|
|
| [1]ܠܵܐ ܬܸܛܲܢ ܒܓܲܒ̣ܪܹ̈ܐ ܒܝܼܫܹ̈ܐ. ܘܠܵܐ ܬܸܪܲܓ̣ ܠܡܸܗܘܵܐ ܥܲܡܗܘܿܢ. |
[No book] |
| [2]ܡܸܛܠ ܕܒ̣ܝܼܫܬܵܐ ܗ̄ܘܼ ܪܵܢܹ̇ܐ ܠܸܒ̇ܗܘܿܢ. ܘܥܵܘܼܠܵܐ ܡܡܲܠ̈ܠܵܢ ܣܸܦ̈ܘܵܬ̣ܗܘܿܢ. |
[No book] |
| [3]ܒܚܸܟ݂ܡ̱ܬ̣ܵܐ ܡܸܬ̣ܒ̇ܢܸܐ ܒܲܝܬܵܐ. ܘܲܒ̣ܣܘܼܟܵܠܵܐ ܟܠܹܗ ܬܵܩܹ̇ܢ. |
[No book] |
| [4]ܘܒ̣ܝܲܕܲܥܬ̣ܵܐ ܡܸܬ̣ܡ̱ܠܹܝܢ ܬܵܘܵܢܹ̈ܐ ܟܠ ܩܸܢܝܵܢܵܐ ܘܐܝܼܩܵܪܵܐ ܘܒ̣ܘܼܣܵܡܵܐ. |
[No book] |
| [5]ܛܵܒ̣ ܗ̄ܘܼ ܚܲܟ̇ܝܼܡܵܐ ܡ̣ܢ ܥܲܫܝܼܢܵܐ. ܘܓܲܒ̣ܪܵܐ ܕܝܼܕܲܥܬ̣ܵܐ ܡ̣ܢ ܓܲܢ̄ܒܵܪ ܚܲܝܠܵܐ. |
[No book] |
| [6]ܒܓ̣ܘܼܪܵܓ̣ܵܐ ܡܸܬ̣ܥ̱ܒܸܕ݂ ܩܪܵܒ̣ܵܐ. ܘܦܘܼܪܩܵܢܵܐ ܒܣܘܿܓ̣ܵܐܐ ܕܡܸܠܟܵܐ. |
[No book] |
| [7]ܚܸܟ݂ܡ̱ܬ̣ܵܐ ܪܵܡܝܵܐ ܠܣܲܟ݂ܠܵܐ. ܘܲܒ̣ܬܲܪܥܵܐ ܠܵܐ ܦܵܬܲܚ ܦܘܼܡܹܗ. |
[No book] |
| [8]ܕܡܸܬ̣ܚܲܫܲܒ̣ ܠܡܲܒ̣ܐܵܫܘܼ: ܥܵܘܿܠܵܐ ܡܸܬ̣ܩܪܸܐ. |
[No book] |
| [9]ܬܲܪܥܝܼܬܹܗ ܕܣܲܟ݂ܠܵܐ ܚܛܝܼܬ̣ܵܐ ܗ̄ܝܼ. ܘܛܲܡܐܘܼܬ̣ܵܐ ܕܒܲܪܢܵܫܵܐ ܒܝܼܫܬܵܐ. |
[No book] |
| [10]ܘܲܠܥܵܘܿܠܹ̈ܐ ܒܝܼܫܬܵܐ ܬܸܕ݂ܒܲܪ ܐܸܢܘܿܢ: ܒܝܵܘܡܵܐ ܕܐܘܼܠܨܵܢܵܐ. |
[No book] |
| [11]ܦܲܨܵܐ ܠܐܲܝܠܹܝܢ ܕܡܸܬ̇ܕܲܒ̣ܪܝܼܢ ܠܡܵܘܬܵܐ. ܘܲܠܡܸܙܒܲܢ ܠܐܲܝܠܹܝܢ ܕܡܸܬ̇ܬܲܚܕ̇ܝܼܢ ܠܩܸܛܠܵܐ: ܠܵܐ ܬܚܘܿܣ. |
[No book] |
| [12]ܒ: ܘܐܸܢ ܬܹܐܡܲܪ ܕܠܵܐ ܝܵܕܲܥ ܐ̄ܢܵܐ: ܕܲܥ ܕܬܲܪܥܝܼܬ̣ܵܐ ܕܠܸܒܵܐ: ܐܲܠܵܗܵܐ ܗ̄ܘܼ ܒܵܨܹ̇ܐ. ܘܲܕ݂ܢܛܲܪ ܢܲܦ̮ܫܵܟ݂: ܗ̤ܘ ܝܵܕܲܥ ܘܦܵܪܲܥ ܠܒܲܪܢܵܫܵܐ ܐܲܝܟ݂ ܥܒ̣ܵܕ݂ܵܘ̈ܗܝ. |
