|
|
| [No book] |
[1]ܠܵܐ ܬܸܫܬܲܒ̣ܗܲܪ ܠܝܵܘܡܵܐ ܕܲܡܚܵܪ. ܠܵܐ ܓܹܝܪ ܝܵܕܲܥ ܐܲܢ̄ܬ̇ ܡܵܢܵܐ ܝܵܠܸܕ݂. |
| [No book] |
[2]ܢܫܲܒ̇ܚܵܟ݂ ܢܘܼܟ݂ܪܵܝܵܐ: ܘܠܵܐ ܦܘܼܡܵܟ݂ ܘܐܲܚܝܼܪܹܢܵܐ: ܘܠܵܐ ܣܸܦ̈ܘܵܬ̣ܵܟ݂. |
| [No book] |
[3]ܝܲܩܝܼܪܵܐ ܟܹܐܦܵܐ: ܘܢܵܛܹ̇ܠ ܚܵܠܵܐ. ܘܪܘܼܓ̣ܙܹܗ ܕܣܲܟ݂ܠܵܐ ܝܲܩܝܼܪ ܡ̣ܢ ܬܪܲܝܗܘܿܢ. |
| [No book] |
[4]ܡܲܪܵܚܘܼܬ̣ܵܐ ܗ̄ܝܼ ܚܸܡܬ̣ܵܐ: ܘܚܹܐܦܵܐ ܪܘܼܓ̣ܙܵܐ. ܘܡܲܢ̣ܘܼ ܢܩܘܼܢ ܩܕ݂ܵܡ ܛܢܵܢܵܐ. |
| [No book] |
[5]ܛܵܒ̣ܵܐ ܗ̄ܝܼ ܡܲܟ̇ܣܵܢܘܼܬ̣ܵܐ ܕܓܲܠܝܵܐ: ܡ̣ܢ ܪܵܚ̇ܡܘܼܬ̣ܵܐ ܕܲܡܛܲܫܝܵܐ. |
| [No book] |
[6]ܫܲܦܝܼܪ̈ܵܢ ܡܲܚ̈ܘܵܬܹܗ ܕܪܵܚ̇ܡܹܐ: ܡ̣ܢ ܢܘܼܫ̈ܩܵܬܹܗ ܕܲܒ̣ܥܸܠܕ̇ܒ̣ܵܒ̣ܵܐ. |
| [No book] |
[7]ܢܲܦ̮ܫܵܐ ܕܣܲܒ̣ܥܵܐ ܕܵܝ̇ܫܵܐ ܟܲܟܵܪ̈ܝܵܬ̣ܵܐ: ܘܢܦ̮ܫܵܐ ܟܦܲܢܬ̣ܵܐ ܐܵܦ ܡܲܪܝܼܪܵܬ̣ܵܐ ܚܲܠ̈ܝܵܢ ܐܸܢܹܝܢ ܠܵܗ̇. |
| [No book] |
[8]ܐܲܝܟ݂ ܨܸܦܪܵܐ ܕܲܡܫܲܢܝܵܐ ܩܸܢܵܗ̇: ܗܵܟܲܢܵܐ ܗ̄ܘܼ ܓܲܒ̣ܪܵܐ ܕܙܵܐܲܥ̇ ܡ̣ܢ ܕܘܼܟ̇ܬܹܗ. |
| [No book] |
[9]ܐܲܝܟ݂ ܡܸܫܚܵܐ ܘܒܸܣܡܵܐ ܕܲܡܚܲܕܹ̇ܝܢ ܠܸܒܵܐ: ܗܵܟܲܢܵܐ ܗ̄ܘܼ ܡ̇ܢ ܕܲܡܒܲܣܸܡ ܠܚܲܒ̣ܪܹܗ ܒܡܸܠܟܵܐ ܕܢܲܦ̮ܫܹܗ. |
| [No book] |
