|
|
| [1]Quando sederis ut comedas cum principe, diligenter attende quæ apposita sunt ante faciem tuam. |
[No book] |
| [2]Et statue cultrum in gutture tuo; si tamen habes in potestate animam tuam. |
[No book] |
| [3]Ne desideres de cibis ejus, in quo est panis mendacii. |
[No book] |
| [4]Noli laborare ut diteris, sed prudentiæ tuæ ponde modum. |
[No book] |
| [5]Ne erigas oculos tuos ad opes quas non potes habere, quia facient sibi pennas quasi aquilæ et volabunt in cælum. |
[No book] |
| [6]Ne comedas cum homine invido, et ne desideres cibos ejus; |
[No book] |
| [7]quoniam in similitudinem arioli et conjectoris, æstimat quod ignorat. Comede et bibe, dicet tibi; et mens ejus non est tecum. |
[No book] |
| [8]Cibos, quos comederas evomes, et perdes pulchros sermones tuos. |
[No book] |
| [9]In auribus insipientium ne loquaris, qui despicient doctrinam eloquii tui. |
[No book] |
| [10]Ne attingas parvulorum terminos, et agrum pupillorum ne introëas: |
[No book] |
| [11]propinquus enim illorum fortis est, et ipse judicabit contra te causam illorum. |
[No book] |
| [12]Ingrediatur ad doctrinam cor tuum, et aures tuæ ad verba scientiæ. |
[No book] |
| [13]Noli subtrahere a puero disciplinam; si enim percusseris eum virga, non morietur. |
[No book] |
| [14]Tu virga percuties eum, et animam ejus de inferno liberabis. |
[No book] |
| [15]Fili mi, si sapiens fuerit animus tuus, gaudebit tecum cor meum; |
[No book] |
| [16]et exsultabunt renes mei, cum locuta fuerint rectum labia tua. |
[No book] |
| [17]Non æmuletur cor tuum peccatores, sed in timore Domini esto tota die; |
[No book] |
| [18]quia habebis spem in novissimo, et præstolatio tua non auferetur. |
[No book] |
| [19]Audi, fili mi, et esto sapiens, et dirige in via animum tuum. |
[No book] |
| [20]Noli esse in conviviis potatorum, nec in comessationibus eorum qui carnes ad vescendum conferunt; |
[No book] |
| [21]quia vacantes potibus et dantes symbola consumentur, et vestietur pannis dormitatio. |
[No book] |
| [22]Audi patrem tuum, qui genuit te, et ne contemnas cum senuerit mater tua. |
[No book] |
| [23]Veritatem eme, et noli vendere sapientiam, et doctrinam, et intelligentiam. |
[No book] |
| [24]Exsultat gaudio pater justi; qui sapientem genuit lætabitur in eo. |
[No book] |
| [25]Gaudeat pater tuus et mater tua, et exsultet quæ genuit te. |
[No book] |
| [26]Præbe, fili mi, cor tuum mihi, et oculi tui vias meas custodiant. |
[No book] |
| [27]Fovea enim profunda est meretrix, et puteus angustus aliena. |
[No book] |
| [28]Insidiatur in via quasi latro, et quos incautos viderit interficiet. |
[No book] |
| [29]Cui væ? cujus patri væ? cui rixæ? cui foveæ? cui sine causa vulnera? cui suffusio oculorum? |
[No book] |
| [30]nonne his qui commorantur in vino, et student calicibus epotandis? |
[No book] |
| [31]Ne intuearis vinum quando flavescit, cum splenduerit in vitro color ejus: ingreditur blande, |
[No book] |
| [32]sed in novissimo mordebit ut coluber, et sicut regulus venena diffundet. |
[No book] |
| [33]Oculi tui videbunt extraneas, et cor tuum loquetur perversa. |
[No book] |
| [34]Et eris sicut dormiens in medio mari, et quasi sopitus gubernator, amisso clavo. |
[No book] |
| [35]Et dices: Verberaverunt me, sed non dolui; traxerunt me, et ego non sensi. Quando evigilabo, et rursus vina reperiam? |
[No book] |