➖ »
«
➖ ➕
Aleppo Codex (~920)
Alep
The Epistle of Polycarp to the Church at Phillipians
PolyPhl
←
Psalms
Psa
103
→
[1]לדוד ברכי נפשי את־יהוה וכל־קרבי את־שם קדשו [No book]
[2]ברכי נפשי את־יהוה ואל־תשכחי כל־גמוליו [No book]
[3]הסלח לכל־עונכי הרפא לכל־תחלואיכי [No book]
[4]הגואל משחת חייכי המעטרכי חסד ורחמים [No book]
[5]המשביע בטוב עדיך תתחדש כנשר נעוריכי [No book]
[6]עשה צדקות יהוה ומשפטים לכל־עשוקים [No book]
[7]יודיע דרכיו למשה לבני ישראל עלילותיו [No book]
[8]רחום וחנון יהוה ארך אפים ורב־חסד [No book]
[9]לא־לנצח יריב ולא לעולם יטור [No book]
[10]לא כחטאינו עשה לנו ולא כעונתינו גמל עלינו [No book]
[11]כי כגבה שמים על־הארץ גבר חסדו על־יראיו [No book]
[12]כרחק מזרח ממערב הרחיק ממנו את־פשעינו [No book]
[13]כרחם אב על־בנים רחם יהוה על־יראיו [No book]
[14]כי־הוא ידע יצרנו זכור כי־עפר אנחנו [No book]
[15]אנוש כחציר ימיו כציץ השדה כן יציץ [No book]
[16]כי רוח עברה־בו ואיננו ולא־יכירנו עוד מקומו [No book]
[17]וחסד יהוה מעולם ועד־עולם על־יראיו וצדקתו לבני בנים [No book]
[18]לשמרי בריתו ולזכרי פקדיו לעשותם [No book]
[19]יהוה־בשמים הכין כסאו ומלכותו בכל משלה [No book]
[20]ברכו יהוה מלאכיו גברי כח עשי דברו לשמע בקול דברו [No book]
[21]ברכו יהוה כל־צבאיו משרתיו עשי רצונו [No book]
[22]ברכו יהוה כל־מעשיו בכל־מקמות ממשלתו ברכי נפשי את־יהוה [No book]
Source: unbound.biola.edu
Top