➖ »
«
➖ ➕
Peshitta OT
PesOT
Peshitta OT
PesOT
←
Proverbs
Pro
23
→
[1]ܐܸܢ ܝܵܬܹ̇ܒ̣ ܐܲܢ̄ܬ̇ ܠܡܲܚܫܵܡܘܼ ܥܲܡ ܫܲܠܝܼܛܵܐ: ܐܸܫܬܵܘܕܲܥ ܡܸܕܹ̇ܡ ܕܣܝܼܡ ܩܕ݂ܵܡܲܝܟ. [1]ܐܸܢ ܝܵܬܹ̇ܒ̣ ܐܲܢ̄ܬ̇ ܠܡܲܚܫܵܡܘܼ ܥܲܡ ܫܲܠܝܼܛܵܐ: ܐܸܫܬܵܘܕܲܥ ܡܸܕܹ̇ܡ ܕܣܝܼܡ ܩܕ݂ܵܡܲܝܟ.
[2]ܕܠܵܐ ܬܣܝܼܡ ܣܲܟ̇ܝܼܢܵܐ ܒܦܘܼܡܵܟ݂: ܐܸܢ ܐܝܼܬ̣ ܓܲܒ̣ܪܵܐ ܕܲܢܦܝܼܫ. [2]ܕܠܵܐ ܬܣܝܼܡ ܣܲܟ̇ܝܼܢܵܐ ܒܦܘܼܡܵܟ݂: ܐܸܢ ܐܝܼܬ̣ ܓܲܒ̣ܪܵܐ ܕܲܢܦܝܼܫ.
[3]ܠܵܐ ܬܸܪܲܓ̣ ܡ̣ܢ ܡܹܐܟ݂ܘܼܠܬܹ̇ܗ: ܡܸܛܠ ܕܠܲܚܡܹܗ ܠܲܚܡܵܐ ܗ̄ܘܼ ܕܕܸ̇ܓܵܠܘܼܬ̣ܵܐ. [3]ܠܵܐ ܬܸܪܲܓ̣ ܡ̣ܢ ܡܹܐܟ݂ܘܼܠܬܹ̇ܗ: ܡܸܛܠ ܕܠܲܚܡܹܗ ܠܲܚܡܵܐ ܗ̄ܘܼ ܕܕܸ̇ܓܵܠܘܼܬ̣ܵܐ.
[4]ܠܵܐ ܬܸܬ̣ܩܲܪܲܒ̣ ܠܥܲܬ̇ܝܼܪܵܐ. ܐܸܠܵܐ ܒܚܸܟ݂ܡ̱ܬ̣ܵܐ ܐܸܬ̣ܦܲܪܲܩ ܡܸܢܹܗ. [4]ܠܵܐ ܬܸܬ̣ܩܲܪܲܒ̣ ܠܥܲܬ̇ܝܼܪܵܐ. ܐܸܠܵܐ ܒܚܸܟ݂ܡ̱ܬ̣ܵܐ ܐܸܬ̣ܦܲܪܲܩ ܡܸܢܹܗ.
[5]ܐܸܢ ܬܲܨܹܕ݂ ܓܹܝܪ ܥܲܝܢܵܟ݂ ܒܹܗ: ܠܵܐ ܡܸܬ̣ܚܙܹܐ ܠܵܟ݂. ܡܸܛܠ ܕܥܵܒܹ̇ܕ݂ ܠܹܗ ܓ̣ܦܹ̈ܐ ܐܲܝܟ݂ ܕܢܸܫܪܵܐ: ܘܦܵܪܲܚ ܠܲܫܡܲܝܵܐ. [5]ܐܸܢ ܬܲܨܹܕ݂ ܓܹܝܪ ܥܲܝܢܵܟ݂ ܒܹܗ: ܠܵܐ ܡܸܬ̣ܚܙܹܐ ܠܵܟ݂. ܡܸܛܠ ܕܥܵܒܹ̇ܕ݂ ܠܹܗ ܓ̣ܦܹ̈ܐ ܐܲܝܟ݂ ܕܢܸܫܪܵܐ: ܘܦܵܪܲܚ ܠܲܫܡܲܝܵܐ.
