|
|
| [1]ܢܸܥ̱ܪܩܘܼܢ ܥܵܘܵܠܹ̈ܐ ܟܲܕ݂ ܠܲܝܬ̇ ܕܪܵܕܸܦ̇ ܠܗܘܿܢ. ܘܙܲܕ̇ܝܼܩܹ̈ܐ ܐܲܝܟ݂ ܐܲܪܝܵܐ ܢܸܬ̇ܬܲܟ݂ܠܘܼܢ. |
[No book] |
| [2]ܒܥܵܘ̣ܠܵܗ̇ ܕܐܲܪܥܵܐ ܣܵܓܹ̇ܝܢ ܫܲܠܝܼܛܵܢܹ̈ܝܗ̇. ܘܲܒ̣ܢܲܝ̈ܢܵܫܵܐ ܙܲܕ̇ܝܼܩܹ̈ܐ ܕܝܵܕ݂ܥܝܼܢ ܟܹܐܢܘܼܬ̣ܵܐ ܢܲܓ̇ܪܘܼܢ. |
[No book] |
| [3]ܓܲܒ̣ܪܵܐ ܡܸܣܟܹ̇ܢܵܐ ܕܬ̣ܵܐܹ̇ܟ݂ ܠܡܸܣܟܹ̇ܢܵܐ: ܐܲܝܟ݂ ܡܸܛܪܵܐ ܚܒ̣ܝܼܛܵܐ ܕܠܲܝܬ̇ ܒܹܗ ܝܘܼܬ̣ܪܵܢ. |
[No book] |
| [4]ܐܲܝܠܹܝܢ ܕܫܵܒ̣̇ܩܝܼܢ ܢܵܡܘܿܣܵܐ: ܡܸܫܬܲܒ̇ܚܝܼܢ ܒܥܵܘܼܠܵܐ. ܘܐܲܝܠܹܝܢ ܕܢܵܛܪܝܼܢ ܢܵܡܘܿܣܵܐ: ܡܲܥ̄ܫܢܝܼܢ ܢܲܦ̮ܫܗܘܿܢ. |
[No book] |
| [5]ܓܲܒ̣ܪܹ̈ܐ ܒܝܼܫܹ̈ܐ ܠܵܐ ܡܸܣܬܲܟ̇ܠܝܼܢ ܕܝܼܢܵܐ. ܘܲܕ݂ܒ̣ܵܥܹ̇ܝܢ ܠܡܵܪܝܵܐ. ܝܵܕ݂ܥܝܼܢ ܟܠܗܹܝܢ ܛܵܒ̣ܵـ̈ـܬ̣ܵܐ. |
[No book] |
| [6]ܡܸܣܟܹ̇ܢܵܐ ܡܗܲܠܸܟ݂ ܒܬܲܡܝܼܡܘܼܬ̣ܵܐ. ܘܥܲܬ̇ܝܼܪܵܐ ܡܥܲܩ̈ܡܵܢ ܐܘܼܪ̈ܚܵܬܹܗ. |
[No book] |
| [7]ܕܢܵܛܲܪ ܢܵܡܘܿܣܵܐ: ܒܪܵܐ ܗ̄ܘܼ ܣܲܟ̇ܘܼܠܬ̣ܵܢܵܐ. ܘܲܕ݂ܦܵܠܲܚ ܣܪܝܼܩܘܼܬ̣ܵܐ: ܡܲܒ̣ܗܸܬ̣ ܠܐܲܒ̣ܘܼܗܝ. |
[No book] |
| [8]ܕܡܲܣܓܹ̇ܐ ܩܸܢܝܵܢܹܗ ܡ̣ܢ ܩܨܵܨܵܐ ܘܡ̣ܢ ܪܸܒ̇ܝܼܬ̣ܵܐ: ܢܸܫܒ̇ܩܝܼܘܗܝ ܠܡ̇ܢ ܕܲܡܪܲܚܸܡ ܥܲܠ ܡܸܣܟܹ̇ܢܵܐ. |
[No book] |
| [9]ܕܲܡܣܲܟܲܪ ܐܸܕ݂ܢܵܘ̈ܗܝ: ܕܠܵܐ ܢܸܫܡܲܥ ܢܵܡܘܿܣܵܐ: ܐܵܦ ܨܠܘܿܬܹܗ ܛܲܡܲܐ ܗ̄ܝܼ. |
[No book] |
