|
|
| [No book] |
[1]Ne glorieris in crastinum, ignorans quid superventura pariat dies. |
| [No book] |
[2]Laudet te alienus, et non os tuum; extraneus, et non labia tua. |
| [No book] |
[3]Grave est saxum, et onerosa arena, sed ira stulti utroque gravior. |
| [No book] |
[4]Ira non habet misericordiam nec erumpens furor, et impetum concitati ferre quis poterit? |
| [No book] |
[5]Melior est manifesta correptio quam amor absconditus. |
| [No book] |
[6]Meliora sunt vulnera diligentis quam fraudulenta oscula odientis. |
| [No book] |
[7]Anima saturata calcabit favum, et anima esuriens etiam amarum pro dulci sumet. |
| [No book] |
[8]Sicut avis transmigrans de nido suo, sic vir qui derelinquit locum suum. |
| [No book] |
[9]Unguento et variis odoribus delectatur cor, et bonis amici consiliis anima dulcoratur. |
| [No book] |
[10]Amicum tuum, et amicum patris tui ne dimiseris, et domum fratris tui ne ingrediaris in die afflictionis tuæ. Melior est vicinus juxta, quam frater procul. |
| [No book] |
[11]Stude sapientiæ, fili mi, et lætifica cor meum, ut possis exprobranti respondere sermonem. |
| [No book] |
[12]Astutus videns malum, absconditus est: parvuli transeuntes sustinuerunt dispendia. |
| [No book] |
[13]Tolle vestimentum ejus qui spopondit pro extraneo, et pro alienis aufer ei pignus. |
| [No book] |
[14]Qui benedicit proximo suo voce grandi, de nocte consurgens maledicenti similis erit. |
| [No book] |
[15]Tecta perstillantia in die frigoris et litigiosa mulier comparantur. |
| [No book] |
[16]Qui retinet eam quasi qui ventum teneat, et oleum dexteræ suæ vocabit. |
| [No book] |
[17]Ferrum ferro exacuitur, et homo exacuit faciem amici sui. |
| [No book] |
[18]Qui servat ficum comedet fructus ejus, et qui custos est domini sui glorificabitur. |
| [No book] |
[19]Quomodo in aquis resplendent vultus prospicientium, sic corda hominum manifesta sunt prudentibus. |
| [No book] |
[20]Infernus et perditio numquam implentur: similiter et oculi hominum insatiabiles. |
| [No book] |
[21]Quomodo probatur in conflatorio argentum et in fornace aurum, sic probatur homo ore laudantis. Cor iniqui inquirit mala, cor autem rectum inquirit scientiam. |
| [No book] |
[22]Si contuderis stultum in pila quasi ptisanas feriente desuper pilo, non auferetur ab eo stultitia ejus. |
| [No book] |
[23]Diligenter agnosce vultum pecoris tui, tuosque greges considera: |
| [No book] |
[24]non enim habebis jugiter potestatem, sed corona tribuetur in generationem et generationem. |
| [No book] |
[25]Aperta sunt prata, et apparuerunt herbæ virentes, et collecta sunt fœna de montibus. |
| [No book] |
[26]Agni ad vestimentum tuum, et hædi ad agri pretium. |
| [No book] |
[27]Sufficiat tibi lac caprarum in cibos tuos, et in necessaria domus tuæ et ad victum ancillis tuis. |