➖ »
«
➖ ➕
Peshitta OT
PesOT
The Acts of Thomas
ActThom
←
Psalms
Psa
143
→
[1]ܒܪܝܼܟ̣ܘܼ ܡܵܪܝܵܐ ܕܐܲܠܸܦ ܐܝܼܕܲܝ̈ ܠܲܩܪܵܒ̣ܵܐ. [No book]
[2]ܘܨܼܒ̣̈ܥܵܬ̣ܝ ܠܲܩܪܵܒ̣ܵܐ. [No book]
[3]ܒܹܝܬ̣ ܓܲܘܣܝ ܘܲܡܦܲܨܝܵܢܝ. [No book]
[4]ܡܣܲܝܥܵܢܝ ܕܲܥܠܵܘܗܝ ܬܟ̣ܝܼܠ ܐ̄ܢܵܐ. [No book]
[5]ܘܫܲܥܒܸ̇ܕ ܠܥܲܡܡܹ̈ܐ ܬܚܘܿܬܲܝ. [No book]
[6]ܡܵܪܝܵܐ ܡܵܢܵܘ ܒܲܪܢܵܫܵܐ ܕܝܼܕܲܥܬܵܝܗܝ. [No book]
[7]ܘܒܲܪܢܵܫܵܐ ܕܲܚܫܲܒ̣ܬܵܝܗܝ. [No book]
[8]ܒܲܪܢܵܫܵܐ ܠܠܲܗܓܵܐ ܕܵܡܹ̇ܐ. [No book]
[9]ܘܝܲܘ̈ܡܵܬܹܗ ܥܵܒ̣ܪܝܼ݁ܢ ܐܲܝܟ݂ ܛܸܠܵܠܵܐ. [No book]
[10]ܐܲܪܟܸ̇ܢ ܫܡܲܝܵܐ ܡܵܪܝܵܐ ܘܚܘܿܬ̣. [No book]
[11]ܘܲܟ̣ܐܝܼ ܒܛܘܼܪܹ̈ܐ ܘܢܸܬ̇ܢܘܼܢ. [No book]
[12]ܐܲܒ̣ܪܸܩ ܒܲܪ̈ܩܲܝܟ ܘܕܲܠܲܚ ܐܸܢܘܿܢ. [No book]
[13]ܫܲܕܲܪ ܓܹܐܪ̈ܲܝܟ ܘܒܲܕܲܪ ܐܸܢܘܿܢ. [No book]
[14]ܐܲܘܫܸܛ ܐܝܼܕ݂ܵܟ݂ ܡ̣ܢ ܡܪܲܘܡܵܐ. [No book]
[15]ܘܲܫܠܝܼܢܝ ܡ̣ܢ ܡܲܝ̈ܵܐ ܣܲܓ̇ܝܼ̈ܐܹܐ. [No book]
[16]ܘܡ̣ܢ ܐܝܼܕ݂ܵܐ ܕܥܲܘܵܠܹ̈ܐ. [No book]
[17]ܕܦܘܼܡܗܘܿܢ ܡܲܠܸܠ ܣܪܝܼܩܘܼܬ̣ܵܐ. [No book]
[18]ܘܝܲܡܝܼܢܗܘܿܢ ܝܲܡܝܼܢܵܐ ܗ̄ܝ̣ ܕܥܲܘܠܵܐ. [No book]
[19]ܐܲܠܵܗܵܐ ܬܸܫܒ̇ܘܿܚܬܵܐ ܚܕܲܬܵܐ ܐܹܫܲܒܲܚ ܠܵܟ݂. [No book]
[20]ܘܲܒ̣ܟܸܢܵܪܵܐ ܕܲܥܣܲܪ ܡܸܢܝܼ̈ܢ ܐܹܙܲܡܲܪ ܠܵܟ݂. [No book]
[21]ܕܝܲܗ̄ܒ̣ܬ̇ ܦܘܼܪܩܵܢܵܐ ܠܡܲܠܟܵܐ. [No book]
[22]ܘܦܲܨܝܼ ܠܕ݂ܵܘܝܼܕ݂ ܥܲܒ̣ܕܹ̇ܗ ܡ̣ܢ ܚܲܪܒܵܐ ܒܝܼܫܬܵܐ. [No book]
[23]ܦܲܨܵܢܝ ܡ̣ܢ ܐܝܼܕ݂ܵܐ ܕܥܲܘܵܠܹ̈ܐ. [No book]
[24]ܕܦܘܼܡܗܘܿܢ ܡܲܠܸܠ ܣܪܝܼܩܘܼܬ̣ܵܐ. [No book]
[25]ܘܝܲܡܝܼܢܗܘܿܢ ܝܲܡܝܼܢܵܐ ܗ̄ܝ̣ ܕܥܲܘܠܵܐ. [No book]
[26]ܒܢܲܝ̈ܗܘܿܢ ܐܲܝܟ݂ ܢܸܨܒ̇ܬ̣ܵܐ ܡܸܬ̣ܪܲܒܹ̇ܝܢ ܡ̣ܢ ܛܲܠܝܘܼܬ̣ܗܘܿܢ. [No book]
[27]ܘܲܒ݂̈ܢܵܬ̣ܗܘܿܢ ܐܲܝܟ݂ ܟܲܠ̈ܠܵܬ̣ܵܐ ܕܲܡ̈ܨܲܒ̇ܬ̣ܵܢ ܒܲܕ݂ܡܘܼܬ̣ܵܐ ܕܗܲܝܟ̇ܠܹ̈ܐ. [No book]
[28]ܬܵܘܵܢܲܝ̈ܗܘܿܢ ܡܠܹܝܢ ܘܡܸܬ̣ܐܲܫܕ̇ܝܼܢ ܚܲܕ݂ ܠܚܲܕ݂. [No book]
[29]ܥܵܢ̈ܗܘܿܢ ܝܵܠ̈ܕܵܢ ܘܲܡܪ̈ܲܒ̇ܝܵܢ ܒܫܘܼܩܲܝ̈ܗܘܿܢ. [No book]
[30]ܒܲܩܪ̈ܲܝܗܘܿܢ ܥܲܫܝܼ̈ܢܵܢ ܘܠܲܝܬ̇ ܒܗܹܝܢ ܕܥܲܩܪܵܐ. [No book]
[31]ܠܲܝܬ̇ ܬܘܼܪܥܬ̣ܵܐ ܐܵܦܠܵܐ ܝܑܼܠܲܠܬܵܐ ܒܫܘܼܩܲܝ̈ܗܘܢ. [No book]
[32]ܛܘܼܒ̣ܵܘܗܝ ܠܥܲܡܵܐ ܕܗܵܟܲܢܵܐ ܐܝܼܬ̣ ܠܹܗ. [No book]
[33](ܠܵܐ ܐܸܠܵܐ) ܛܘܼܒ̣ܵܘܗܝ ܠܥܲܡܵܐ ܕܡܵܪܝܵܐ ܗ̄ܘ̣ ܐܲܠܵܗܹܗ. [No book]
 
Top