➖ »
«
➖ ➕
Wycliffe's English Translation (1388)
Wyc
Hegesippus
Hegesippus
←
Psalms
Psa
13
→
[1]The `title of the threttenthe salm. To the victorie of Dauid. [No book]
[2]The Lord bihelde fro heuene on the sones of men; that he se, if ony is vndurstondynge, ethir sekynge God. [No book]
[3]Alle bowiden awei, togidere thei ben maad vnprofitable; noon is that doth good, noon is `til to oon. The throte of hem is an open sepulcre, thei diden gilefuli with her tungis; the venym of snakis is vndur her lippis. Whos mouth is ful of cursyng and bittirnesse; her feet ben swift to schede out blood. Sorewe and cursidnesse is in the weies of hem, and thei knewen not the weie of pees; the drede of God is not bifor her iyen. [No book]
[4]Whether alle men that worchen wickidnesse schulen not knowe; that deuowren my puple, as mete of breed? [No book]
[5]Thei clepeden not the Lord; thei trembliden there for dreed, where was no drede; [No book]
[6]for the Lord is in a riytful generacioun. Thou hast schent the counsel of a pore man; for the Lord is his hope. [No book]
Author: John Wycliffe (1328 – 1384)
 Source: www.earlychristianwritings.com
Top