➖ »
«
➖ ➕
King James Version with Samaritan Pentateuch
KJV(SP)
Peshitta OT
PesOT
←
Proverbs
Pro
7
→
[No book] [1]ܒܹܪܝ ܛܲܪ ܡܸܠܲܝ̈: ܘܦܘܼܩ̈ܕܵܢܲܝ ܐܲܛܫܵܐ ܒܓ̣ܵܘܵܟ݂.
[No book] [2]ܛܲܪ ܦܘܼܩ̈ܕܵܢܲܝ ܘܲܚܝܝܼ: ܘܢܵܡܘܿܣܝ ܐܲܝܟ݂ ܒܵܒ̣ܬ̣ܵܐ ܕܥܲܝܢܵܐ.
[No book] [3]ܩܛܘܿܪ ܐܸܢܘܿܢ ܒܨܵܘܪܵܟ݂. ܘܲܟ݂ܬ̣ܘܿܒ̣ ܐܸܢܘܿܢ ܥܲܠ ܠܘܼܚܹ̈ܐ ܕܠܸܒܵܟ݂.
[No book] [4]ܘܐܸܡܲܪ ܠܚܸܟ݂ܡ̱ܬ̣ܵܐ ܚܵܬ̣ܝ ܐܲܢ̄ܬ̇ܝ. ܘܲܠܣܘܼܟܵܠܵܐ ܩܪܝܼ ܡܲܕ̇ܥܵܐ.
[No book] [5]ܕܲܢܢܲܛܪܵܟ݂ ܡ̣ܢ ܐܲܢ̄ܬ̇ܬ̣ܵܐ ܢܘܼܟ݂ܪܵܝܬܵܐ ܕܲܡܫܲܕ̇ܠܵܢ̈ܝܵܢ ܡܸܠܹ̈ܝܗ̇.
[No book] [6]ܡܸܛܠ ܕܡ̣ܢ ܟܵܘܬ̣ܵܐ ܕܒܲܝܬܵܗ̇: ܘܡ̣ܢ ܟܣܘܼܣܛܵܪܘܿܢ ܐܲܕ݂ܝܼܩܲܬ̤.
[No book] [7]ܘܲܚܙܵܬ̤ ܫܲܒ̣ܪܹ̈ܐ. ܘܚܵܪܲܬ̤ ܒܲܛܠܵܝܹ̈ܐ: ܘܲܒ̣ܚܲܣܝܼܪ̈ܲܝ ܪܸܥܝܵܢܵܐ.
[No book] [8]ܕܥܵܒ̣ܪܝܼܢ ܒܫܘܼܩܵܐ ܥܲܠ ܓܹܢ̄ܒ̣ ܙܵܘ̈ܝܵܬ̣ܵܐ ܕܲܫܒ̣ܝܼ̈ܠܲܝ ܒܲܝܬܵܗ̇.
[No book] [9]ܒܪܲܡܫܵܐ ܒܡܲܥܪ̈ܵܒܲܝ ܫܸܡܫܵܐ: ܒܚܸܫܘܿܟ݂ܵܐ ܕܠܸܠܝܵܐ ܘܲܒ̣ܥܲܡܛܵܢܵܐ.
[No book] [10]ܘܢܸܦܩܲܬ̤ ܐܲܢ̄ܬ̇ܬ̣ܵܐ ܠܐܘܼܪܥܹܗ ܒܐܸܣܟܹ̇ܡܵܐ ܕܙ̇ܢܝܼܬ̣ܵܐ: ܕܡܲܦ̱ܪܕ݂ܵܐ ܠܸܒ̇ܗܘܿܢ ܕܲܥܠܲܝܡܹ̈ܐ.
[No book] [11]ܘܡܵܪܘܿܕ݂ܝܵܐ: ܘܐܵܣܘܿܛܝܵܐ. ܘܲܒ̣ܒܲܝܬܵܗ̇ ܪܸ̈ܓ̣ܠܹܝܗ̇ ܠܵܐ ܫܵܠ̈ܝܵܢ.
[No book] [12]ܐܸܠܵܐ ܒܲܙܒܲܢ ܠܒܲܪ ܦܵܗܝܵܐ. ܘܒܲܙܒܲܢ ܒܫܘܼ̈ܩܹܐ ܘܲܒ̣ܘܵܙ̈ܝܵܬ̣ܵܐ ܟܵܡܢܵܐ.
[No book] [13]ܘܐܸܚܲܕ݂ܬܹܗ ܘܲܢܫܲܩܬܹܗ. ܘܐܲܚܨܦܲܬ̣ ܐܲܦܹ̈ܝܗ̇: ܘܐܸܡܪܲܬ̤ ܠܹܗ.
[No book] [14]ܕܸܒ̣ܚܹ̈ܐ ܐܸܢܘܿܢ ܫܲܠܡܹ̈ܐ ܝܵܘܡܵܢܵܐ ܦܸܪܥܹ̇ܬ̣ ܢܸܕ݂ܪ̈ܲܝ.
