|
|
| [1]ܡܸܠܵܘ̈ܗܝ ܕܐܵܓ̣ܘܿܪ ܒܲܪ ܝܲܩܝܼ: ܕܩܲܒܸ̇ܠ ܢܒ̣ܝܼܘܼܬ̣ܵܐ: ܘܐܸܬ̣ܡ̱ܨܝܼ ܚܲܝܠܵܐ: ܘܐܸܡܲܪ ܠܐܲܬ̣ܠܝܼܐܹܝܠ. |
[No book] |
| [2]ܡܸܛܠ ܕܚܲܣܝܼܪ ܗ̄ܘܼ ܪܸܥܝܵܢܝ. ܘܠܲܝܬ̇ ܒܝܼ ܣܘܼܟܵܠܵܐ ܕܲܒ̣ܢܲܝ̈ܢܵܫܵܐ. |
[No book] |
| [3]ܘܠܵܐ ܝܼܕ݂ܥܹ̇ܬ̣ ܚܸܟ݂ܡ̱ܬ̣ܵܐ. ܘܠܵܐ ܝܼܠܦܹ̇ܬ̣ ܝܼܕܲܥܬ̣ܵܐ ܕܩܲܕ̇ܝܼܫܹ̈ܐ. |
[No book] |
| [4]ܐܸܡܲܪ ܠܝܼ ܡܲܢ̣ܘܼ ܣܠܸܩ̣ ܠܲܫܡܲܝܵܐ ܘܲܢܚܸܬ̣. ܘܡܲܢ̣ܘܼ ܐܸܚܲܕ݂ ܪܘܼܚܵܐ ܒܚܘܼܦܢܵܘ̈ܗܝ ܘܡܲܢ̣ܘܼ ܨܲܪ ܡܲـ̈ـܝܵܐ ܒܫܘܿܫܸܦܵܐ. ܘܡܲܢ̣ܘܼ ܐܲܩܝܼܡ ܟܠܗܘܿܢ ܥܸܒ̣ܪܹ̈ܝܗ̇ ܕܐܲܪܥܵܐ. ܐܲܝܢܵܘ ܫܡܹܗ. ܘܐܲܝܢܵܘ ܫܡܵܐ ܕܲܒ̣ܪܹܗ: ܐܸܢ ܝܵܕܲܥ ܐܲܢ̄ܬ̇. |
[No book] |
| [5]ܟܠܗܘܿܢ ܡܹܐܡܪ̈ܵܘܗܝ ܕܐܲܠܵܗܵܐ ܓܒܹܝܢ. ܘܲܡܣܲܝܲܥ ܠܐܲܝܠܹܝܢ ܕܲܬ̣ܟ݂ܝܼܠܝܼܢ ܥܠܵܘܗܝ. |
[No book] |
| [6]ܠܵܐ ܬܵܘܣܸܦ ܥܲܠ ܡܸܠܵܘ̈ܗܝ: ܕܠܵܐ ܢܲܟ̇ܣܵܟ݂ ܘܬܸܬ̣ܟܲܕܲܒ̣. |
[No book] |
| [7]ܬܲܪܬܹ̇ܝܢ ܫܸܐ̈ܠܹܬ̣ ܡܸܢܵܟ݂. ܠܵܐ ܬܸܟ݂ܠܵܐ ܡܹܢܝ ܥܲܕ݂ܠܵܐ ܐܹܡܘܼܬ̣. |
[No book] |
| [8]ܐܲܪܚܸܩ ܡܹܢܝ ܣܪܝܼܩܘܼܬ̣ܵܐ ܘܡܲܡܠܠܵܐ ܟܲܕ݂ܒ̣ܵܐ. ܘܡܸܣܟܹ̇ܢܘܼܬ̣ܵܐ ܘܥܘܼܬ̣ܪܵܐ ܠܵܐ ܬܸܬܸ̇ܠ ܠܝܼ. ܗܲܒ̣ܠܝܼ ܥܘܼܡܪܵܐ ܡܸܣܲܬ̣ܝ. |
