|
|
| [1]ܘܐܵܦ ܗܵܠܹܝܢ ܡܲܬ̣ܠܵܘ̈ܗܝ ܕܲܫܠܹܝܡܘܿܢ ܥܲܡܝܼ̈ܩܹܐ: ܕܲܟ݂ܬܲܒ̣ܘ ܪ̈ܵܚܡܵܘܗܝ ܕܚܸܙܲܩܝܵܐ ܡܲܠܟܵܐ ܕܲܝܗܘܼܕܵܐ. |
[No book] |
| [2]ܬܸܫ̇ܒ̇ܘܼܚܬܹ̇ܗ ܕܐܲܠܵܗܵܐ ܡ̇ܢ ܕܲܡܛܲܫܸܐ ܡܸܠܬ̣ܵܐ: ܘܬܸܫܒ̇ܘܿܚܬܹ̇ܗ ܕܡܲܠܟܵܐ ܡ̇ܢ ܕܒ̣ܵܨܹ̇ܐ ܡܸܠܬ̣ܵܐ. |
[No book] |
| [3]ܫܡܲܝܵܐ ܪܵܡܝܼܢ: ܘܐܲܪܥܵܐ ܥܲܡܝܼܩܵܐ. ܘܠܸܒܹ̇ܗ ܕܡܲܠܟܵܐ ܠܵܐ ܡܸܬ̣ܒ̇ܨܹܐ. |
[No book] |
| [4]ܓܒ̣ܵܘ ܣܘܼܠܐܵܢܵܐ ܡ̣ܢ ܣܹܐܡܵܐ: ܕܢܸܦܘܿܩ ܡܵܐܢܵܐ ܟܲܕ݂ ܕܟ݂ܐ. |
[No book] |
| [5]ܢܸܬ̣ܒܲܕ̇ܪܘܼܢ ܥܵܘܿܠܹܐ ܡ̣ܢ ܩܕ݂ܵܡ ܡܲܠܟܵܐ. ܘܢܸܬ̣ܩܲܢ ܟܘܼܪܣܝܹܗ ܒܙܲܕ̇ܝܼܩܘܼܬ̣ܵܐ. |
[No book] |
| [6]ܠܵܐ ܬܸܫܬܲܒ̣ܗܲܪ ܩܕ݂ܵܡ ܡܲܠܟܵܐ. ܘܲܒ̣ܕ݂ܘܼܟ̇ܬ̣ܵܐ ܕܪܵܘ̱ܪ̈ܒ̣ܵܢܹܐ ܠܵܐ ܬܩܘܼܡ. |
[No book] |
| [7]ܫܲܦܝܼܪ ܗ̄ܘܼ ܓܹܝܪ ܕܢܹܐܡܲܪ ܠܵܟ݂: ܐܸܬ̣ܩܲܪܲܒ̣ ܠܥܸܠ: ܛܵܒ̣ ܡ̣ܢ ܕܲܢܡܲܟ̇ܟ݂ܵܟ݂: ܩܕ݂ܵܡ ܫܲܠܝܼܛܵܐ. ܡܸܕܹ̇ܡ ܕܲܚ̈ܙܲܝ ܥܲܝܢܲܝ̈ܟ: ܗܵܘܿ ܐܸܡܲܪ. |
[No book] |
| [8]ܘܠܵܐ ܬܸܦܘܿܩ ܠܲܡܕ݂ܵܢ ܡܣܲܪ̱ܗܒ̣ܵܐܝܼܬ̣. ܕܠܵܐ ܟܲܕ݂ ܬܕ݂ܘܼܢ ܒܐܲܚܪܵܝܬܵܐ: ܢܚܲܣܕ݂ܵܟ݂ ܪܵܚ̇ܡܵܟ݂. |
[No book] |
| [9]ܕܝܼܢܵܟ݂ ܕܘܼܢ ܥܲܡ ܚܲܒ̣ܪܵܟ݂. ܘܐ̄ܪܵܙܵܐ ܐ̈ܚܪܹܢܵܐ ܠܵܐ ܬܸܓ̣ܠܹܐ. |
[No book] |
| [10]ܕܠܵܐ ܡ̇ܢ ܕܫܵܡܲܥ: ܢܚܲܣܕ݂ܵܟ݂. ܘܢܸܪܢܘܿܢ ܒܵܟ݂ ܣܲܓ̇ܝܼ̈ܐܹܐ. |
[No book] |
| [11]ܚܲܙܘܼܪܵܐ ܕܕܲܗܒ̣ܵܐ ܒܲܢܓ̣ܘܼܕ݂ܵܐ ܕܣܹܐܡܵܐ: ܕܲܡܡܲܠܸܠ ܡܸܠܬ̣ܵܐ. |