| [10]ܕܡܲܛܥܹܐ ܬܪܝܼܨܵܐ ܒܐܘܼܪܚܵܐ ܒܝܼܫܬܵܐ: ܒܓ̣ܘܼܡܵܨܵܐ ܢܵܦܹ̇ܠ. ܘܬܲܡܝܼܡܹ̈ܐ ܢܹܐܪܬ̇ܘܼܢ ܛܵܒ̣ܵـ̈ـܬ̣ܵܐ. |
[No book] |
| [11]ܓܲܒ̣ܪܵܐ ܥܲܬ̇ܝܼܪܵܐ ܚܲܟ̇ܝܼܡ ܒܥܲܝܢܲܝ̈ ܢܲܦ̮ܫܹܗ. ܘܡܸܣܟܹ̇ܢܵܐ ܣܲܟ̇ܘܼܠܬ̣ܵܢܵܐ ܒܵܣܲܪ ܠܹܗ. |
[No book] |
| [12]ܒܥܘܼܫܢܵܐ ܕܙܲܕ̇ܝܼܩܹ̈ܐ ܣܵܓ̇ܝܵܐ ܬܸܫܒ̇ܘܿܚܬܵܐ. ܘܲܒ̣ܩܵܘܡܵܐ ܕܥܵܘܿܠܹ̈ܐ ܡܸܬ̣ܒܲܨܪܵܐ. |
[No book] |
| [13]ܒܲܪܢܵܫܵܐ ܕܲܡܟܲܣܸܐ ܥܵܘܼܠܹܗ: ܠܵܐ ܢܨܠܚ ܘܲܕ݂ܡܵܘܕܹ̇ܐ ܒܲܚܛܵܗܵܘ̈ܗܝ ܘܥܵܒܲܪ ܡܸܢܗܘܿܢ: ܡܸܬ̣ܪܲܚܲܡ ܥܠܵܘܗܝ ܐܲܠܵܗܵܐ. |
[No book] |
| [14]ܛܘܼܒ̣ܵܘܗܝ ܠܒܲܪܢܵܫܵܐ ܕܕ݂ܵܚܹ̇ܠ ܒܟ݂ܠܙܒܲܢ. ܘܐܲܝܢܵܐ ܕܲܡܩܲܫܸܐ ܠܸܒܹ̇ܗ: ܢܵܦܹ̇ܠ ܒܒ̣ܝܼܫܬܵܐ. |
[No book] |
| [15]ܐܲܪܝܵܐ ܢܗܲܡܘ ܘܕܸܒܵܐ ܝܸܗ̄ܒܲܬ̤ ܩܵܠܵܐ. ܕܐܸܫܬܲܠܲܛ ܥܵܘܿܠܵܐ ܥܲܠ ܥܲܡܵܐ ܡܸܣܟܹ̇ܢܵܐ. |
[No book] |
| [16]ܫܲܠܝܼܛܵܐ ܚܲܣܝܼܪ ܪܸܥܝܵܢܵܐ: ܣܲܓ̇ܝܼܐܝܼܢ ܬܘܼܟܵܘ̈ܗܝ. ܘܐܲܝܢܵܐ ܕܣܵܢܹ̈ܐ ܢܸܟ݂ܠܵܐ: ܢܲܓ̇ܪܘܼܢ ܝܵܘ̈ܡܵܬܹܗ. |
[No book] |
| [17]ܒܲܪܢܵܫܵܐ ܕܲܚܫܝܼܫ ܒܲܕ݂ܡܵܐ ܕܢܲܦ̮ܫܵܐ: ܥܕܲܡܵܐ ܠܓܘܼܒܵܐ ܢܸܥܪܘܿܩ. ܘܠܵܐ ܢܓܲܕ̇ܪܘܼܢܹܗ. |
[No book] |
| [18]ܕܲܡܗܲܠܸܟ݂ ܕܠܵܐ ܡܘܼܡ: ܢܸܬ̣ܦܪܸܩ ܘܕܲܡܥܲܩ̈ܡܵܢ ܐܘܼܪ̈ܚܵܬܹܗ: ܢܸܦܸܠ ܒܓ̣ܘܼܡܵܨܵܐ. |
[No book] |