[No book] |
| [9]ܕܠܵܐ ܐܸܣܒܲܥ ܘܐܹܟܲܕܸ̇ܒ̣: ܘܐܸܡܲܪ ܡܲܢ̣ܘܼ ܡܵܪܝܵܐ. ܘܲܕ݂ܠܵܐ ܐܸܬ̣ܡܲܣܟܲܢ ܘܐܸܓ̣ܢܘܿܒ̣: ܘܐܹܡܵܐ ܒܲܫܡܹܗ ܕܐܲܠܗܝ. |
[No book] |
| [10]ܠܵܐ ܬܲܫܠܸܡ ܥܲܒ̣ܕܵܐ ܠܡܵܪ̈ܵܘܗܝ: ܕܠܵܐ ܢܠܘܼܛܵܟ݂ ܘܬܸܬ̣ܚܲܝܲܒ̣. |
[No book] |
| [11]ܠܕ݂ܵܪܵܐ ܕܐܲܒ̣ܵܗܵܘ̈ܗܝ ܢܨܚܸܐ. ܘܠܐܸܡܹܗ ܠܵܐ ܢܒܲܪܸܟ݂. |
[No book] |
| [12]ܕܵܪܵܐ ܕܲܕ݂ܟ݂ܐ ܒܥܲܝܢܲܝ̈ ܢܲܦ̮ܫܹܗ. ܘܡ̣ܢ ܨܵܐܬܹܗ ܠܵܐ ܐܸܬ̇ܬ̇ܫܝܼܓ̣. |
[No book] |
| [13]ܕܵܪܵܐ ܡܵܐ ܕܪ̈ܵܡܵܢ ܥܲܝܢܵܘ̈ܗܝ: ܬܸܡܪ̈ܵܘܗܝ ܡܫܲܩܸܠ. |
[No book] |
| [14]ܕܵܪܵܐ ܕܣܲܦ̮ܣܹܪܹ̈ܐ ܐܸܢܹܝܢ ܫܸܢܵܘ̈ܗܝ. ܘܣܲܟ̇ܝܼ̈ܢܵܬ̣ܵܐ ܢܝܼܒ̣ܵܘ̈ܗܝ: ܠܡܹܐܟܲܠ ܠܡܸܣܟܹ̇ܢܹ̈ܐ ܕܐܲܪܥܵܐ: ܘܒܵܝܫܹ̈ܐ ܕܲܒ̣ܢܲܝ̈ܢܵܫܵܐ. |
[No book] |
| [15]ܠܥܲܠܘܼܩܵܐ ܬܠܵܬ̣ ܗܸܘܲܝ̈ ܠܹܗ ܒ̈ܢܵܢ ܚܲܒ̇ܝܼ̈ܒܵܢ. ܬܠܵܬ̣ ܐܸܢܹܝܢ ܕܠܵܐ ܣܵܒ̣̈ܥܵܢ: ܘܕܲܐܪܒܲܥ ܠܵܐ ܐܵܡ̇ܪܵܐ ܟܲܕ݂ܘܼ. |
[No book] |
| [16]ܫܝܘܿܠ: ܘܐܲܚܝܼܕܲܬ̣ ܪ̈ܲܚܡܹܝܗ̇: ܘܐܲܪܥܵܐ ܠܵܐ ܣܵܒ̣ܥܵܐ ܡܲـ̈ـܝܵܐ: ܘܢܘܼܪܵܐ ܠܵܐ ܐܵܡ̇ܪܵܐ ܟܲܕ̇ܘܼ. |
[No book] |