[6]ܠܵܐ ܬܲܚܫܸܡ ܥܲܡ ܓܲܒ̣ܪܵܐ ܚܲܘܵܪܵܐ: ܘܠܵܐ ܬܸܪܲܓ̣ ܡ̣ܢ ܡܹܐܟ݂ܘܼܠܬܹ̇ܗ. [6]ܠܵܐ ܬܲܚܫܸܡ ܥܲܡ ܓܲܒ̣ܪܵܐ ܚܲܘܵܪܵܐ: ܘܠܵܐ ܬܸܪܲܓ̣ ܡ̣ܢ ܡܹܐܟ݂ܘܼܠܬܹ̇ܗ.
[7]ܐܲܟ݂ܙܢܵܐ ܓܹܝܪ ܕܐ̄ܢܵܫ ܒܵܠܲܥ ܙܸܦ̮ܬܵܐ: ܗܵܟܲܢܵܐ ܐܵܟܹ̇ܠ ܐܲܢ̄ܬ̇ ܘܫܵܬܹ̇ܐ ܥܲܡܹܗ. ܘܠܸܒܹ̇ܗ ܠܵܐ ܗ̄ܘܼܵܐ ܠܘܵܬ̣ܵܟ݂. [7]ܐܲܟ݂ܙܢܵܐ ܓܹܝܪ ܕܐ̄ܢܵܫ ܒܵܠܲܥ ܙܸܦ̮ܬܵܐ: ܗܵܟܲܢܵܐ ܐܵܟܹ̇ܠ ܐܲܢ̄ܬ̇ ܘܫܵܬܹ̇ܐ ܥܲܡܹܗ. ܘܠܸܒܹ̇ܗ ܠܵܐ ܗ̄ܘܼܵܐ ܠܘܵܬ̣ܵܟ݂.
[8]ܘܠܲܚܡܵܐ ܕܐܵܟܹ̇ܠ ܐܲܢ̄ܬ̇: ܡܬ̣ܝܼܒ̣ ܐܲܢ̄ܬ̇ ܠܹܗ. ܘܲܡܚܲܒܸ̇ܠ ܐܲܢܬ̇ ܡܸܠܲܝ̈ܟ ܒܲܣܝܼ̈ܡܵܬ̣ܵܐ. [8]ܘܠܲܚܡܵܐ ܕܐܵܟܹ̇ܠ ܐܲܢ̄ܬ̇: ܡܬ̣ܝܼܒ̣ ܐܲܢ̄ܬ̇ ܠܹܗ. ܘܲܡܚܲܒܸ̇ܠ ܐܲܢܬ̇ ܡܸܠܲܝ̈ܟ ܒܲܣܝܼ̈ܡܵܬ̣ܵܐ.
[9]ܩܕ݂ܵܡ ܣܲܟ݂ܠܵܐ ܠܵܐ ܬܡܲܠܸܠ: ܡܸܛܠ ܕܫܵܐܹ̇ܛ ܠܗܹܝܢ ܠܡܸܠܲܝ̈ܟ. [9]ܩܕ݂ܵܡ ܣܲܟ݂ܠܵܐ ܠܵܐ ܬܡܲܠܸܠ: ܡܸܛܠ ܕܫܵܐܹ̇ܛ ܠܗܹܝܢ ܠܡܸܠܲܝ̈ܟ.
[10]ܠܵܐ ܬܫܲܢܸܐ ܬܚܘܼܡܵܐ ܕܡ̣ܢ ܥܵܠܲܡ. ܘܲܒ̣ܚܲܩܠܵܐ ܕܝܲܬ̣ܡܹ̈ܐ ܠܵܐ ܬܸܥܘܿܠ. [10]ܠܵܐ ܬܫܲܢܸܐ ܬܚܘܼܡܵܐ ܕܡ̣ܢ ܥܵܠܲܡ. ܘܲܒ̣ܚܲܩܠܵܐ ܕܝܲܬ̣ܡܹ̈ܐ ܠܵܐ ܬܸܥܘܿܠ.
