➖ »
«
➖ ➕
Aleppo Codex (~920)
Alep
The Gospel of Peter
GspPet
←
Psalms
Psa
105
→
[1]הודו ליהוה קראו בשמו הודיעו בעמים עלילותיו [No book]
[2]שירו־לו זמרו־לו שיחו בכל־נפלאותיו [No book]
[3]התהללו בשם קדשו ישמח לב מבקשי יהוה [No book]
[4]דרשו יהוה ועזו בקשו פניו תמיד [No book]
[5]זכרו־נפלאותיו אשר־עשה מפתיו ומשפטי־פיו [No book]
[6]זרע אברהם עבדו בני יעקב בחיריו [No book]
[7]הוא יהוה אלהינו בכל־הארץ משפטיו [No book]
[8]זכר לעולם בריתו דבר צוה לאלף דור [No book]
[9]אשר כרת את־אברהם ושבועתו לישחק [No book]
[10]ויעמידה ליעקב לחק לישראל ברית עולם [No book]
[11]לאמר־לך אתן את־ארץ־כנען חבל נחלתכם [No book]
[12]בהיותם מתי מספר כמעט וגרים בה [No book]
[13]ויתהלכו מגוי אל־גוי מממלכה אל־עם אחר [No book]
[14]לא־הניח אדם לעשקם ויוכח עליהם מלכים [No book]
[15]אל־תגעו במשיחי ולנביאי אל־תרעו [No book]
[16]ויקרא רעב על־הארץ כל־מטה־לחם שבר [No book]
[17]שלח לפניהם איש לעבד נמכר יוסף [No book]
[18]ענו בכבל רגליו [Q: רגלו] ברזל באה נפשו [No book]
[19]עד־עת בא־דברו אמרת יהוה צרפתהו [No book]
[20]שלח מלך ויתירהו משל עמים ויפתחהו [No book]
[21]שמו אדון לביתו ומשל בכל־קנינו [No book]
[22]לאסר שריו בנפשו וזקניו יחכם [No book]
[23]ויבא ישראל מצרים ויעקב גר בארץ־חם [No book]
[24]ויפר את־עמו מאד ויעצמהו מצריו [No book]
[25]הפך לבם לשנא עמו להתנכל בעבדיו [No book]
[26]שלח משה עבדו אהרן אשר בחר־בו [No book]
[27]שמו־בם דברי אתותיו ומפתים בארץ חם [No book]
[28]שלח חשך ויחשך ולא־מרו את־דבריו [Q: דברו] [No book]
[29]הפך את־מימיהם לדם וימת את־דגתם [No book]
[30]שרץ ארצם צפרדעים בחדרי מלכיהם [No book]
[31]אמר ויבא ערב כנים בכל־גבולם [No book]
[32]נתן גשמיהם ברד אש להבות בארצם [No book]
[33]ויך גפנם ותאנתם וישבר עץ גבולם [No book]
[34]אמר ויבא ארבה וילק ואין מספר [No book]
[35]ויאכל כל־עשב בארצם ויאכל פרי אדמתם [No book]
[36]ויך כל־בכור בארצם ראשית לכל־אונם [No book]
[37]ויוציאם בכסף וזהב ואין בשבטיו כושל [No book]
[38]שמח מצרים בצאתם כי־נפל פחדם עליהם [No book]
[39]פרש ענן למסך ואש להאיר לילה [No book]
[40]שאל ויבא שלו ולחם שמים ישביעם [No book]
[41]פתח צור ויזובו מים הלכו בציות נהר [No book]
[42]כי־זכר את־דבר קדשו את־אברהם עבדו [No book]
[43]ויוצא עמו בששון ברנה את־בחיריו [No book]
[44]ויתן להם ארצות גוים ועמל לאמים יירשו [No book]
[45]בעבור ישמרו חקיו ותורתיו ינצרו הללו־יה [No book]
Source: unbound.biola.edu
 Translation: M. R. James (1924)
Source: www.earlychristianwritings.com
Top