|
|
| [1]ܒܹܪܝ: ܐܸܢ ܥ̣ܪܲܒ̣ܬ̇ ܠܚܲܒ̣ܪܵܟ݂: ܐܲܫܠܸܡ̣ܬ̇ ܐܝܼܕ݂ܵܟ݂ ܠܢܘܼܟ݂ܪܵܝܵܐ. |
[No book] |
| [2]ܐܸܬ̇ܬ̇ܨܝܼܕܲܬ̇ ܒܡܹܐܡܪܵܐ ܕܦܘܼܡܵܟ݂. ܘܐܸܬ̇ܬ̇ܚܸܕ̇ܬ̇ ܒܡܲܡܠܠܵܐ ܕܣܸܦ̈ܘܵܬ̣ܵܟ݂. |
[No book] |
| [3]ܥܒܸܕ݂ ܗܵܟܲܢܵܐ ܒܹܪܝ: ܘܐܸܬ̣ܦܲܨܵܐ. ܡܸܛܠ ܕܥܲܠ ܐܲܦܲܝ̈ ܚܲܒ̣ܪܵܟ݂ ܢܦܲܠ̣ܬ̇ ܒܐܝܼ̈ܕܲܝ ܒܥܸܠܕ̇ܒ̣ܵܒ̣ܵܟ݂. ܓܲܪܸܓ̣ ܗܵܟܹܝܠ ܚܲܒ̣ܪܵܟ݂ ܕܲܥ̣ܪܲܒ̣ܬ̇ ܥܠܵܘܗܝ. |
[No book] |
| [4]ܘܠܵܐ ܬܸܬܸ̇ܠ ܫܸܢܬ̣ܵܐ ܠܥܲܝܢܲܝ̈ܟ: ܘܐܵܦܠܵܐ ܢܵܘܡܬ̣ܵܐ ܠܲܓܒ̣ܝܼ̈ܢܲܝܟ. |
[No book] |
| [5]ܕܬܸܬ̣ܦܲܨܵܐ ܐܲܝܟ݂ ܛܲܒ̣ܝܵܐ ܡ̣ܢ ܢܸܫܒܵܐ: ܘܐܲܝܟ݂ ܨܸܦܪܵܐ ܡ̣ܢ ܦܲܚܵܐ. |
[No book] |
| [6]ܐܸܬ̇ܕܲܡܵܐ ܠܫܘܼܫܡܵܢܵܐ: ܘܲܚܙܝܼ ܐܘܼܪ̈ܚܵܬܹܗ. ܘܝܼܠܲܦ ܕܠܲܝܬ̇ ܠܹܗ ܚܨܵܕ݂ܵܐ. |
[No book] |
| [7]ܘܠܲܝܬ̇ ܠܥܸܠ ܡܸܢܹܗ ܫܲܠܝܼܛܵܐ: ܘܐܵܦܠܵܐ ܡ̇ܢ ܕܐܵܟܹ̇ܦ ܠܹܗ. |
[No book] |
| [8]ܘܲܡܛܲܝܸܒ̣ ܠܹܗ ܡ̣ܢ ܩܲܝܛܵܐ ܠܲܚܡܹܗ. ܘܩܵܦܹ̇ܣ ܒܲܚܨܵܕ݂ܵܐ ܡܹܐܟ݂ܘܼܠܬܹ̇ܗ. |
[No book] |
| [9]ܥܕܲܡܵܐ ܠܐܸܡܲܬ̣ܝ ܕܵܡܹ̇ܟ݂ ܐܲܢ̄ܬ̇ ܚܒܸܢܵܢܵܐ. ܐܸܡܲܬ̣ܝ ܡ̣ܢ ܫܸܢܬ̣ܵܟ݂ ܬܩܘܼܡ. |
[No book] |
| [10]ܩܲܠܝܼܠ ܬܢܘܼܡ: ܘܩܲܠܝܼܠ ܬܸܕ݂ܡܲܟ݂. ܘܩܲܠܝܼܠ ܬܣܝܼܡ ܐܝܼܕ݂ܵܟ݂ ܥܲܠ ܚܲܕ݂ܝܵܟ݂. |
[No book] |
| [11]ܘܬܹܐܬܹܐ ܥܠܲܝܟ ܡܸܣܟܹ̇ܢܘܼܬ̣ܵܐ. ܘܬܲܕܪ̱ܟ݂ܵܟ݂ ܨܪܝܼܟ݂ܘܼܬ̣ܵܐ. ܐܲܝܟ݂ ܓܲܒ̣ܪܵܐ ܟܲܫܝܼܪܵܐ: ܒܲܪܢܵܫܵܐ ܣܲܟ݂ܠܵܐ. |
[No book] |
| [12]ܓܲܒ̣ܪܵܐ ܥܵܘܿܠܵܐ ܡܗܲܠܸܟ݂ ܒܲܥܫܝܼܩܘܼܬ̣ܵܐ. |
[No book] |
