➖ »
«
➖ ➕
King James Version with Samaritan Pentateuch
KJV(SP)
Wycliffe's English Translation (1388)
Wyc
←
Psalms
Psa
142
→
[No book] [1]The `title of the hundrid and two and fourtithe salm. The salm of Dauid. Lord, here thou my preier, with eeris perseyue thou my biseching; in thi treuthe here thou me, in thi riytwisnesse.
[No book] [2]And entre thou not in to dom with thi seruaunt; for ech man lyuynge schal not be maad iust in thi siyt.
[No book] [3]For the enemy pursuede my soule; he made lowe my lijf in erthe. He hath set me in derk placis, as the deed men of the world,
[No book] [4]and my spirit was angwischid on me; myn herte was disturblid in me.
[No book] [5]I was myndeful of elde daies, Y bithouyte in alle thi werkis; Y bithouyte in the dedis of thin hondis.
[No book] [6]I helde forth myn hondis to thee; my soule as erthe with out water to thee.
[No book] [7]Lord, here thou me swiftli; my spirit failide. Turne thou not a wei thi face fro me; and Y schal be lijk to hem that gon doun in to the lake.
See information...
 Author: John Wycliffe (1328 – 1384)
Top