[11]ܡܸܛܠ ܕܦܵܪܘܿܩܗܘܿܢ ܬܲܩܝܼܦ ܗ̄ܘܼ ܘܗ̤ܘ ܢܕ݂ܘܼܢ ܕܝܼܢܗܘܿܢ ܥܲܡܵܟ݂. [11]ܡܸܛܠ ܕܦܵܪܘܿܩܗܘܿܢ ܬܲܩܝܼܦ ܗ̄ܘܼ ܘܗ̤ܘ ܢܕ݂ܘܼܢ ܕܝܼܢܗܘܿܢ ܥܲܡܵܟ݂.
[12]ܐܲܥܸܠ ܠܸܒܵܟ݂ ܠܡܲܪܕ̇ܘܼܬ̣ܐ: ܘܐܸܕ݂ܢܲܝ̈ܟ ܠܡܹܐܡܪܵܐ ܕܝܼܕܲܥܬ̣ܵܐ. [12]ܐܲܥܸܠ ܠܸܒܵܟ݂ ܠܡܲܪܕ̇ܘܼܬ̣ܐ: ܘܐܸܕ݂ܢܲܝ̈ܟ ܠܡܹܐܡܪܵܐ ܕܝܼܕܲܥܬ̣ܵܐ.
[13]ܠܵܐ ܬܸܟ݂ܠܸܐ ܡܲܪܕ̇ܘܼܬ̣ܵܐ ܡ̣ܢ ܛܲܠܝܵܐ. ܡܸܛܠ ܕܐܸܢ ܡܵܚܹ̇ܐ ܐܲܢ̄ܬ̇ ܠܹܗ: ܠܵܐ ܡܵܐܹ̇ܬ̣. [13]ܠܵܐ ܬܸܟ݂ܠܸܐ ܡܲܪܕ̇ܘܼܬ̣ܵܐ ܡ̣ܢ ܛܲܠܝܵܐ. ܡܸܛܠ ܕܐܸܢ ܡܵܚܹ̇ܐ ܐܲܢ̄ܬ̇ ܠܹܗ: ܠܵܐ ܡܵܐܹ̇ܬ̣.
[14]ܐܲܢ̄ܬ̇ ܓܹܝܪ ܡܵܚܹ̇ܐ ܐܲܢ̄ܬ̇ ܠܹܗ ܒܫܲܒ̣ܛܵܐ: ܘܢܲܦ̮ܫܹܗ ܡ̣ܢ ܫܝܘܿܠ ܡܦܲܨܹܐ ܐܲܢ̄ܬ̇. [14]ܐܲܢ̄ܬ̇ ܓܹܝܪ ܡܵܚܹ̇ܐ ܐܲܢ̄ܬ̇ ܠܹܗ ܒܫܲܒ̣ܛܵܐ: ܘܢܲܦ̮ܫܹܗ ܡ̣ܢ ܫܝܘܿܠ ܡܦܲܨܹܐ ܐܲܢ̄ܬ̇.
[15]ܒܹܪܝ: ܐܸܢ ܚܲܟ̇ܝܼܡ ܠܸܒܵܟ݂: ܐܵܦ ܠܹܒ̇ܝ ܕܝܼܠܝ ܢܸܚܕܹ̇ܐ. [15]ܒܹܪܝ: ܐܸܢ ܚܲܟ̇ܝܼܡ ܠܸܒܵܟ݂: ܐܵܦ ܠܹܒ̇ܝ ܕܝܼܠܝ ܢܸܚܕܹ̇ܐ.
[16]ܘܲܢܕ݂ܘܼ̈ܨܵܢ ܟܘܿܠ̈ܝܵܬ̣ܝ: ܡܵܐ ܕܲܡܡܲܠ̈ܠܵܢ ܣܸܦ̈ܘܵܬ̣ܵܟ݂ ܬܪܝܼܨܘܼܬ̣ܵܐ. [16]ܘܲܢܕ݂ܘܼ̈ܨܵܢ ܟܘܿܠ̈ܝܵܬ̣ܝ: ܡܵܐ ܕܲܡܡܲܠ̈ܠܵܢ ܣܸܦ̈ܘܵܬ̣ܵܟ݂ ܬܪܝܼܨܘܼܬ̣ܵܐ.