| [13]ܪܵܡܹ̇ܙ ܒܥܲܝܢܵܘ̈ܗܝ: ܘܬ̣ܵܪܹܣ ܒܪܸܓ̣ܠܹܗ: ܘܪܵܡܹ̇ܙ ܒܨܸܒ̣ـ̈ـܥܵܬܹܗ. |
[No book] |
| [14]ܘܡܸܬ̣ܗܲܦܲܟ݂ ܒܠܸܒܹ̇ܗ. ܘܚܵܫܹ̇ܠ ܒܝܼܫܬܵܐ ܒܟ݂ܠܙܒܲܢ. ܘܫܵܓ̣ܹ̇ܫ ܒܹܝܬ̣ ܬܪܹܝܢ. |
[No book] |
| [15]ܡܸܛܠ ܗܵܢܵܐ ܡ̣ܢ ܫܸܠܝܵܐ ܢܹܐܬܹܐ ܬܒ̣ܵܪܹܗ. ܘܡ̣ܢ ܫܸܠܝܵܐ ܢܸܬ̇ܬ̇ܒܲܪ: ܘܠܵܐ ܬܸܗܘܹܐ ܠܹܗ ܐܵܣܝܘܼܬ̣ܵܐ. |
[No book] |
| [16]ܫܸܬ̣ ܐܸܢܹܝܢ ܕܲܣܢ̣ܵܐ ܡܵܪܝܵܐ. ܘܕܲܫܒܲܥ ܐܲܣ̱ܠܝܲܬ̤ ܢܲܦ̮ܫܹܗ. |
[No book] |
| [17]ܥܲܝܢܵܐ ܪܵܡܬ̣ܵܐ: ܘܠܸܫܵܢܵܐ ܕܲܓܵܠܵܐ: ܘܐܝܼܕܲܝܵـ̈ـܐ ܕܐܵܫ̈ܕܵܢ ܕܡܵܐ ܙܲܟܵܝܵܐ. |
[No book] |
| [18]ܘܠܸܒܵܐ ܕܡܸܬ̣ܚܲܫܲܒ̣ ܡܲܚܫ̈ܒ̣ܵܬ̣ܵܐ ܕܥܸܬܵܐ: ܘܪܸܓ̣ܠܵܐ ܕܡܸܣܬܲܪ̱ܗܒ̣ܵܐ ܠܡܸܪܗܲܛ ܠܒ̣ܝܼܫܬܵܐ. |
[No book] |
| [19]ܘܣܵܗܕܵܐ ܕܲܓܵܠܵܐ ܕܲܡܡܲܠܸܠ ܟܲܕܵܒ̣ܘܼܬ̣ܵܐ: ܘܠܲܕ݂ܪܵܡܹ̇ܐ ܒܹܝܬ̣ ܐܲܚܹ̈ܐ. |
[No book] |
| [20]ܛܲܪ ܒܹܪܝ ܦܘܼܩܕܵܢܵܐ ܕܐܲܒ̣ܘܼܟ݂. ܘܠܵܐ ܬܸܛܥܹܐ ܢܵܡܘܿܣܵܐ ܕܐܸܡܵܟ݂. |
[No book] |
| [21]ܩܒ̣ܘܿܠ ܐܸܢܘܿܢ ܒܠܸܒܵܟ݂ ܐܲܡܝܼܢܵܐܝܼܬ̣. ܘܲܟ݂ܪܘܿܟ݂ ܐܸܢܘܿܢ ܒܨܵܘܪܵܟ݂. |
[No book] |
| [22]ܘܡܵܐ ܕܲܡܗܲܠܸܟ݂ ܐܲܢ̄ܬ̇: ܐܲܩܸܦ ܐܸܢܘܿܢ ܠܵܟ݂. ܘܥܲܡܵܟ݂ ܢܸܗܘܘܿܢ. ܛܲܪ ܐܸܢܘܿܢ ܕܲܢܢܲܛܪܘܼܢܵܟ݂. ܘܡܵܐ ܕܐܸܬ̇ܬ̇ܥܝܼܪܬ̇: ܗܸܢ̣ܘܿܢ ܢܸܗܘܘܿܢ ܠܵܟ݂ ܪܸܢܝܵܐ. |
[No book] |
| [23]ܫܪܵܓ̣ܵܐ ܗ̄ܘܼ ܓܹܝܪ ܦܘܼܩܕܵܢܵܐ. ܘܢܵܡܘܿܣܵܐ ܢܘܼܗܪܵܐ. ܐܘܼܪܚܵܐ ܕܹܝܢ ܕܚܲܝܹ̈ܐ ܡܲܟ̇ܣܵܢܘܼܬ̣ܵܐ ܘܡܲܪܕ̇ܘܼܬ̣ܵܐ. |
[No book] |
| [24]ܕܲܬ̣ܢܲܛܪܵܟ݂ ܡ̣ܢ ܐܲܢ̄ܬ̇ܬ̣ܵܐ ܒܝܼܫܬܵܐ: ܘܡ̣ܢ ܡܹܐܟܲܠܩܲܪܨܵܐ ܕܠܸܫܵܢܵܗ̇ ܕܢܘܼܟ݂ܪܵܝܬܵܐ. |
