|
|
| [1]Quomodo nix in æstate, et pluviæ in messe, sic indecens est stulto gloria. |
[No book] |
| [2]Sicut avis ad alia transvolans et passer quolibet vadens, sic maledictum frustra prolatum in quempiam superveniet. |
[No book] |
| [3]Flagellum equo, et camus asino, et virga in dorso imprudentium. |
[No book] |
| [4]Ne respondeas stulto juxta stultitiam suam, ne efficiaris ei similis. |
[No book] |
| [5]Responde stulto juxta stultitiam suam, ne sibi sapiens esse videatur. |
[No book] |
| [6]Claudus pedibus, et iniquitatem bibens, qui mittit verba per nuntium stultum. |
[No book] |
| [7]Quomodo pulchras frustra habet claudus tibias, sic indecens est in ore stultorum parabola. |
[No book] |
| [8]Sicut qui mittit lapidem in acervum Mercurii, ita qui tribuit insipienti honorem. |
[No book] |
| [9]Quomodo si spina nascatur in manu temulenti, sic parabola in ore stultorum. |
[No book] |
| [10]Judicium determinat causas, et qui imponit stulto silentium iras mitigat. |
[No book] |
| [11]Sicut canis qui revertitur ad vomitum suum, sic imprudens qui iterat stultitiam suam. |
[No book] |
| [12]Vidisti hominem sapientem sibi videri? magis illo spem habebit insipiens. |
[No book] |
| [13]Dicit piger: Leo est in via, et leæna in itineribus. |
[No book] |
| [14]Sicut ostium vertitur in cardine suo, ita piger in lectulo suo. |
[No book] |
| [15]Abscondit piger manum sub ascela sua, et laborat si ad os suum eam converterit. |
[No book] |
| [16]Sapientior sibi piger videtur septem viris loquentibus sententias. |
[No book] |
| [17]Sicut qui apprehendit auribus canem, sic qui transit impatiens et commiscetur rixæ alterius. |
[No book] |
| [18]Sicut noxius est qui mittit sagittas et lanceas in mortem, |
[No book] |
| [19]ita vir fraudulenter nocet amico suo, et cum fuerit deprehensus dicit: Ludens feci. |
[No book] |
| [20]Cum defecerint ligna extinguetur ignis, et susurrone subtracto, jurgia conquiescent. |
[No book] |
| [21]Sicut carbones ad prunas, et ligna ad ignem, sic homo iracundus suscitat rixas. |
[No book] |
| [22]Verba susurronis quasi simplicia, et ipsa perveniunt ad intima ventris. |
[No book] |
| [23]Quomodo si argento sordido ornare velis vas fictile, sic labia tumentia cum pessimo corde sociata. |
[No book] |
| [24]Labiis suis intelligitur inimicus, cum in corde tractaverit dolos. |
[No book] |
| [25]Quando submiserit vocem suam, ne credideris ei, quoniam septem nequitiæ sunt in corde illius. |
[No book] |
| [26]Qui operit odium fraudulenter, revelabitur malitia ejus in consilio. |
[No book] |
| [27]Qui fodit foveam incidet in eam, et qui volvit lapidem, revertetur ad eum. |
[No book] |
| [28]Lingua fallax non amat veritatem, et os lubricum operatur ruinas. |
[No book] |