[17]ܠܵܐ ܢܸܛܲܢ ܠܸܒܵܟ݂ ܒܚܲܛܵܝܹ̈ܐ. ܐܸܠܵܐ ܒܕܸܚ̱ܠܬܹܗ ܕܡܵܪܝܵܐ ܟܠܝܘܿܡ. [17]ܠܵܐ ܢܸܛܲܢ ܠܸܒܵܟ݂ ܒܚܲܛܵܝܹ̈ܐ. ܐܸܠܵܐ ܒܕܸܚ̱ܠܬܹܗ ܕܡܵܪܝܵܐ ܟܠܝܘܿܡ.
[18]ܕܬܸܗܘܹܐ ܠܵܟ݂ ܚܲܪܬ̣ܵܐ: ܘܣܲܒ̣ܪܵܟ݂ ܠܵܐ ܢܸܓ̣ܡܲܪ. [18]ܕܬܸܗܘܹܐ ܠܵܟ݂ ܚܲܪܬ̣ܵܐ: ܘܣܲܒ̣ܪܵܟ݂ ܠܵܐ ܢܸܓ̣ܡܲܪ.
[19]ܫܡܲܥ ܒܹܪܝ: ܘܲܗ̤ܘܝܼ ܚܲܟ̇ܝܼܡ ܘܲܬ̣ܪܘܿܨ ܬܲܪܥܝܼܬ̣ܝ ܒܠܸܒܵܟ݂. [19]ܫܡܲܥ ܒܹܪܝ: ܘܲܗ̤ܘܝܼ ܚܲܟ̇ܝܼܡ ܘܲܬ̣ܪܘܿܨ ܬܲܪܥܝܼܬ̣ܝ ܒܠܸܒܵܟ݂.
[20]ܠܵܐ ܬܸܗܘܹܐ ܪܵܘܵܝ ܒܚܲܡܪܵܐ. ܘܠܵܐ ܬܸܗܘܹܐ ܐܵܣܘܿܛ ܒܒܸܣܪܵܐ. [20]ܠܵܐ ܬܸܗܘܹܐ ܪܵܘܵܝ ܒܚܲܡܪܵܐ. ܘܠܵܐ ܬܸܗܘܹܐ ܐܵܣܘܿܛ ܒܒܸܣܪܵܐ.
[21]ܡܸܛܠ ܕܲܕ݂ܪܵܘܵܝ ܒܚܲܡܪܵܐ: ܘܐܵܣܘܿܛ ܒܒܸܣܪܵܐ: ܢܹܐܒܲܕ݂ ܘܲܕ̇ܕ݂ܵܡܹ̇ܟ݂: ܢܸܠܒܲܫ ܒܲܪ̈ܕ̇ܥܵܬ̣ܵܐ. [21]ܡܸܛܠ ܕܲܕ݂ܪܵܘܵܝ ܒܚܲܡܪܵܐ: ܘܐܵܣܘܿܛ ܒܒܸܣܪܵܐ: ܢܹܐܒܲܕ݂ ܘܲܕ̇ܕ݂ܵܡܹ̇ܟ݂: ܢܸܠܒܲܫ ܒܲܪ̈ܕ̇ܥܵܬ̣ܵܐ.
[22]ܫܡܲܥ ܠܐܲܒ̣ܘܼܟ݂ ܕܐܵܘܠܕ݂ܵܟ݂. ܘܠܵܐ ܬܫܘܼܛ ܣܲܝܒ̇ܘܼܬ̣ܵܐ ܕܐܸܡܵܟ݂. [22]ܫܡܲܥ ܠܐܲܒ̣ܘܼܟ݂ ܕܐܵܘܠܕ݂ܵܟ݂. ܘܠܵܐ ܬܫܘܼܛ ܣܲܝܒ̇ܘܼܬ̣ܵܐ ܕܐܸܡܵܟ݂.