[10]ܪܵܚ̇ܡܵܟ݂ ܘܪܵܚܡܹܗ ܕܐܲܒ̣ܘܼܟ݂ ܠܵܐ ܬܸܫܒ̇ܘܿܩ. ܘܲܠܒܹܝܬ̣ ܐܲܚܘܼܟ݂ ܠܵܐ ܬܸܥܘܿܠ ܒܝܵܘܡܵܐ ܕܲܬ̣ܒ̣ܵܪܵܟ݂. ܛܵܒ̣ ܗ̄ܘܼ ܫܒ̣ܵܒ̣ܵܐ ܕܩܲܪܝܼܒ̣: ܡ̣ܢ ܐܲܚܵܐ ܕܪܲܚܝܼܩ. |
| [No book] |
[11]ܐܸܬ̣ܚܲܟܲܡ ܒܹܪܝ: ܘܚܲܕܵܐ ܠܹܒ̇ܝ. ܘܒܲܛܸܠ ܡܹܢܝ ܚܸܣܕܵܐ ܕܲܡܚܲܣܕ݂ܵܢܲܝ̈. |
| [No book] |
[12]ܥܪܝܼܡܵܐ ܚܙ̣ܵܐ ܒܝܼܫܬܵܐ: ܘܐܸܬ̇ܛܲܫܝܼ ܣܲܟ݂̈ܠܹܐ ܕܹܝܢ ܥܸܒܲܪܘ ܥܠܹܝܗ̇: ܘܲܚܣܲܪܘ. |
| [No book] |
[13]ܡܸܬ̣ܢ̱ܣܸܒ̣ ܡܲܪܛܘܼܛܹܗ ܕܡ̇ܢ ܕܥܵܪܸܒ̣ ܠܢܘܼܟ݂ܪܵܝܵܐ. ܘܥܲܠ ܐܲܦܲܝ̈ ܢܘܼܟ݂ܪܵܝܵܐ ܡܸܫܟܵܢܹܗ. |
| [No book] |
[14]܆ܕܲܡܒܲܪܸܟ݂ ܠܚܲܒ̣ܪܹܗ ܒܫܘܼܦܪܵܢܘܼܬ̣ܵܐ ܒܩܵܠܵܐ ܪܵܡܵܐ: ܠܵܐ ܗ̄ܘܼܵܐ ܦܪܝܼܫ ܡ̣ܢ ܗܵܘܿ ܕܠܵܐܹ̇ܛ. |
| [No book] |
[15]ܐܲܝܟ݂ ܕܸܠܦܵܐ ܕܢܵܛܹ̇ܦ ܒܝܵܘܡܵܐ ܕܣܲܓ̣ܪܵܐ: ܗܵܟܲܢܵܐ ܗ̄ܝܼ ܐܲܢ̄ܬ̇ܬ̣ܵܐ ܢܲܨܵܝܬܵܐ. |
| [No book] |
[16]ܪܘܼܚܵܐ ܕܓܲܪܒ̇ܝܵܐ ܩܲܫܝܵܐ. ܘܒܲܫܡܵܐ ܕܝܲܡܝܼܢܵܐ ܡܸܬ̣ܩܲܪܝܵܐ. |
| [No book] |
[17]ܦܲܪܙܠܵܐ ܠܦܲܪܙܠܵܐ ܠܵܛܹ̇ܫ. ܘܓܲܒ̣ܪܵܐ ܠܵܛܹ̇ܫ ܦܲܪܨܘܿܦܵܐ ܕܚܲܒ̣ܪܹܗ. |
| [No book] |
[18]ܕܢܵܛܲܪ ܬܹܐܬܵܐ: ܢܹܐܟ݂ܘܿܠ ܡ̣ܢ ܦܹܐܪܹ̈ܝܗ̇ ܘܕܲܙܗܝܼܪ ܒܡܵܪܹܗ: ܢܸܫܬܲܒܲܚ. |
| [No book] |