| [17]ܥܲܝܢܵܐ ܕܓ̣ܵܚ̇ܟܵܐ ܥܲܠ ܠܵܐ ܐܲܒ̣ܘܼܗ̇: ܘܫܵܝ̇ܛܵܐ ܣܲܝܒ̇ܘܼܬ̣ܵܐ ܕܐܸܡܵܗ̇: ܢܸܚܨܘܿܢܵܗ̇ ܥܘܼܪ̈ܒܹܐ ܕܢܲܚܠܵܐ. ܘܢܹܐܟ݂ܠܘܼܢܵܗ̇ ܒܢܲܝ̈ ܢܸܫܪܵܐ. |
[No book] |
| [18]ܬܠܵܬ̣ ܐܸܢܹܝܢ ܕܟܲܣ̈ܝܵܢ ܡܹܢܝ. ܘܕܲܐܪܒܲܥ ܠܵܐ ܝܼܕܲܥܹ̇ܬ̣ ܐܸܢܹܝܢ. |
[No book] |
| [19]ܐܘܼܪܚܵܐ ܕܢܸܫܪܵܐ ܒܲܫܡܲܝܵܐ: ܘܐܘܼܪܚܵܐ ܕܚܸܘܝܵܐ ܥܲܠ ܫܘܿܥܵܐ: ܘܐܘܼܪܚܵܐ ܕܐܸܠܦܵܐ ܒܠܸܒܹ̇ܗ ܕܝܲܡܵܐ. ܘܐܘܼܪܚܵܐ ܕܓܲܒ̣ܪܵܐ ܒܲܥܠܲܝܡܘܼܬܹܗ. |
[No book] |
| [20]ܗܵܟܲܢܵܐ ܗ̄ܝܼ ܐܘܼܪܚܵܐ ܕܐܲܢ̄ܬ̇ܬ̣ܵܐ ܓܲܝܵܪܬܵܐ. ܐܲܟ݂ܠܵܐ ܘܲܡܟܲܦܪܵܐ ܦܘܼܡܵܗ̇. ܘܐܵܡ̇ܪܵܐ ܡܸܕܹ̇ܡ ܠܵܐ ܥܸܒ̣ܕܹ̇ܬ̣. |
[No book] |
| [21]ܬܚܹܝܬ̣ ܬܠܵܬ̣ ܙܵܝ̇ܥܵܐ ܐܲܪܥܵܐ. ܘܲܬ̣ܚܹܝܬ̣ ܐܲܪܒܲܥ ܠܵܐ ܡܸܫܟ̇ܚܵܐ ܠܲܡܣܲܝܒܵܪܘܼ. |
[No book] |
| [22]ܬܚܹܝܬ̣ ܥܲܒ̣ܕܵܐ ܟܲܕ݂ ܢܲܡܠܸܟ݂ ܘܲܬ̣ܚܹܝܬ̣ ܣܲܟ݂ܠܵܐ ܕܣܵܒܲܥ ܠܲܚܡܵܐ. |
[No book] |
| [23]ܘܲܬ̣ܚܹܝܬ̣ ܣܸܢܘܼܙ̱ܬ̣ܵܐ ܕܗܵܘ̇ܝܵܐ ܠܓܲܒ̣ܪܵܐ ܘܲܬ̣ܚܹܝܬ̣ ܐܲܡܬ̣ܵܐ ܕܡܲܦܩܵܐ ܠܡܵܪܬܵܗ̇. |
[No book] |
| [24]ܐܲܪܒܲܥ ܐܸܢܹܝܢ ܕܲܙܥܘܿܪ̈ܝܵܢ ܒܐܲܪܥܵܐ: ܘܗܸܢܹܝܢ ܚܲܟ̇ܝܼܡܵܢ ܡ̣ܢ ܚܲܟ̇ܝܼܡܹ̈ܐ. |
[No book] |
| [25]ܫܵܘܫܡܵܢܹ̈ܐ ܕܚܲܝܠܵܐ ܠܲܝܬ̇ ܒܗܘܿܢ. ܘܲܡܛܲܝܒ̣ܝܼܢ ܡ̣ܢ ܩܲܝܛܵܐ ܠܲܚ̱ܡܗܘܿܢ. |