[No book] |
| [12]ܩܕ݂ܵܫܵܐ ܕܕܲܗܒ̣ܵܐ ܘܣܲܪܕ̇ܘܿܢ ܛܵܒ̣ܵܐ: ܗܵܟܲܢܵܐ ܡܲܟ̇ܣܵܢܘܼܬ̣ܵܐ ܕܚܲܟ̇ܝܼܡܹ̈ܐ ܠܐܸܕ݂ܢܵܐ ܕܫܵܡ̇ܥܵܐ. |
[No book] |
| [13]ܐܲܟ݂ܙܢܵܐ ܕܡܵܐ ܕܢܵܚܹ̇ܬ̣ ܬܲܠܓܵܐ ܒܝܵܘܡܵܐ ܕܲܚܨܵܕ݂ܵܐ: ܡܦܲܝܸܓ̣ ܚܘܼܡܵܐ. ܗܵܟܲܢܵܐ ܐܝܼܙܓܲܕܵܐ ܡܗܲܝܡܢܵܐ ܠܲܡܫܲܕ̇ܪ̈ܵܢܵܘܗܝ: ܘܢܲܦ̮ܫܵܐ ܕܡܵܪ̈ܵܘܗܝ ܡܲܗܦܸܟ݂. |
[No book] |
| [14]ܐܲܟ݂ܙܢܵܐ ܕܡܵܐ ܕܐܝܼܬ̣ ܥܢܵܢܹ̈ܐ ܘܪܘܼܚܵܐ: ܘܡܸܛܪܵܐ ܠܲܝܬ̇: ܗܵܟܲܢܵܐ ܗ̄ܘܼ ܓܲܒ̣ܪܵܐ ܕܡܸܫܬܲܒ̣ܗܲܪ ܒܡܵܘ̈ܗܒ̣ܵܬ̣ܵܐ ܕܲܓܵܠܵـ̈ـܬ̣ܵܐ. |
[No book] |
| [15]ܒܢܲܓ̇ܝܼܪܘܼܬ̣ ܪܘܼܚܵܐ ܡܫܲܕܲܠ ܫܲܠܝܼܛܵܐ. ܘܠܸܫܵܢܵܐ ܪܲܟ̇ܝܼܟ݂ܵܐ ܬܵܒܲܪ ܓܲܪ̈ܡܹܐ. |
[No book] |
| [16]ܡܵܐ ܕܐܸܫ̣ܟܲܚܬ̇ ܕܸܒ̣ܫܵܐ: ܡܸܣܬ̣ܵܟ݂ ܐܲܟ݂ܘܿܠ. ܕܠܵܐ ܟܲܕ݂ ܬܸܣܒܲܥ: ܬܬ̣ܝܼܒ̣ܝܼܘܗܝ. |
[No book] |
| [17]ܠܵܐ ܬܲܬ̣ܟܸ̇ܒ̣ ܪܸܓ̣ܠܵܟ݂ ܠܒܹܝܬ̣ ܪܵܚ̇ܡܵܟ݂. ܕܠܵܐ ܢܸܣܒ̇ܥܵܟ݂ ܘܢܸܣܢܹܝܟ݂. |
[No book] |
| [18]ܐܲܝܟ݂ ܦܵܕ݂ܘܿܥܵܐ ܘܣܲܝܦܵܐ ܘܓܹܐܪܵܐ ܫܢܝܼܢܵܐ: ܗܵܟܲܢܵܐ ܗ̄ܘܼ ܓܲܒ̣ܪܵܐ ܕܡܲܣܗܸܕ݂ ܣܵܗܕ̇ܘܼܬ̣ܵܐ ܕܲܓܵܠܬܵܐ ܥܲܠ ܚܲܒ̣ܪܹܗ. |
[No book] |
| [19]ܐܲܝܟ݂ ܫܸܢܵܐ ܕܒ̣ܝܼܫܵܐ: ܘܐܲܝܟ݂ ܪܸܓ̣ܠܵܐ ܡܙܵܥܬ̣ܵܐ: ܗܵܟܲܢܵܐ ܗ̄ܘܼ ܬܘܼܟ݂ܠܵܢܹܗ ܕܕܲܓܵܠܵܐ ܒܝܵܘܡܵܐ ܕܐܘܼܠܨܵܢܵܐ. |
[No book] |