| [19]ܕܦܵܠܲܚ ܒܐܲܪܥܵܐ: ܢܸܣܒܲܥ ܠܲܚܡܵܐ. ܘܲܕ݂ܪܵܗܹ̇ܛ ܒܵܬܲܪ ܣܪܝܼܩܘܼܬ̣ܵܐ: ܢܸܣܒܲܥ ܡܸܣܟܹ̇ܢܘܼܬ̣ܵܐ. |
[No book] |
| [20]ܓܲܒ̣ܪܵܐ ܡܗܲܝܡܢܵܐ ܣܲܓ̇ܝܼ̈ܐܵܢ ܒܘܼܪ̈ܟܵܬܹܗ. ܘܒ̣ܝܼܫܵܐ ܒܥܵܘܼܠܹܗ ܠܵܐ ܢܸܬ̣ܚܲܣܸܐ. |
[No book] |
| [21]ܓܲܒ̣ܪܵܐ ܕܢܵܣܹ̇ܒ̣ ܒܐܲܦܹ̈ܐ ܠܵܐ ܫܲܦܝܼܪ. ܒܩܲܨܝܵܐ ܓܹܝܪ ܕܠܚܡܵܐ ܡܲܫܠܸܡ ܓܲܒ̣ܪܵܐ. |
[No book] |
| [22]ܡܸܣܬܲܪܗܲܒ̣ ܠܡܸܥܬܲܪ ܓܲܒ̣ܪܵܐ ܕܒ̣ܝܼܫܵܐ ܥܲܝܢܹܗ. ܘܠܵܐ ܝܵܕܲܥ ܕܚܘܼܣܪܵܢܵܐ ܐܵܬܹ̇ܐ ܥܠܵܘܗܝ. |
[No book] |
| [23]ܕܡܲܟܸ̇ܣ ܠܒܲܪܢܵܫܵܐ: ܪ̈ܲܚܡܹܐ ܢܸܫܟܲܚ: ܛܵܒ̣ ܡ̣ܢ ܗܵܘܿ ܕܲܡܦܲܠܸܓ̣ ܒܠܸܫܵܢܹܗ. |
[No book] |
| [24]ܕܚܵܛܹ̇ܦ ܡ̣ܢ ܐܲܒ̣ܘܗܝ ܘܡ̣ܢ ܐܸܡܹܗ: ܘܐܵܡܲܪ ܕܠܲܝܬ̇ ܠܝܼ ܚܛܵܗܵܐ: ܫܵܘܬܵܦܵܐ ܗ̄ܘܼ ܕܓܲܒ̣ܪܵܐ ܥܵܘܿܠܵܐ. |
[No book] |
| [25]ܓܲܒ̣ܪܵܐ ܝܲܥܢܵܐ ܡܓܲܪܸܓ̣ ܚܸܪܝܵܢܵܐ. ܘܲܕ݂ܡܬ̇ܬ̇ܟܸܠ ܥܲܠ ܡܵܪܝܵܐ ܢܸܕ݂ܗܲܢ. |
[No book] |
| [26]ܕܲܬ̣ܟ݂ܝܼܠ ܥܲܠ ܠܸܒܹ̇ܗ: ܣܲܟ݂ܠܵܐ ܗ̄ܘܼ. ܘܕܲܡܗܲܠܸܟ݂ ܒܬܲܡܝܼܡܘܼܬ̣ܵܐ ܢܸܬ̣ܦܲܨܹܐ. |
[No book] |
| [27]ܕܝܵܗܹ̇ܒ̣ ܠܡܸܣܟܹ̇ܢܵܐ: ܠܵܐ ܢܸܚܣܲܪ ܠܹܗ. ܘܲܕ݂ܡܲܪܟܸ̇ܢ ܥܲܝܢܵܘ̈ܗܝ ܡ̣ܢ ܡܸܣܟܹ̇ܢܵܐ: ܬܸܣܓܹ̇ܐ ܠܵܘܛܬܹܗ. |
[No book] |
| [28]ܒܩܵܘܡܵܐ ܕܥܵܘܿܠܹ̈ܐ ܡܸܬ̇ܛܲܫܸܐ ܒܲܪܢܵܫܵܐ. ܘܒܲܐܒ̣ܕܵܢܗܘܿܢ ܢܸܣܓ̇ܘܿܢ ܙܲܕ̇ܝܼܩܹ̈ܐ. |
[No book] |