|
|
| [1]Viro qui corripientem dura cervice contemnit, repentinus ei superveniet interitus, et eum sanitas non sequetur. |
[No book] |
| [2]In multiplicatione justorum lætabitur vulgus; cum impii sumpserint principatum, gemet populus. |
[No book] |
| [3]Vir qui amat sapientiam lætificat patrem suum; qui autem nutrit scorta perdet substantiam. |
[No book] |
| [4]Rex justus erigit terram; vir avarus destruet eam. |
[No book] |
| [5]Homo qui blandis fictisque sermonibus loquitur amico suo rete expandit gressibus ejus. |
[No book] |
| [6]Peccantem virum iniquum involvet laqueus, et justus laudabit atque gaudebit. |
[No book] |
| [7]Novit justus causam pauperum; impius ignorat scientiam. |
[No book] |
| [8]Homines pestilentes dissipant civitatem, sapientes vero avertunt furorem. |
[No book] |
| [9]Vir sapiens si cum stulto contenderit, sive irascatur, sive rideat, non inveniet requiem. |
[No book] |
| [10]Viri sanguinem oderunt simplicem; justi autem quærunt animam ejus. |
[No book] |
| [11]Totum spiritum suum profert stultus; sapiens differt, et reservat in posterum. |
[No book] |
| [12]Princeps qui libenter audit verba mendacii, omnes ministros habet impios. |
[No book] |
| [13]Pauper et creditor obviaverunt sibi: utriusque illuminator est Dominus. |
[No book] |
| [14]Rex qui judicat in veritate pauperes, thronus ejus in æternum firmabitur. |
[No book] |
| [15]Virga atque correptio tribuit sapientiam; puer autem qui dimittitur voluntati suæ confundit matrem suam. |
[No book] |
| [16]In multiplicatione impiorum multiplicabuntur scelera, et justi ruinas eorum videbunt. |
[No book] |
| [17]Erudi filium tuum, et refrigerabit te, et dabit delicias animæ tuæ. |
[No book] |
| [18]Cum prophetia defecerit, dissipabitur populus; qui vero custodit legem beatus est. |
[No book] |
| [19]Servus verbis non potest erudiri, quia quod dicis intelligit, et respondere contemnit. |
[No book] |
| [20]Vidisti hominem velocem ad loquendum? stultitia magis speranda est quam illius correptio. |
[No book] |
| [21]Qui delicate a pueritia nutrit servum suum postea sentiet eum contumacem. |
[No book] |
| [22]Vir iracundus provocat rixas, et qui ad indignandum facilis est erit ad peccandum proclivior. |
[No book] |
| [23]Superbum sequitur humilitas, et humilem spiritu suscipiet gloria. |
[No book] |
| [24]Qui cum fure participat odit animam suam; adjurantem audit, et non indicat. |
[No book] |
| [25]Qui timet hominem cito corruet; qui sperat in Domino sublevabitur. |
[No book] |
| [26]Multi requirunt faciem principis, et judicium a Domino egreditur singulorum. |
[No book] |
| [27]Abominantur justi virum impium, et abominantur impii eos qui in recta sunt via. Verbum custodiens filius extra perditionem erit. |
[No book] |