[19]ܐܲܝܟ݂ ܕܠܵܐ ܕܵܡܹ̇ܝܢ ܦܲܪ̈ܨܘܼܦܹܐ ܠܦܲܪ̈ܨܘܿܦܹܐ: ܗܵܟܲܢܵܐ ܠܵܐ ܕܵܡܹ̇ܝܢ ܠܸܒܵـ̈ـܘܵܬ̣ܵܐ ܠܠܸܒܵـ̈ـܘܵܬ̣ܵܐ. |
| [No book] |
[20]ܫܝܘܿܠ ܘܐܲܒ̣ܕܵܢܵܐ ܠܵܐ ܣܵܒ̣ܥܝܼܢ: ܗܵܟܲܢܵܐ ܐܵܦ ܥܲܝܢܗܘܿܢ ܕܲܒ̣ܢܲܝ̈ܢܵܫܵܐ ܠܵܐ ܣܵܒܲܢܵܐ. |
| [No book] |
[21]ܨܪܵܦܵܐ ܒܵܩܹ̇ܐ ܠܣܹܐܡܵܐ: ܘܟ݂ܘܼܪܵܐ ܠܕܲܗܒ̣ܵܐ: ܘܓܲܒ̣ܪܵܐ ܡ̣ܢ ܦܘܼܡܵܐ ܕܲܡܫܲܒ̇ܚܵܢܵܘ̈ܗܝ. ܠܸܒܵܐ ܕܥܵܘܿܠܹ̈ܐ ܒܵܥܹ̇ܐ ܒܝܼܫܬܵܐ ܘܠܸܒܵܐ ܕܟܹܐܢܹ̈ܐ ܒܵܥܹ̇ܐ ܝܼܕܲܥܬ̣ܵܐ. |
| [No book] |
[22]ܐܸܢ ܡܵܚܹ̇ܐ ܐܲܢ̄ܬ̇ ܠܣܲܟ݂ܠܵܐ ܒܓ̣ܵܘ ܟܢܘܼܫܬܵܐ: ܡܸܕܹ̇ܡ ܠܵܐ ܡܵܘܬܲܪ ܐܲܢ̄ܬ̇ ܠܹܗ. ܐܵܦܠܵܐ ܡܲܥܒܲܪ ܐܲܢ̄ܬ̇ ܣܲܟ݂ܠܘܼܬܹܗ. |
| [No book] |
[23]ܡܵܐ ܕܪܵܥܹ̇ܐ ܐܲܢ̄ܬ̇: ܕܲܥ ܐܲܦܲܝ̈ ܥܵܢܵܟ݂. ܘܣܝܼܡ ܠܸܒܵܟ݂ ܥܲܠ ܓܙܵܪܵܟ݂. |
| [No book] |
[24]ܡܸܛܠ ܕܠܵܐ ܗ̄ܘܼܵܐ ܠܥܵܠܲܡ ܐܘܼܚܕܵܢܵܐ. ܘܐܵܦܠܵܐ ܡܲܫܠܸܡ ܕܵܪܵܐ ܠܕ݂ܵܪܵܐ. |
| [No book] |
[25]ܫܘܲܚ̣ ܥܡܝܼܪܵܐ: ܘܐܸܬ̣ܚܙܝܼ ܬܸܕ݂ܐܵܐ. ܘܐܸܬ̣ܟ̇ܢܸܫ ܥܸܣܒܵܐ ܕܛܘܼܪܹ̈ܐ. |
| [No book] |
[26]ܐܸܡܪܹ̈ܐ ܠܲܠܒ̣ܘܼܫܵܟ݂: ܘܲܓ̣̈ܕܲܝܵܐ ܠܡܹܐܟ݂ܘܼܠܬܵܟ݂. |
| [No book] |
[27]ܘܚܲܠܒ̣ܵܐ ܕܥܸܙܹ̈ܐ ܠܡܹܐܟ݂ܘܼܠܬܵܟ݂: ܘܲܠܡܹܐܟ݂ܘܼܠܬܵܐ ܕܒܲܝܬܵܟ݂. |