|
|
| [1]ܓܲܒ̣ܪܵܐ ܕܠܵܐ ܡܩܲܒܸ̇ܠ ܡܲܟ̇ܣܵܢܘܼܬ̣ܵܐ: ܘܲܩܫܸܐ ܩܕ݂ܵܠܹܗ: ܒܲܥܓܲܠ ܢܸܬ̇ܬ̇ܒܲܪ. ܘܠܵܐ ܬܸܗܘܹܐ ܠܹܗ ܐܵܣܝܘܼܬ̣ܵܐ. |
[1]איש תוכחות מקשה־ערף פתע ישבר ואין מרפא |
| [2]ܒܣܘܿܓ̣ܵܐܐ ܕܙܲܕ̇ܝܼܩܹ̈ܐ ܣܵܓܹ̇ܐ ܥܲܡܵܐ. ܘܲܒ̣ܫܘܼܠܛܵܢܵܐ ܕܥܵܘܿܠܹ̈ܐ ܡܸܬ̇ܬܲܢܲܚ ܥܲܡܵܐ. |
[2]ברבות צדיקים ישמח העם ובמשל רשע יאנח עם |
| [3]ܓܲܒ̣ܪܵܐ ܕܪܵܚܹ̇ܡ ܚܸܟ݂ܡ̱ܬ̣ܵܐ: ܢܚܲܕܹ̇ܐ ܠܐܲܒ̣ܘܼܗܝ ܘܲܕ݂ܪܵܥܹ̇ܐ ܒܙܵܢܝܘܼܬ̣ܵܐ: ܢܵܘܒܸ̇ܕ݂ ܩܸܢܝܵܢܹܗ. |
[3]איש־אהב חכמה ישמח אביו ורעה זונות יאבד־הון |
| [4]ܡܲܠܟܵܐ ܒܕ݂ܝܼܢܵܐ ܡܩܝܼܡ ܐܲܪܥܵܐ. ܘܓܲܒ̣ܪܵܐ ܥܵܘܿܠܵܐ ܡܲܚܣܲܪ ܠܵܗ̇. |
[4]מלך־במשפט יעמיד ארץ ואיש תרומות יהרסנה |
| [5]ܓܲܒ̣ܪܵܐ ܕܡܸܬ̣ܦܲܠܲܓ̣ ܥܲܠ ܚܲܒ̣ܪܹܗ: ܡܨܝܼܕ̇ܬܵܐ ܦܵܪܹܣ ܥܲܠ ܗܲܠܟ݂ܵܬܹ̈ܗ. |
[5]גבר מחליק על־רעהו רשת פורש על־פעמיו |
| [6]ܓܲܒ̣ܪܵܐ ܒܝܼܫܵܐ ܒܥܵܘܼܠܹܗ ܡܸܬ̇ܬ̇ܨܝܼܕ݂. ܘܙܲܕ̇ܝܼܩܵܐ ܢܫܲܒܲܚ ܘܢܸܚܕܹ̇ܐ. |
[6]בפשע איש רע מוקש וצדיק ירון ושמח |
| [7]ܙܲܕ̇ܝܼܩܵܐ ܓܹܝܪ ܝܵܕܲܥ ܕܝܼܢܵܐ ܕܡܸܣܟܹ̇ܢܹ̈ܐ ܘܥܵܘܿܠܵܐ ܠܵܐ ܡܸܣܬܲܟܲܠ ܝܼܕܲܥܬ̣ܵܐ. |
[7]ידע צדיק דין דלים רשע לא־יבין דעת |
| [8]ܓܲܒ̣ܪܹ̈ܐ ܡܡܲܝ̈ܩܵܢܹܐ ܡܵܘܩܕ݂ܝܼܢ ܟܲܪ̈ܟܹܐ. ܘܚܲܟ̇ܝܼܡܹ̈ܐ ܡܲܗܦܟ݂ܝܼܢ ܪܘܼܓ̣ܙܵܐ. |
[8]אנשי לצון יפיחו קריה וחכמים ישיבו אף |
| [9]ܓܲܒ̣ܪܵܐ ܚܲܟ̇ܝܼܡܵܐ ܕܵܐܹ̇ܢ ܥܲܡ ܓܲܒ̣ܪܵܐ ܣܲܟ݂ܠܵܐ. ܘܪܵܓܹ̇ܙ ܘܓ̣ܵܚܹ̇ܟ ܘܠܵܐ ܡܸܬ̇ܬ̇ܦܝܼܪ. |