[No book] [15]ܡܸܛܠ ܗܵܢܵܐ ܢܸܦܩܹ̇ܬ̣ ܠܐܘܼܪܥܵܟ݂: ܕܲܡܣܲܟ̇ܝܵܐ ܗ̄ܘܹ̇ܝܬ̣ ܠܡܸܚܙܝܵܟ݂: ܘܐܸܫܟܲܚ̇ܬܵܟ݂.
[No book] [16]ܒܬܸܫܘܝܼܬ̣ܵܐ ܫܵܘ̇ܝܼܬ̣ ܥܲܪܣܝ. ܘܒܲܩܪ̈ܵܡܹܐ ܡܸܨܪ̈ܵܝܹܐ ܩܪܲܡ̇ܬܵܗ̇.
[No book] [17]ܘܪܸܣܹ̇ܬ̣ ܥܲܠ ܥܲܪܣܝ: ܡܘܼܪܵܐ: ܘܟ݂ܘܼܪܟ̇ܡܵܐ: ܘܩܹܘܢܵܡܵܐ.
[No book] [18]ܬܵܐ ܢܸܬ̣ܒܲܣܲܡ ܒܪܸܚ̱ܡܬ̣ܵܐ ܥܕܲܡܵܐ ܠܨܲܦܪܵܐ. ܘܲܢܥܲܦܸܩ ܚܲܕ݂ ܠܚܲܕ݂ ܒܪܸܓ̇ܬ̣ܵܐ.
[No book] [19]ܠܵܐ ܗ̄ܘܼܵܐ ܓܹܝܪ ܒܒܲܝܬܵܐ ܓܲܒ̣ܪܝ ܐܸܙܲܠ ܠܹܗ ܒܐܘܼܪܚܵܐ ܪܲܚܝܼܩܬܵܐ.
[No book] [20]ܘܲܨܪܵܪܵܐ ܕܟܸܣܦܵܐ ܫ̣ܩܲܠ ܒܐܝܼܕܹܗ. ܘܲܠܝܵܘ̈ܡܵܬ̣ܵܐ ܗ̄ܘܼ ܣܲܓܝܼ̈ܐܹܐ ܐܵܬܹ̇ܐ ܠܒܲܝܬܹܗ.
[No book] [21]ܘܐܲܛܥ̱ܝܵܬܹܗ ܒܣܘܿܓ̣ܵܐܐ ܕܡܸܠܹ̈ܝܗ̇. ܘܲܒ̣ܫܘܼܕܵܠܵܐ ܕܣܸܦ̈ܘܵܬ̣ܵܗ̇ ܠܘܵܬ̣ܵܗ̇ ܢܬܲܦܬܹܗ.
[No book] [22]ܘܗ̤ܘ ܐܵܙܹ̇ܠ ܗ̄ܘܼܵܐ ܒܵܬ̣ܪܵܗ̇ ܐܲܝܟ݂ ܫܲܒ̣ܪܵܐ: ܘܐܲܝܟ݂ ܬܵܘܪܵܐ ܕܐܵܙܹ̇ܠ ܠܘܵܬ̣ ܛܲܒܵܚܵܐ: ܘܐܲܝܟ݂ ܟܲܠܒܵܐ ܠܐܣܘܼܪܝܵܐ.
[No book] [23]ܘܐܲܝܟ݂ ܐܲܝܠܵܐ ܕܡܲܦܪܲܚ ܓܹܐܪܵܐ ܒܟܲܒ̣ܕܹ̇ܗ. ܘܡܸܣܬܲܪܗܲܒ̣ ܐܲܝܟ݂ ܚܲܝܘܲܬ̣ ܟܸܢܦܵܐ ܠܦܲܚܵܐ. ܘܠܵܐ ܝܵܕܲܥ ܕܲܠܡܵܘܬܵܐ ܗ̄ܘܼ ܕܢܲܦ̮ܫܹܗ ܐܵܙܹ̇ܠ.
[No book] [24]ܡܸܟܹ̇ܝܠ ܒܢܲـ̈ـܝܵܐ ܫܘܼܡܥܘܼܢܝ ܘܨܘܼܬ̣ܘ ܡܸܠܵܘ̈ܗܝ ܕܦܘܼܡܝ.
[No book] [25]ܠܵܐ ܢܸܨܛܠܹܐ ܠܸܒܵܟ݂ ܠܐܘܼܪ̈ܚܵܬ̣ܵܗ̇. ܘܠܵܐ ܬܸܛܥܹܐ ܒܲܫܒ̣ܝܼ̈ܠܹܗ.
[No book] [26]ܡܸܛܠ ܕܣܘܿܓ̣ܵܐܐ ܕܲܩܛܝܼܠܹ̈ܐ ܐܲܪ̱ܡܝܲܬ̣ ܘܥܲܫܝܼܢܝܼܢ ܟܠܗܘܿܢ ܩܛܝܼ̈ܠܹܝܗ̇.
[No book] [27]ܐܘܼܪ̈ܚܵܬ̣ܵܐ ܕܒܲܝܬܵܗ̇: ܐܘܼܪ̈ܚܵܬ̣ܵܐ ܐܸܢܹܝܢ ܕܲܫܝܘܿܠ: ܕܢܲܚ̈ܬ̣ܵܢ ܠܬ̣ܵܘܵܢܹ̈ܐ ܕܡܵܘܬܵܐ.
See information...
Top