[No book] |
| [13]ܐܲܟ݂ܘܿܠ ܒܹܪܝ ܕܸܒ̣ܫܵܐ: ܡܸܛܠ ܕܛܵܒ̣ ܗ̄ܘܼ: ܘܟܲܟܵܪܝܼܬ̣ܵܐ ܚܠܝܼܬ̣ܵܐ ܒܚܸܟܵܟ݂. |
[No book] |
| [14]ܗܵܟܲܢܵܐ ܐܵܦ ܚܸܟ݂ܡ̱ܬ̣ܵܐ ܠܢܲܦ̮ܫܵܟ݂ ܬܸܫܟܲܚ. ܘܬܸܗܘܹܐ ܠܵܟ݂ ܚܲܪܬܵܐ: ܘܣܲܒ̣ܪܵܟ݂ ܠܵܐ ܢܸܬ̣ܦܣܸܩ. |
[No book] |
| [15]ܠܵܐ ܬܲܟ݂ܡܸܢ ܥܵܘܼܠܵܐ ܒܕܲܝܪܹܗ ܕܙܲܕ̇ܝܼܩܵܐ. ܘܠܵܐ ܬܸܒ̇ܘܿܙ ܒܹܝܬ̣ ܡܲܫ̱ܪܝܹܗ. |
[No book] |
| [16]ܡܸܛܠ ܕܲܫܒܲܥ ܙܲܒ̣ܢ̈ܝܼܢ ܢܵܦܹ̇ܠ ܙܲܕ̇ܝܼܩܵܐ ܘܩܵܐܹ̇ܡ. ܘܪ̈ܲܫܝܼܥܹܐ ܒܒ̣ܝܼܫܬܵܐ ܢܸܣܬܲܚܦܘܼܢ. |
[No book] |
| [17]ܡܵܐ ܕܢܵܦܹ̇ܠ ܒܥܸܠܕ̇ܒ̣ܵܒ̣ܵܟ݂: ܠܵܐ ܬܸܚܕܹ̇ܐ. ܘܡܵܐ ܕܡܸܣܬ̇ܚܸܦ: ܠܵܐ ܢܕ݂ܘܼܨ ܠܸܒܵܟ݂. |
[No book] |
| [18]ܕܲܠܡܵܐ ܢܸܚܙܹܐ ܡܵܪܝܵܐ: ܘܢܸܬ̣ܒ̇ܐܸܫ ܒܥܲܝܢܵܘ̈ܗܝ: ܘܢܲܗܦܸܟ݂ ܪܘܼܓ̣ܙܹܗ ܡܸܢܹܗ. |
[No book] |
| [19]ܠܵܐ ܬܸܚܣܲܡ ܒܒ̣ܝܼܫܹ̈ܐ. ܘܠܵܐ ܬܸܛܲܢ ܒܥܵܘܿܠܹ̈ܐ. |
[No book] |
| [20]ܡܸܛܠ ܕܲܠܒ̣ܝܼ̈ܫܹܐ ܠܵܐ ܗܵܘ̇ܝܵܐ ܠܗܘܿܢ ܚܲܪܬܵܐ. ܘܲܫܪܵܓ̃ܗܘܿܢ ܕܥܵܘܿܠܹ̈ܐ ܢܸܕ݂ܥܲܟ݂. |
[No book] |
| [21]ܕܚܲܠ ܒܹܪܝ ܡ̣ܢ ܡܵܪܝܵܐ: ܘܐܲܡܠܸܟ݂. ܘܥܲܡ ܫܵܛ̇ܝܵܐ ܠܵܐ ܬܸܬ̣ܚܲܠܲܛ. |
[No book] |
| [22]ܡ̣ܢ ܫܸܠܝܵܐ ܓܹܝܪ ܐܵܬܹ̇ܐ ܬܒ̣ܵܪܗܘܿܢ. ܘܣܵܘܦܵܐ ܕܲܫܢܲܝ̈ܗܘܿܢ ܡܲܢ̣ܘܼ ܝܵܕܲܥ. |
[No book] |
| [23]ܗܵܠܹܝܢ ܠܚܲܟ̇ܝܼܡܹ̈ܐ ܐܵܡܲܪ ܐ̄ܢܵܐ. ܠܡܸܣܲܒ̣ ܒܐܲܦܹ̈ܐ ܒܕ݂ܝܼܢܵܐ: ܠܵܐ ܫܲܦܝܼܪ. |
