➖ »
«
➖ ➕
Wycliffe's English Translation (1388)
Wyc
The First Book of Clement
1Clem
←
Psalms
Psa
111
→
[1]The `title of the hundrid and enleuenthe salm. Alleluya. Blissid is the man that dredith the Lord; he schal wilne ful myche in hise comaundementis. [No book]
[2]His seed schal be myyti in erthe; the generacioun of riytful men schal be blessid. [No book]
[3]Glorie and richessis ben in his hous; and his riytfulnesse dwellith in to the world of world. [No book]
[4]Liyt is risun vp in derknessis to riytful men; the Lord is merciful in wille, and a merciful doere, and riytful. [No book]
[5]The man is merye, that doith merci, and leeneth; he disposith hise wordis in dom; [No book]
[6]for he schal not be moued with outen ende. [No book]
[7]A iust man schal be in euerlastinge mynde; he schal not drede of an yuel heryng. His herte is redi for to hope in the Lord; [No book]
[8]his herte is confermed, he schal not be moued, til he dispise hise enemyes. [No book]
[9]He spredde abrood, he yaf to pore men; his riytwisnesse dwellith in to the world of world; his horn schal be reisid in glorie. [No book]
[10]A synner schal se, and schal be wrooth; he schal gnaste with hise teeth, and schal faile; the desijr of synneris schal perische. [No book]
Author: John Wycliffe (1328 – 1384)
 Translation: Charles H. Hoole (1885)
Source: www.earlychristianwritings.com
Top