[23]ܩܘܼܫܬܵܐ ܩܢܝܼ. ܘܠܵܐ ܬܙܲܒܸ̇ܢ ܚܸܟ݂ܡ̱ܬ̣ܵܐ ܘܣܘܼܟܵܠܵܐ ܘܡܲܪܕ̇ܘܼܬ̣ܵܐ. [23]ܩܘܼܫܬܵܐ ܩܢܝܼ. ܘܠܵܐ ܬܙܲܒܸ̇ܢ ܚܸܟ݂ܡ̱ܬ̣ܵܐ ܘܣܘܼܟܵܠܵܐ ܘܡܲܪܕ̇ܘܼܬ̣ܵܐ.
[24]ܢܸܪܘܲܙ ܘܲܢܕ݂ܘܼܨ ܐܲܒ̣ܘܼܗܝ ܕܙܲܕ̇ܝܼܩܵܐ. ܘܢܵܘܠܸܕ݂ ܚܲܟ̇ܝܼܡܵܐ: ܘܢܸܚܕܹ̇ܐ ܒܹܗ ܐܲܒ̣ܘܗܝ. [24]ܢܸܪܘܲܙ ܘܲܢܕ݂ܘܼܨ ܐܲܒ̣ܘܼܗܝ ܕܙܲܕ̇ܝܼܩܵܐ. ܘܢܵܘܠܸܕ݂ ܚܲܟ̇ܝܼܡܵܐ: ܘܢܸܚܕܹ̇ܐ ܒܹܗ ܐܲܒ̣ܘܗܝ.
[25]ܘܢܸܚܕ̇ܘܿܢ ܒܵܟ݂ ܐܲܒ̣ܘܼܟ݂ ܘܐܸܡܵܟ݂: ܘܲܬ̇ܕ݂ܘܼܨ ܝܵܠܹܕ̇ܬܵܟ݂. [25]ܘܢܸܚܕ̇ܘܿܢ ܒܵܟ݂ ܐܲܒ̣ܘܼܟ݂ ܘܐܸܡܵܟ݂: ܘܲܬ̇ܕ݂ܘܼܨ ܝܵܠܹܕ̇ܬܵܟ݂.
[26]ܗܲܒ̣ ܠܝܼ ܒܹܪܝ ܠܸܒܵܟ݂. ܘܥܲܝܢܲܝ̈ܟ ܐܘܼܪ̈ܚܵܬ̣ܝ ܢܸܛܪ̈ܵܢ. [26]ܗܲܒ̣ ܠܝܼ ܒܹܪܝ ܠܸܒܵܟ݂. ܘܥܲܝܢܲܝ̈ܟ ܐܘܼܪ̈ܚܵܬ̣ܝ ܢܸܛܪ̈ܵܢ.
[27]ܓܘܼܡܵܨܵܐ ܗ̄ܝܼ ܓܹܝܪ ܥܲܡܝܼܩܵܐ ܙܵܢܝܼܬ̣ܵܐ. ܘܒܹܪܵܐ ܕܐܘܼܠܨܵܢܵܐ: ܢܘܼܟ݂ܪܵܝܬܵܐ. [27]ܓܘܼܡܵܨܵܐ ܗ̄ܝܼ ܓܹܝܪ ܥܲܡܝܼܩܵܐ ܙܵܢܝܼܬ̣ܵܐ. ܘܒܹܪܵܐ ܕܐܘܼܠܨܵܢܵܐ: ܢܘܼܟ݂ܪܵܝܬܵܐ.
[28]ܘܡ̣ܢ ܫܸܠܝܵܐ ܡܵܘܒ̇ܕ݂ܵܐ. ܘܲܒ̣ܢܲܝ̈ܢܵܫܵܐ ܣܲܓ̇ܝܼ̈ܐܹܐ ܥܵܘܼܠܵܐ ܡܲܣܓܹ̇ܝܢ. [28]ܘܡ̣ܢ ܫܸܠܝܵܐ ܡܵܘܒ̇ܕ݂ܵܐ. ܘܲܒ̣ܢܲܝ̈ܢܵܫܵܐ ܣܲܓ̇ܝܼ̈ܐܹܐ ܥܵܘܼܠܵܐ ܡܲܣܓܹ̇ܝܢ.
