➕
←
Psalms
Psa
24
→
[1]ܕܡܵܪܝܵܐ ܗ̄ܝ̣ ܐܲܪܥܵܐ ܒܲܡܠܹܐܵܗ̇. [2]ܬܹܒܹܝܠ ܘܟ̣ܠܗܘܿܢ ܥܵܡܘܿܪܹ̈ܝܗ̇. [3]ܡܸܛܠ ܕܗܘ̤ ܒܝܲܡܵܐ ܣܵܡ ܫܲܬ̣ܐܸܣܹ̈ܝܗ̇. [4]ܘܲܒ̣ܢܲܗܪ̈ܵܘܵܬ̣ܵܐ ܐܲܬ̣ܩܢܵܗ̇. [5]ܡܲܢ̣ܘܼ ܢܸܣܲܩ ܠܛܘܼܪܹܗ ܕܡܵܪܝܵܐ. [6]ܘܡܲܢ̣ܘܼ ܢܩܘܼܡ ܒܛܘܼܪܹܗ ܩܲܕܝܼܫܵܐ. [7]ܐܲܝܢܵܐ ܕܕܲܟ̣̈ܝܵܢ ܐܝܼܕ݂ܵܘ̈ܗܝ ܘܲܓ̣ܒܸܐ ܒܠܸܒܹܗ. [8]ܘܠܵܐ ܝܵܡܹܐ ܒܢܲܦ̮ܫܹܗ ܒܕܲܓܵܠܘܼܬ̣ܵܐ ܘܠܵܐ ܝܵܡܹܐ ܒܢܸܟ̣ܠܵܐ. [9]ܗܵܢܵܐ ܢܩܲܒܸ̇ܠ ܒܘܼܪܟܬ̣ܵܐ ܡ̣ܢ ܡܵܪܝܵܐ. [10]ܘܙܲܕܝܼܩܘܼܬ̣ܵܐ ܡ̣ܢ ܐܲܠܵܗܵܐ ܦܵܪܘܩܲܢ. [11]ܗܵܢܵܘ ܕܵܪܵܐ ܕܒ̣ܵܥܹܐ ܘܲܡܣܲܒܲܪ. [12]ܠܦܲܪܨܘܿܦܵܐ ܕܐܲܦܲܝ̈ܟ ܐܲܠܵܗܹܗ ܕܝܲܥܩܘܿܒ̣. [13]ܐܲܪܝܼܡܘ ܬܲܪ̈ܥܹܐ ܪܹ̈ܫܲܝܟܘܿܢ. [14]ܐܸܬ̇ܬ̇ܪܝܼܡܘ ܬܲܪ̈ܥܹܐ ܕܡ̣ܢ ܥܵܠܲܡ. [15]ܕܢܸܥܘܿܠ ܡܲܠܟܵܐ ܕܐܝܼܩܵܪܹ̈ܐ. [16]ܡܲܢ̣ܘܼ ܗܵܢܵܐ ܡܲܠܟܵܐ ܕܐܝܼܩܵܪܹ̈ܐ. [17]ܡܵܪܝܵܐ ܥܲܫܝܼܢܵܐ ܘܓܲܢ̄ܒܵܪܵܐ. [18]ܡܵܪܝܵܐ ܓܲܢ̄ܒܵܪܵܐ ܘܲܩܪܲܒ̣ܬ̣ܵܢܵܐ. [19]ܐܲܪܝܼܡܘ ܬܲܪ̈ܥܹܐ ܪܹ̈ܫܲܝܟ̇ܘܿܢ. [20]ܐܸܬ̇ܬ̇ܪܝܼܡܘ ܬܲܪ̈ܥܹܐ ܕܡ̣ܢ ܥܵܠܲܡ. [21]ܕܢܸܥܘܿܠ ܡܲܠܟܵܐ ܕܐܝܼܩܵܪܹ̈ܐ. [22]ܡܲܢ̣ܘܼ ܗܵܢܵܐ ܡܲܠܟܵܐ ܕܐܝܼܩܵܪܹ̈ܐ. [23]ܡܵܪܝܵܐ ܚܲܝܠ̱ܬ̣ܵܢܵܐ. [24]ܗܘ̤ܝܘܼ ܡܲܠܟܵܐ ܡܝܲܩܪܵܐ ܠܥܵܠܲܡ.
 
Top