|
|
| [1]The title of `hundred and secounde salm. `Of Dauid. Mi soule, blesse thou the Lord; and alle thingis that ben with ynne me, blesse his hooli name. |
[No book] |
| [2]Mi soule, blesse thou the Lord; and nyle thou foryete alle the yeldyngis of him. |
[No book] |
| [3]Which doith merci to alle thi wickidnessis; which heelith alle thi sijknessis. |
[No book] |
| [4]Which ayenbieth thi lijf fro deth; which corowneth thee in merci and merciful doyngis. |
[No book] |
| [5]Which fillith thi desijr in goodis; thi yongthe schal be renulid as the yongthe of an egle. |
[No book] |
| [6]The Lord doynge mercies; and doom to alle men suffringe wrong. |
[No book] |
| [7]He made hise weies knowun to Moises; hise willis to the sones of Israel. |
[No book] |
| [8]The Lord is merciful doer, and merciful in wille; longe abidinge, and myche merciful. |
[No book] |
| [9]He schal not be wrooth with outen ende; and he schal not thretne with outen ende. |
[No book] |
| [10]He dide not to vs aftir oure synnes; nether he yeldide to vs aftir oure wickidnessis. |
[No book] |
| [11]For bi the hiynesse of heuene fro erthe; he made strong his merci on men dredynge hym. |
[No book] |
| [12]As myche as the eest is fer fro the west; he made fer oure wickidnessis fro vs. |
[No book] |
| [13]As a fadir hath merci on sones, the Lord hadde merci on men dredynge him; |
[No book] |
| [14]for he knewe oure makyng. |
[No book] |
| [15]He bithouyte that we ben dust, a man is as hey; his dai schal flowre out so as a flour of the feeld. |
[No book] |
| [16]For the spirit schal passe in hym, and schal not abide; and schal no more knowe his place. |
[No book] |
| [17]But the merci of the Lord is fro with out bigynnyng, and til in to with outen ende; on men dredinge hym. And his riytfulnesse is in to the sones of sones; |
[No book] |
| [18]to hem that kepen his testament. And ben myndeful of hise comaundementis; to do tho. |
[No book] |
| [19]The Lord hath maad redi his seete in heuene; and his rewme schal be lord of alle. |
[No book] |
| [20]Aungels of the Lord, blesse ye the Lord; ye myyti in vertu, doynge his word, to here the vois of hise wordis. |
[No book] |
| [21]Alle vertues of the Lord, blesse ye the Lord; ye mynystris of hym that doen his wille. |
[No book] |
| [22]Alle werkis of the Lord, blesse ye the Lord, in ech place of his lordschipe; my soule, blesse thou the Lord. |
[No book] |
| 23[No verse] |
[No book] |
| 24[No verse] |
[No book] |
| 25[No verse] |
[No book] |
| 26[No verse] |
[No book] |
| 27[No verse] |
[No book] |
| 28[No verse] |
[No book] |