|
|
| [1]In finem, psalmus David. Domine, probasti me, et cognovisti me; |
[No book] |
| [2]tu cognovisti sessionem meam et resurrectionem meam. |
[No book] |
| [3]Intellexisti cogitationes meas de longe; semitam meam et funiculum meum investigasti; |
[No book] |
| [4]et omnes vias meas prævidisti, quia non est sermo in lingua mea. |
[No book] |
| [5]Ecce, Domine, tu cognovisti omnia, novissima et antiqua. Tu formasti me, et posuisti super me manum tuam. |
[No book] |
| [6]Mirabilis facta est scientia tua ex me; confortata est, et non potero ad eam. |
[No book] |
| [7]Quo ibo a spiritu tuo? et quo a facie tua fugiam? |
[No book] |
| [8]Si ascendero in cælum, tu illic es; si descendero in infernum, ades. |
[No book] |
| [9]Si sumpsero pennas meas diluculo, et habitavero in extremis maris, |
[No book] |
| [10]etenim illuc manus tua deducet me, et tenebit me dextera tua. |
[No book] |
| [11]Et dixi: Forsitan tenebræ conculcabunt me; et nox illuminatio mea in deliciis meis. |
[No book] |
| [12]Quia tenebræ non obscurabuntur a te, et nox sicut dies illuminabitur; sicut tenebræ ejus, ita et lumen ejus. |
[No book] |
| [13]Quia tu possedisti renes meos; suscepisti me de utero matris meæ. |
[No book] |
| [14]Confitebor tibi, quia terribiliter magnificatus es; mirabilia opera tua, et anima mea cognoscit nimis. |
[No book] |
| [15]Non est occultatum os meum a te, quod fecisti in occulto; et substantia mea in inferioribus terræ. |
[No book] |
| [16]Imperfectum meum viderunt oculi tui, et in libro tuo omnes scribentur. Dies formabuntur, et nemo in eis. |
[No book] |
| [17]Mihi autem nimis honorificati sunt amici tui, Deus; nimis confortatus est principatus eorum. |
[No book] |
| [18]Dinumerabo eos, et super arenam multiplicabuntur. Exsurrexi, et adhuc sum tecum. |
[No book] |
| [19]Si occideris, Deus, peccatores, viri sanguinum, declinate a me; |
[No book] |
| [20]quia dicitis in cogitatione: Accipient in vanitate civitates tuas. |
[No book] |
| [21]Nonne qui oderunt te, Domine, oderam? et super inimicos tuos tabescebam? |
[No book] |
| [22]Perfecto odio oderam illos, et inimici facti sunt mihi. |
[No book] |
| [23]Proba me, Deus, et scito cor meum; interroga me, et cognosce semitas meas. |
[No book] |
| [24]Et vide si via iniquitatis in me est; et deduc me in via æterna. |
[No book] |