[No book] |
| [24]ܐܵܦܠܵܐ ܠܡܹܐܡܲܪ ܠܥܵܘܿܠܵܐ ܕܙܲܕ̇ܝܼܩ ܐܲܢ̄ܬ̇. ܢܠܘܼܛܘܼܢܹܗ ܥܲܡܡܹ̈ܐ: ܘܲܢܨܲܚ̈ܝܵܢܹܗ ܐܸܡ̈ܘܵܬ̣ܵܐ. |
[No book] |
| [25]ܡܲܟ̇ܣܵܢܹ̈ܐ ܢܸܬ̣ܒܲܣܡܘܼܢ. ܘܲܥܠܲܝܗܘܿܢ ܬܹܐܬܹܐ ܒܘܼܪܟ̇ܬ̣ܵܐ ܛܵܒ̣ܬ̣ܵܐ. |
[No book] |
| [26]ܘܣܸܦ̈ܘܵܬ̣ܵܐ ܢܢܲܫܩܘܼܢ ܕܐܲܝܠܹܝܢ ܕܡܲܟ̇ܣܵܢܝܼܢ. |
[No book] |
| [27]ܛܵܝܸܒ̣ ܒܫܘܼܩܵܐ ܥܒ̣ܵܕܲܝ̈ܟ: ܘܥܲܬܸ̇ܕ݂ ܒܚܲܩܠܵܟ݂. ܘܒ̣ܵܬܲܪܟܸ̇ܢ ܬܸܒ̣ܢܸܐ ܒܲܝܬܵܟ݂. |
[No book] |
| [28]ܠܵܐ ܬܸܗܘܹܐ ܣܵܗܕܵܐ ܕܲܓܵܠܵܐ ܥܲܠ ܚܲܒ̣ܪܵܟ݂. ܠܵܐ ܬܦܲܬ̣ܦܬ̣ܝܼܘܗܝ ܒܣܸܦ̈ܘܵܬ̣ܵܟ݂. |
[No book] |
| [29]ܘܠܵܐ ܬܹܐܡܲܪ ܕܐܸܥܒܸ̇ܕ݂ ܠܹܗ ܐܲܝܟ݂ ܕܲܥܒܲܕ݂ ܠܝܼ: ܘܐܸܦܪ̱ܥܝܼܘܗܝ ܐܲܝܟ݂ ܥܒ̣ܵܕ݂ܵܘ̈ܗܝ. |
[No book] |
| [30]ܥܲܠ ܚܲܩܠܹܗ ܕܓܲܒ̣ܪܵܐ ܚܒܸܢܵܢܵܐ ܥܸܒ̣̇ܪܹܬ̣: ܘܥܲܠ ܟܲܪܡܹܗ ܕܒܲܪܢܵܫܵܐ ܚܲܣܝܼܪ ܠܸܒܵܐ. |
[No book] |
| [31]ܘܲܣܠܸܩ ܟܠܹܗ: ܐܸܬ̣ܡ̱ܠܝܼ ܝܲܥܪܵܐ. ܘܟܲܣܝܼܘ ܐܲܦܵܘ̈ܗܝ ܚܘܼ̈ܠܕܹ̇ܐ. ܘܲܣܝܵܛܵܘܗܝ ܕܟܹܐܦܹ̈ܐ ܐܸܣܬ̇ܚܸܦܘ. |
[No book] |
| [32]ܘܲܚܙܹ̇ܝܬ̣ ܐܸܢܵܐ ܘܣܵܡܹ̇ܬ̣ ܒܠܹܒ̇ܝ: ܘܩܲܒ̇ܠܹ̇ܬ̣ ܡܲܪܕ̇ܘܼܬ̣ܵܐ. |
[No book] |
| [33]ܘܐܸܢ ܩܲܠܝܼܠ ܬܢܘܿܡ: ܘܩܲܠܝܼܠ ܬܸܕ݂ܡܲܟ݂: ܘܩܲܠܝܼܠ ܬܣܝܼܡ ܐܝܼܕ݂ܵܟ݂ ܥܲܠ ܚܲܕ̇ܝܵܟ݂. |
[No book] |
| [34]ܬܹܐܙܲܠ ܩܕ݂ܵܡܲܝܟ ܡܸܣܟܹ̇ܢܘܼܬ̣ܵܐ: ܘܬܲܕܪ̱ܟ݂ܵܟ݂ ܨܪܝܼܟ݂ܘܼܬ̣ܵܐ ܐܲܝܟ݂ ܓܲܒ̣ܪܵܐ ܛܒ̣ܠܵܪܵܐ. |
[No book] |