➖ »
«
➖ ➕
Wycliffe's English Translation (1388)
Wyc
Byzantine GNT Majority Text (2000)
Byz
←
Psalms
Psa
106
→
[1]The `title of the hundrid and sixte salm. Alleluya. Knouleche ye to the Lord, for he is good; for his merci is in to the world. [No book]
[2]Sei thei, that ben ayen bouyt of the Lord; whiche he ayen bouyte fro the hond of the enemye, fro cuntreis he gaderide hem togidere. [No book]
[3]Fro the risyng of the sunne, and fro the goyng doun; fro the north, and fro the see. [No book]
[4]Thei erriden in wildirnesse, in a place with out watir; thei founden not weie of the citee of dwellyng place. [No book]
[5]Thei weren hungri and thirsti; her soule failide in hem. [No book]
[6]And thei crieden to the Lord, whanne thei weren set in tribulacioun; and he delyuerede hem fro her nedynesses. [No book]
[7]And he ledde forth hem in to the riyt weie; that thei schulden go in to the citee of dwelling. [No book]
[8]The mercies of the Lord knouleche to hym; and hise merueilis knouleche to the sones of men. [No book]
[9]For he fillide a voide man; and he fillide with goodis an hungry man. [No book]
[10]God delyuerede men sittynge in derknessis, and in the schadowe of deth; and men prisoned in beggerye and in yrun. [No book]
[11]For thei maden bitter the spechis of God; and wraththiden the councel of the hiyeste. [No book]
[12]And the herte of hem was maad meke in trauelis; and thei weren sijk, and noon was that helpide. [No book]
[13]And thei crieden to the Lord, whanne thei weren set in tribulacioun; and he delyuerede hem from her nedynessis. [No book]
[14]And he ledde hem out of derknessis, and schadowe of deth; and brak the boondis of hem. [No book]
[15]The mercies of the Lord knouleche to hym; and hise merueils knouleche to the sones of men. [No book]
[16]For he al to-brak brasun yatis; and he brak yrun barris. [No book]
[17]He vptook hem fro the weie of her wickidnesse; for thei weren maad lowe for her vnriytfulnesses. [No book]
[18]The soule of hem wlatide al mete; and thei neiyeden `til to the yatis of deth. [No book]
[19]And thei crieden to the Lord, whanne thei weren set in tribulacioun; and he delyuerede hem fro her nedynessis. [No book]
[20]He sente his word, and heelide hem; and delyuerede hem fro the perischingis of hem. [No book]
[21]The mercies of the Lord knouleche to hym; and hise merueils to the sones of men. [No book]
[22]And offre thei the sacrifice of heriyng; and telle thei hise werkis in ful out ioiyng. [No book]
[23]Thei that gon doun in to the see in schippis; and maken worching in many watris. [No book]
[24]Thei sien the werkis of the Lord; and hise merueilis in the depthe. [No book]
[25]He seide, and the spirit of tempest stood; and the wawis therof weren arerid. [No book]
[26]Thei stien til to heuenes, and goen doun `til to the depthis; the soule of hem failide in yuelis. [No book]
[27]Thei weren troblid, and thei weren moued as a drunkun man; and al the wisdom of hem was deuourid. [No book]
[28]And thei crieden to the Lord, whanne thei weren set in tribulacioun; and he ledde hem out of her nedynessis. [No book]
[29]And he ordeynede the tempest therof in to a soft wynde; and the wawis therof weren stille. [No book]
[30]And thei weren glad, for tho weren stille; and he ladde hem forth in to the hauene of her wille. [No book]
[31]The mercies of the Lord knouleche to hym; and hise merueilis to the sones of men. [No book]
[32]And enhaunse thei him in the chirche of the puple; and preise thei him in the chaier of eldre men. [No book]
[33]He hath set floodis in to deseert; and the out goingis of watris in to thirst. [No book]
[34]He hath set fruytful lond in to saltnesse; for the malice of men dwellyng ther ynne. [No book]
[35]He hath set deseert in to pondis of watris; and erthe with out watir in to outgoyngis of watris. [No book]
[36]And he settide there hungri men; and thei maden a citee of dwelling. [No book]
[37]And thei sowiden feeldis, and plauntiden vynes; and maden fruyt of birthe. [No book]
[38]And he blesside hem, and thei weren multiplied greetli; and he made not lesse her werk beestis. [No book]
[39]And thei weren maad fewe; and thei weren trauelid of tribulacioun of yuelis and of sorewis. [No book]
[40]Strijf was sched out on princes; and he made hem for to erre without the weie, and not in the weie. [No book]
[41]And he helpide the pore man fro pouert; and settide meynees as a scheep bringynge forth lambren. [No book]
[42]Riytful men schulen se, and schulen be glad; and al wickidnesse schal stoppe his mouth. [No book]
[43]Who is wijs, and schal kepe these thingis; and schal vndirstonde the mercies of the Lord? [No book]
44[No verse] [No book]
45[No verse] [No book]
46[No verse] [No book]
47[No verse] [No book]
48[No verse] [No book]
Author: John Wycliffe (1328 – 1384)
 Author: Maurice A. Robinson, William G. Pierpont
Source: unboundbible.org

See information...
Top