[29]ܠܡ̇ܢ ܘܵܝܵܐ: ܘܲܠܡ̇ܢ ܕܘܼܘܵܕ݂ܵܐ: ܘܲܠܡ̇ܢ ܕܝܼܢܵܐ: ܘܲܠܡ̇ܢ ܒܝܼ̈ܫܵܬ̣ܵܐ: ܘܲܠܡ̇ܢ ܨܘܼܠ̈ܦܵܬ̣ܵܐ ܕܡܲܓܵܢ. ܘܲܕ݂ܡ̇ܢ ܡܩܲܢ̈ܐܵܢ ܥܲܝܢܵܘ̈ܗܝ. [29]ܠܡ̇ܢ ܘܵܝܵܐ: ܘܲܠܡ̇ܢ ܕܘܼܘܵܕ݂ܵܐ: ܘܲܠܡ̇ܢ ܕܝܼܢܵܐ: ܘܲܠܡ̇ܢ ܒܝܼ̈ܫܵܬ̣ܵܐ: ܘܲܠܡ̇ܢ ܨܘܼܠ̈ܦܵܬ̣ܵܐ ܕܡܲܓܵܢ. ܘܲܕ݂ܡ̇ܢ ܡܩܲܢ̈ܐܵܢ ܥܲܝܢܵܘ̈ܗܝ.
[30]ܐܸܠܵܐ ܕܐܲܝܠܹܝܢ ܕܡܵܘܚܪܝܼܢ ܒܚܲܡܪܵܐ. ܘܲܡܥܲܩܒ̣ܝܼܢ ܐܲܝܟܵܐ ܕܐܝܼܬ̣ ܒܹܝܬ̣ ܡܲܫܬ̇ܝܵܐ. ܠܵܐ ܬܸܗܘܹܐ ܪܵܘܵܝ ܒܚܲܡܪܵܐ. ܐܸܠܵܐ ܡܲܠܸܠ ܥܲܡ ܐ̄ܢܵܫܵܐ ܙܲܕ̇ܝܼܩܹ̈ܐ. ܘܲܗ̤ܘܲܝܬ̇ ܡܗܲܠܸܟ݂ ܥܲܡܗܘܿܢ ܘܲܡܡܲܠܸܠ. [30]ܐܸܠܵܐ ܕܐܲܝܠܹܝܢ ܕܡܵܘܚܪܝܼܢ ܒܚܲܡܪܵܐ. ܘܲܡܥܲܩܒ̣ܝܼܢ ܐܲܝܟܵܐ ܕܐܝܼܬ̣ ܒܹܝܬ̣ ܡܲܫܬ̇ܝܵܐ. ܠܵܐ ܬܸܗܘܹܐ ܪܵܘܵܝ ܒܚܲܡܪܵܐ. ܐܸܠܵܐ ܡܲܠܸܠ ܥܲܡ ܐ̄ܢܵܫܵܐ ܙܲܕ̇ܝܼܩܹ̈ܐ. ܘܲܗ̤ܘܲܝܬ̇ ܡܗܲܠܸܟ݂ ܥܲܡܗܘܿܢ ܘܲܡܡܲܠܸܠ.
[31]ܠܵܐ ܬܲܨܸܕ݂ ܥܲܝܢܵܟ݂ ܒܚܲܡܪܵܐ ܕܙܵܪܓܵܐ ܥܲܝܢܹܗ ܒܟ݂ܵܣܵܐ. ܐܸܠܵܐ ܪܢܝܼ ܒܙܲܕ̇ܝܼܩܘܼܬ̣ܵܐ. [31]ܠܵܐ ܬܲܨܸܕ݂ ܥܲܝܢܵܟ݂ ܒܚܲܡܪܵܐ ܕܙܵܪܓܵܐ ܥܲܝܢܹܗ ܒܟ݂ܵܣܵܐ. ܐܸܠܵܐ ܪܢܝܼ ܒܙܲܕ̇ܝܼܩܘܼܬ̣ܵܐ.