[No book] |
| [25]ܠܵܐ ܬܸܪܲܓ̣ ܫܘܼܦܪܵܗ̇ ܒܠܸܒܵܟ݂. ܘܠܵܐ ܬܸܬ̇ܨܝܼܕ݂ ܒܥܲܝܢܹ̈ܝܗ̇. ܘܠܵܐ ܬܸܫܒܹ̇ܝܟ݂ ܒܬܸܡܪܹ̈ܝܗ̇. |
[No book] |
| [26]ܕܘܼܡܝܵܗ̇ ܓܹܝܪ ܕܐܲܢ̄ܬ̇ܬ̣ܵܐ ܙܵܢܝܼܬ̣ܵܐ: ܐܲܝܟ݂ ܓܪܝܼܨܬܵܐ ܗ̄ܘܼ ܕܠܲܚܡܵܐ. ܘܐܲܢ̄ܬܲܬ̣ ܓܲܒ̣ܪܵܐ: ܢܲܦ̮ܫܵܐ ܝܲܩܝܼܪܬܵܐ ܨܵܝܕܵܐ. |
[No book] |
| [27]ܕܲܠܡܵܐ ܣܵܐܹ̇ܡ ܒܲܪܢܵܫܵܐ ܢܘܼܪܵܐ ܒܥܘܼܒܹ̇ܗ. ܘܢܲܚܬܵܘ̈ܗܝ ܠܵܐ ܡܵܘܩܸܕ݂. |
[No book] |
| [28]ܐܵܘ ܕܲܠܡܵܐ ܡܗܲܠܸܟ݂ ܓܲܒ̣ܪܵܐ ܥܲܠ ܓܘܼܡܪܹ̈ܐ ܕܢܘܼܪܵܐ: ܘܪܸ̈ܓ̣ܠܵܘܗܝ ܠܵܐ ܡܸܬ̣ܟܵܘ̈ܝܵܢ. |
[No book] |
| [29]ܗܵܟܲܢܵܐ ܡ̇ܢ ܕܥܵܐܹ̇ܠ ܥܲܠ ܐܲܢ̄ܬܲܬ̣ ܚܲܒ̣ܪܹܗ: ܘܩܵܪܸܒ̣ ܠܵܗ̇: ܠܵܐ ܢܸܙܟܹ̇ܐ. |
[No book] |
| [30]ܠܵܐ ܠܡܸܬ̇ܕܲܡܵܪܘܼ ܒܐܲܝܢܵܐ ܕܡܸܬ̇ܬ̇ܚܸܕ݂ ܕܓ̣ܵܢܹ̇ܒ̣. ܕܓ̣ܵܢܹ̇ܒ̣ ܓܹܝܪ: ܕܲܢܣܲܒܲܥ ܢܲܦ̮ܫܹܗ ܕܟܲܦܢܵܐ. |
[No book] |
| [31]ܘܐܸܢ ܡܸܬ̇ܬ̇ܚܸܕ݂ ܕܓ̣ܵܢܹ̇ܒ̣: ܦܵܪܲܥ ܚܲܕ݂ ܒܫܲܒ̣ܥܵܐ. ܘܟ݂ܠܹܝܗ ܩܸܢܝܵܢܵܐ ܕܒܲܝܬܹ̇ܗ ܝܵܗܹ̇ܒ̣. |
[No book] |
| [32]ܕܓ̣ܵܐܲܪ ܕܹܝܢ ܐܲܢ̄ܬ̇ܬ̣ܵܐ: ܚܲܣܝܼܪ ܪܸܥܝܵܢܵܐ ܗ̄ܘܼ: ܘܲܡܚܲܒܸ̇ܠ ܢܲܦ̮ܫܹܗ. |
[No book] |
| [33]ܘܗܘ̤ܝܘܼ ܥܵܒܹ̇ܕ݂ ܕܢܸܩܪܘܿܒ̣ ܠܹܗ ܨܲܥܪܵܐ: ܘܢܲܕ݂ܪ̱ܟ݂ܝܼܘܗܝ: ܘܚܸܣܕܹ̇ܗ ܠܵܐ ܢܸܬ̇ܛܥܹܐ. |
[No book] |
| [34]ܚܸܡܬܹܗ ܓܹܝܪ ܕܓܲܒ̣ܪܵܐ ܡܸܛܠ ܕܡܲܠܝܵܐ ܛܢܵܢܵܐ. ܠܵܐ ܚܵܐܹ̇ܣ ܒܝܵܘܡܵܐ ܕܦܘܼܪܥܵܢܵܐ. |
[No book] |
| [35]ܘܠܵܐ ܢܵܣܹ̇ܒ̣ ܒܐܲܦܹ̈ܐ ܕܩܘܼܪܒܵܢܵܐ. ܘܠܵܐ ܡܸܬ̇ܛܦܝܼܣ ܟܲܕ݂ ܬܲܣܓܹ̇ܐ ܫܘܼܚܕ݂ܵܐ. |
[No book] |