[No book] |
| [26]ܘܲܚܓ̣ܵܣܹ̈ܐ ܕܲܒ̣ܨܝܼܪܝܼܢ ܒܚܲܝܠܵܐ: ܘܥܵܒ̣ܕ̇ܝܼܢ ܠܗܘܿܢ ܒܵܬܹ̈ܐ ܒܫ̈ܘܿܥܹܐ. |
[No book] |
| [27]ܘܩܲܡܨܹ̈ܐ ܕܡܲܠܟܵܐ ܠܲܝܬ̇ ܠܗܘܿܢ: ܘܡܸܬ̣ܟܲܢܫܝܼܢ ܟܠܗܘܿܢ ܐܲܟ݂ܚ̄ܕ݂ܵܐ. |
[No book] |
| [28]ܘܐܲܡܲܩܬ̣ܵܐ ܕܲܡܣܲܒ̇ܟ݂ܵܐ ܒܐܝܼܕܹ̈ܝܗ̇: ܘܥܵܡ̇ܪܵܐ ܒܒ̣ܵـ̈ـܬܹܐ ܕܡܲܠ̈ܟܹ̇ܐ. |
[No book] |
| [29]ܬܠܵܬ̣ ܐܸܢܹܝܢ ܕܲܬ̣ܪ̈ܝܼܨܵܢ ܗܲܠ̈ܟ݂ܵܬ̣ܗܹܝܢ. ܘܕܲܐܪܒܲܥ ܫܲܦܝܼܪ ܡܗܲܠ̈ܟ݂ܵܢ. |
[No book] |
| [30]ܓܘܼܪܝܵܐ ܕܐܲܪܝܵܐ ܓܲܢ̄ܒܵܪ ܗ̄ܘܼ ܡ̣ܢ ܟܠܵܗ̇ ܒܥܝܼܪܵܐ. ܘܠܵܐ ܕܵܚܹ̇ܠ: ܘܠܵܐ ܗܵܦܹ̇ܟ݂ ܡ̣ܢ ܟܠܵܗ̇ ܒܥܝܼܪܵܐ. |
[No book] |
| [31]ܘܐܲܒܵܟ݂ܵܐ ܕܡܸܙܕܲܪܟܲܠ ܒܲܝܢܵܬ̣ ܬܲܪ̈ܢܵܓ̣ܘܿܠܝܵܬ̣ܵܐ: ܘܬܲܝܫܵܐ ܕܐܵܙܹ̇ܠ ܒܪܹܫ ܓܙܵܪܵܐ: ܘܡܲܠܟܵܐ ܕܲܡܡܲܠܸܠ ܒܹܝܬ̣ ܥܲܡܡܹ̈ܐ. |
[No book] |
| [32]ܠܵܐ ܬܸܪܲܓ̣: ܕܠܵܐ ܬܸܨܛܲܥܲܪ. ܘܠܵܐ ܬܵܘܫܸܛ ܐܝܼܕ݂ܵܟ݂ ܠܦܘܼܡܵܟ݂ ܒܥܸܬܵܐ. |
[No book] |
| [33]ܡ̣ܢ ܫܘܼܡܢܹܗ ܕܚܲܠܒ̣ܵܐ ܢܵܦܩܵܐ ܚܹܐܘܬ̣ܵܐ. ܘܐܸܢ ܬܸܟ݂ܒ̇ܘܿܫ ܐܝܼܕ݂ܵܟ݂ ܥܲܠ ܚܸܛܬ̣ܵܐ: ܢܸܦܘܿܩ ܕܡܵܐ. ܗܵܟܲܢܵܐ ܡ̣ܢ ܚܸܪܝܵܢܵܐ ܕܐܲܦ̈ܐ ܢܵܦܹ̇ܩ ܕܝܼܢܵܐ. |
[No book] |