲܟ̇ܝܼܒ̣ ܒܠܸܒܹ̇ܗ ܕܝܲܡܵܐ: ܘܐܲܝܟ݂ ܡܲܠܵܚܵܐ ܒܡܲܚܫܘܼܠܵܐ ܪܲܒܵܐ. |
[No book] |
| [35]ܘܬܹܐܡܲܪ ܕܲܡܚ̣ܵܐܘܼܢܝ: ܘܠܵܐ ܚܸܫܹ̇ܬ̣. ܘܲܡܒܲܙܚܝܼܢ ܗ̄ܘܼܵܘ ܒܝܼ: ܘܠܵܐ ܝܵܕܲܥ ܗ̄ܘܹ̇ܝܬ̣. ܐܸܡܲܬ̣ܝ ܐܸܬ̇ܬ̇ܥܝܼܪ: ܙܐܹܙܲܠ ܐܸܒ̣ܥܹܝܗ̇. |
[No book] |