[9]איש־חכם־נשפט את־איש אויל ורגז ושחק ואין נחת |
| [10]ܓܲܒ̣ܪܹ̈ܐ ܐܵܫ̇ܕܲܝ̈ ܕܡܵܐ ܣܵܢܹ̇ܝܢ ܠܚܲܣܝܵܐ. ܘܙܲܕ̇ܝܼܩܹ̈ܐ ܪܵܚ̇ܡܝܼܢ ܠܹܗ. |
[10]אנשי דמים ישנאו־תם וישרים יבקשו נפשו |
| [11]ܚܸܡܬܹܗ ܟܠܵܗ̇ ܡܲܦܸܩ ܣܲܟ݂ܠܵܐ. ܘܚܲܟ̇ܝܼܡܵܐ ܒܪܸܥܝܵܢܹܗ ܡܸܬ̣ܚܲܫܲܒ̣. |
[11]כל־רוחו יוציא כסיל וחכם באחור ישבחנה |
| [12]ܫܲܠܝܼܛܵܐ ܕܫܵܡܲܥ ܡܸܠܬ̣ܵܐ ܕܲܓܵܠܬܵܐ: ܟܠܗܘܿܢ ܦܵܠ̇ܚܵܘ̈ܗܝ ܥܵܘܠܝܼܢ ܐܸܢܘܿܢ. |
[12]משל מקשיב על־דבר־שקר כל־משרתיו רשעים |
| [13]ܡܸܣܟܹ̇ܢܵܐ ܘܡܲܟ݂ܐ̱ܒ̣ܵܐ ܦܓܲܥܘ ܚܲܕ݂ ܒܚܲܕ݂. ܘܡܵܪܝܵܐ ܡܲܢܗܲܪ ܥܲܝܢܹ̈ܐ ܕܲܬ̣ܪ̈ܲܝܗܘܿܢ. |
[13]רש ואיש תככים נפגשו מאיר עיני שניהם יהוה |
| [14]ܡܲܠܟܵܐ ܕܕ݂ܵܐܲܢ ܒܩܘܼܫܬܵܐ: ܟܘܼܪܣܝܹܗ ܒܕ݂ܝܼܢܵܐ ܢܸܬ̣ܩܲܢ. |
[14]מלך שופט באמת דלים כסאו לעד יכון |
| [15]ܫܲܒ̣ܛܵܐ ܘܡܲܟ̇ܣܵܢܘܼܬ̣ܵܐ ܝܵܗ̄ܒ̇ܝܼܢ ܚܸܟ݂ܡ̱ܬܵܐ. ܘܛܲܠܝܵܐ ܕܠܵܐ ܪܕܸܐ: ܡܲܒ̣ܗܸܬ̣ ܠܐܸܡܹܗ. |
[15]שבט ותוכחת יתן חכמה ונער משלח מביש אמו |
| [16]ܒܣܘܿܓ̣ܐܗܘܿܢ ܕܥܵܘܠܹ̈ܐ ܣܵܓܹ̇ܐ ܥܵܘܼܠܵܐ. ܘܙܲܕ̇ܝܼܩܹ̈ܐ ܢܸܚܕ̇ܘܿܢ ܒܡܲܦܘܼܠܬ̇ܗܘܿܢ. |
[16]ברבות רשעים ירבה־פשע וצדיקים במפלתם יראו |
| [17]ܪܕ݂ܝܼ ܒܪܵܟ݂: ܘܲܢܢܝܼܚܵܟ݂: ܘܲܢܒܲܣܸܡ ܢܲܦ̮ܫܵܟ݂. |
[17]יסר בנך ויניחך ויתן מעדנים לנפשך |
| [18]ܒܣܘܿܓ̣ܵܐܐ ܕܥܵܘܿܠܹ̈ܐ ܡܸܬ̇ܬ̇ܪܲܥ ܥܲܡܵܐ. ܘܲܕ݂ܢܵܛܲܪ ܢܵܡܘܿܣܵܐ ܛܘܼܒ̣ܵܘܗܝ. |
[18]באין חזון יפרע עם ושמר תורה אשרהו |