| [20]ܡ̇ܢ ܕܫܵܩܹ̇ܠ ܡܪܛܘܼܛܵܐ ܡ̣ܢ ܚܲܒ̣ܪܹܗ ܒܝܵܘܡܵܐ ܕܩܲܪܬ̣ܵܐ: ܐܲܝܟ݂ ܗܵܘܿ ܕܪܵܡܹ̇ܐ ܚܲܠܵܐ ܥܲܠ ܝܲܬ̣ܪܵܐ: ܘܡܲܨܪܸܦ ܠܠܸܒܵܐ ܟܵܝ̇ܒܵܐ. ܐܲܝܟ݂ ܣܵܣܵܐ ܠܡܵܐܢܵܐ: ܘܐܲܝܟ݂ ܒܸܠܛܝܼܬ̣ܵܐ ܠܩܲܝܣܵܐ: ܗܵܟܲܢܵܐ ܟܲܪܝܘܼܬ̣ܵܐ ܡܲܗܪܵܐ ܠܠܸܒܹ̇ܗ ܕܓܲܒ̣ܪܵܐ. |
[No book] |
| [21]ܐܸܢ ܟܦܸܢ ܒܥܸܠܕ̇ܒ̣ܵܒ̣ܵܟ݂: ܐܵܘܟܸ̇ܠܲܝܗܝ. ܘܐܸܢ ܨܗܸܐ: ܐܲܫܩܵܝܗܝ. |
[No book] |
| [22]ܘܟܲܕ݂ ܗܵܠܹܝܢ ܬܸܥܒܸ̇ܕ݂ ܠܹܗ: ܓܘܼܡܪܹ̈ܐ ܕܢܘܼܪܵܐ ܚܵܕܹ̇ܐ ܐܲܢ̄ܬ̇ ܥܲܠ ܪܹܫܹܗ. ܘܡܵܪܝܵܐ ܦܵܪܲܥ ܠܵܟ݂. |
[No book] |
| [23]ܐܲܝܟ݂ ܕܪܘܼܚܵܐ ܕܓܲܪܒ̇ܝܵܐ ܒܵܛ̇ܢܵܐ ܡܸܛܪܵܐ: ܗܵܟܲܢܵܐ ܐܲܦܹ̈ܐ ܒܝܼ̈ܫܵܬ̣ܵܐ ܘܠܸܫܵܢܵܐ ܡܛܲܫܝܵܐ. |
[No book] |
| [24]ܫܲܦܝܼܪ ܠܡܸܥܡܲܪ ܥܲܠ ܩܲܪܢܵܐ ܕܐܸܓܵܪܵܐ: ܡ̣ܢ ܕܲܠܡܸܥܡܲܪ ܥܲܡ ܐܲܢ̄ܬ̇ܬ̣ܵܐ ܢܲܨܵܝܬܵܐ: ܘܲܒ̣ܒ̣ܝܬܵܐ ܕܦܵܠ̈ܓ̇ܘܵܬ̣ܵܐ. |
[No book] |
| [25]ܐܲܟ݂ܙܢܵܐ ܕܡܲـ̈ـܝܵܐ ܩܲܪܝܼܪܹ̈ܐ ܠܢܲܦ̮ܫܵܐ ܨܗܝܼܬ̣ܵܐ: ܗܵܟܲܢܵܐ ܗ̄ܘܼ ܛܸܒܵܐ ܫܲܦܝܼܪܵܐ ܕܐܵܬܹ̇ܐ ܡ̣ܢ ܐܲܪܥܵܐ ܪܲܚܝܼܩܬܵܐ. |
[No book] |
| [26]ܐܲܝܟ݂ ܕܣܵܟܲܪ ܐ̄ܢܵܫ ܡܲܒ̇ܘܼܥܵܐ: ܘܡܲܦܩܵܢܵܐ ܕܡܲـ̈ـܝܵܐ ܡܚܲܒܸ̇ܠ: ܗܵܟܲܢܵܐ ܗ̄ܘܼ ܙܲܕ̇ܝܼܩܵܐ ܡܵܐ ܕܢܵܦܹ̇ܠ ܩܕ݂ܵܡ ܥܵܘܿܠܵܐ. |
[No book] |
| [27]ܠܡܹܐܟܲܠ ܕܸܒ̣ܫܵܐ ܣܲܓ̇ܝܼ: ܠܵܐ ܫܲܦܝܼܪ. ܘܐܵܦܠܵܐ ܠܡܸܒ̣ܨܵܐ ܡܸܠܹ̈ܐ ܡܫܲܒ̇ܚܵـ̈ـܬ̣ܵܐ. |
[No book] |
| [28]ܐܲܝܟ݂ ܡܕ݂ܝܼܢ̄ܬܵܐ ܬܪܝܼܥܬܵܐ: ܕܠܲܝܬ̇ ܠܵܗ̇ ܫܘܼܪܵܐ: ܗܵܟܲܢܵܐ ܗ̄ܘܼ ܓܲܒ̣ܪܵܐ ܕܠܵܐ ܢܲܓ̇ܝܼܪܵܐ ܪܘܼܚܹܗ. |
[No book] |