[32]ܡܸܛܠ ܕܚܲܪܬܹܗ ܕܚܲܡܪܵܐ ܐܲܝܟ݂ ܡܚܘܿܬ̣ܵܐ ܗ̄ܝܼ ܕܚܸܘܝܵܐ: ܘܐܲܝܟ݂ ܚܲܪܡܵܢܵܐ ܕܦܵܪܲܚ. [32]ܡܸܛܠ ܕܚܲܪܬܹܗ ܕܚܲܡܪܵܐ ܐܲܝܟ݂ ܡܚܘܿܬ̣ܵܐ ܗ̄ܝܼ ܕܚܸܘܝܵܐ: ܘܐܲܝܟ݂ ܚܲܪܡܵܢܵܐ ܕܦܵܪܲܚ.
[33]ܥܲܝܢܲܝ̈ܟ ܡܵܐ ܕܚܵܪ ܒܢܘܼܟ݂ܪܵܝܬܵܐ: ܗܵܝܕܹ̇ܝܢ ܠܸܒܵܟ݂ ܡܡܲܠܸܠ ܗܦܝܼ̈ܟ݂ܵܬ̣ܵܐ. [33]ܥܲܝܢܲܝ̈ܟ ܡܵܐ ܕܚܵܪ ܒܢܘܼܟ݂ܪܵܝܬܵܐ: ܗܵܝܕܹ̇ܝܢ ܠܸܒܵܟ݂ ܡܡܲܠܸܠ ܗܦܝܼ̈ܟ݂ܵܬ̣ܵܐ.
[34]ܘܗܵܘܹ̇ܐ ܐܲܢ̄ܬ̇ ܠܵܟ݂: ܐܲܝܟ݂ ܗܵܘܿ ܕܫܲܟ̇ܝܼܒ̣ ܒܠܸܒܹ̇ܗ ܕܝܲܡܵܐ: ܘܐܲܝܟ݂ ܡܲܠܵܚܵܐ ܒܡܲܚܫܘܼܠܵܐ ܪܲܒܵܐ. [34]ܘܗܵܘܹ̇ܐ ܐܲܢ̄ܬ̇ ܠܵܟ݂: ܐܲܝܟ݂ ܗܵܘܿ ܕܫܲܟ̇ܝܼܒ̣ ܒܠܸܒܹ̇ܗ ܕܝܲܡܵܐ: ܘܐܲܝܟ݂ ܡܲܠܵܚܵܐ ܒܡܲܚܫܘܼܠܵܐ ܪܲܒܵܐ.
[35]ܘܬܹܐܡܲܪ ܕܲܡܚ̣ܵܐܘܼܢܝ: ܘܠܵܐ ܚܸܫܹ̇ܬ̣. ܘܲܡܒܲܙܚܝܼܢ ܗ̄ܘܼܵܘ ܒܝܼ: ܘܠܵܐ ܝܵܕܲܥ ܗ̄ܘܹ̇ܝܬ̣. ܐܸܡܲܬ̣ܝ ܐܸܬ̇ܬ̇ܥܝܼܪ: ܙܐܹܙܲܠ ܐܸܒ̣ܥܹܝܗ̇. [35]ܘܬܹܐܡܲܪ ܕܲܡܚ̣ܵܐܘܼܢܝ: ܘܠܵܐ ܚܸܫܹ̇ܬ̣. ܘܲܡܒܲܙܚܝܼܢ ܗ̄ܘܼܵܘ ܒܝܼ: ܘܠܵܐ ܝܵܕܲܥ ܗ̄ܘܹ̇ܝܬ̣. ܐܸܡܲܬ̣ܝ ܐܸܬ̇ܬ̇ܥܝܼܪ: ܙܐܹܙܲܠ ܐܸܒ̣ܥܹܝܗ̇.
 
Top