➖ »
«
➖ ➕
Peshitta NT (Khabouris)
PesNT(Kha)
Peshitta OT
PesOT
←
Psalms
Psa
136
→
[No book] [1]ܥܲܠ ܢܲܗܪ̈ܵܘܵܬ̣ܵܐ ܕܒ̣ܵܒܹܠ.
[No book] [2]ܬܲܡܵܢ ܝܑܼܬܸܒ̣ܢ ܘܲܒ̣ܟܲܝܢ.
[No book] [3]ܟܲܕ݂ ܐܸܬ̇ܕ̇ܟܲܪܢܵܗ̇ ܠܨܸܗܝܘܿܢ.
[No book] [4]ܥܲܠ ܥܲܪ̈ܒܹܐ ܕܲܒ̣ܓ̣ܵܘܵܗ̇ ܬܠܲܝܢ ܟܸܢܵܪ̈ܲܝܢ.
[No book] [5]ܡܸܛܠ ܕܬܲܡܵܢ ܫܲܐܠܘܼܢ ܫܵܒܲܝ̈ܢ.
[No book] [6]ܡܸܠܹ̈ܐ ܕܬܸܫ̈ܒ̇ܚܵܬ̣ܵܐ.
[No book] [7]ܘܕ݂ܵܒ̣ܘܿܪ̈ܲܝܢ ܐܸܡܲܪ݂ܘ ܠܲܢ.
[No book] [8]ܫܲܒܲܚܘ ܠܲܢ ܡ̣ܢ ܬܸܫ̈ܒ̇ܚܵܬ̣ܵܗ̇ ܕܨܸܗܝܘܿܢ.
[No book] [9]ܐܲܝܟ݂ܢ ܢܫܲܒܲܚ ܠܟ̣ܘܿܢ ܬܸܫ̈ܒ̇ܚܵܬܹܗ ܕܡܵܪܝܵܐ ܒܐܲܪܥܵܐ ܢܘܼܟ̣ܪܵܝܬܵܐ.
[No book] [10]ܐܸܢ ܐܸܛܥܹܝܟ̣ܝ ܐܘܿܪܸܫܠܸܡ ܬܸܛܥܹܝܢܝ ܝܲܡܝܼܢܝ.
[No book] [11]ܢܸܕ݂ܒܲܩ ܠܸܫܵܢܝ ܠܲܫܡܲܝ̈ ܚܹܟ̇ܝ ܐܸܢ ܠܵܐ ܐܸܬ̇ܕܲܟ̣ܪܹܟ̣ܝ.
[No book] [12]ܐܸܠܵܐ ܐܲܣܩܝܼܗ̇ ܠܐܘܿܪܸܫܠܸܡ ܒܪܹܫ ܚܲܕ݂ܘܵܬܼ̈ܝ.
[No book] [13]ܐܸܬ̇ܕܲܟ̣ܪ ܡܵܪܝܵܐ ܠܲܒ̣ܢܲܝ̈ ܐܲܕ݂ܘܿܡ ܒܝܲܘܡܵܗ̇ ܕܐܘܿܪܸܫܠܸܡ.
[No book] [14]ܕܐܵܡ݁ܪܝܼܢ ܓܲܠܵܘ ܓܲܠܵܘ ܥܕܲܡܵܐ ܠܫܲܬ̣ܐܸܣܹ̈ܝܗ̇.
[No book] [15]ܒܲܪ̄ܬ̣ ܒܵܒܹܠ ܒܵܙܘܿܙܬܵܐ.
[No book] [16]ܛܘܼܒ̣ܵܘܗܝ ܠܡܲܢ ܕܢܸܦܪ̱ܥܹܟ̣ܝ ܦܘܼܪܥܵܢܵܐ ܕܲܦܪܲܥܬ̇ܝܼܘܗܝ.
[No book] [17]ܛܘܼܒ̣ܵܘܗܝ ܠܡܲܢ ܕܢܹܐܚܘܿܕ݂ ܝܲܠܘܼܕܲܝ̈ܟ̇ܝ ܘܲܢܫܲܩܸܦ ܠܟܹܐܦܵܐ.
 
Top