| [19]ܒܡܸܠܹ̈ܐ ܠܵܐ ܡܸܬ̣̱ܪܕܹܐ ܥܲܒ̣ܕܵܐ. ܝܵܕܲܥ ܓܹܝܪ ܕܠܵܐ ܒܵܠܲܥ. |
[19]בדברים לא־יוסר עבד כי־יבין ואין מענה |
| [20]ܐܸܢ ܚܙܲܝܬ̇ ܓܲܒ̣ܪܵܐ ܕܲܡܣܲܪܗܲܒ̣ ܒܡܸܠܵܘ̈ܗܝ: ܕܲܥ ܕܛܵܒ̣ ܗ̄ܘܼ ܡܸܢܹܗ ܣܲܟ݂ܠܵܐ. |
[20]חזית־איש אץ בדבריו תקוה לכסיל ממנו |
| [21]ܕܡܸܬ̣ܦܲܢܲܩ ܡ̣ܢ ܛܲܠܝܘܼܬܹܗ: ܥܲܒ̣ܕܵܐ ܢܸܗܘܹܐ. ܘܒܲܐܚܪܵܝܬܹ̇ܗ ܢܸܬ̇ܬܲܢܲܚ. |
[21]מפנק מנער עבדו ואחריתו יהיה מנון |
| [22]ܓܲܒ̣ܪܵܐ ܚܸܡܬ̣ܵܢܵܐ ܡܸܓ̇ܪܸܓ̣ ܕܝܼܢܵܐ. ܘܓܲܒ̣ܪܵܐ ܪܵܓ̇ܘܼܙܬ̣ܵܢܵܐ ܡܲܣܓܹ̇ܐ ܥܵܘܼܠܵܐ. |
[22]איש־אף יגרה מדון ובעל חמה רב־פשע |
| [23]ܪܵܡܘܼܬܹܗ ܕܒܲܪܢܵܫܵܐ ܬܡܲܟ̇ܟ݂ܝܼܘܗܝ. ܘܡܲܟ̇ܝܼܟ݂ܘܼܬܹܗ ܬܲܣܓܹ̇ܐ ܠܹܗ ܐܝܼܩܵܪܵܐ. |
[23]גאות אדם תשפילנו ושפל־רוח יתמך כבוד |
| [24]ܕܦܵܠܹ̇ܓ̣ ܥܲܡ ܓܲܢܵܒ̣ܵܐ: ܣܵܢܹ̇ܐ ܢܲܦ̮ܫܹܗ ܘܦܵܣܩܝܼܢ ܥܠܵܘܗܝ ܡܵܘ̈ܡܵܬ̣ܵܐ ܘܠܵܐ ܡܵܘܕܹ̇ܐ. |
[24]חולק עם־גנב שונא נפשו אלה ישמע ולא יגיד |
| [25]ܥܵܘܼܠܹܗ ܕܓܲܒ̣ܪܵܐ ܗܵܒܹ̇ܕ݂ ܠܹܗ ܬܘܼܩ̱ܠܬ̣ܵܐ. ܘܕܲܬ̣ܟ݂ܝܼܠ ܥܲܠ ܡܵܪܝܵܐ ܢܸܥܫܲܢ. |
[25]חרדת אדם יתן מוקש ובוטח ביהוה ישגב |
| [26]ܣܲܓ̇ܝܼ̈ܐܹܐ ܕܒ̣ܵܥܹ̇ܝܢ ܐܲܦܲܝ̈ ܫܲܠܝܼܛܵܐ. ܘܡ̣ܢ ܡܵܪܝܵܐ ܢܵܦܹ̇ܩ ܗ̄ܘܼ ܕܝܼܢܹܗ ܕܓܲܒ̣ܪܵܐ. |
[26]רבים מבקשים פני־מושל ומיהוה משפט־איש |
| [27]ܛܡܲܐ ܗ̄ܘܼ ܠܙܲܕ̇ܝܼܩܵܐ ܓܲܒ̣ܪܵܐ ܥܵܘܵܠܵܐ. ܘܐܘܼܪܚܵܐ ܬܪܝܼܨܬܵܐ ܛܲܡܐܵܐ ܗ̄ܝܼ ܠܥܵܘܿܠܹ̈ܐ. |
[27]תועבת צדיקים איש עול ותועבת רשע ישר־דרך |