|
|
| [1]In finem. Psalmus David. Ad te, Domine, levai animam meam. |
[No book] |
| [2]Deus meus, in te confido; non erubescam. |
[No book] |
| [3]Neque irrideant me inimici mei: etenim universi, qui sustinent te, non confundentur. |
[No book] |
| [4]Confundantur omnes iniqua agentes supervacue. Vias tuas, Domine, demonstra mihi, et semitas tuas edoce me. |
[No book] |
| [5]Dirige me in veritate tua, et doce me, quia tu es Deus salvator meus, et te sustinui tota die. |
[No book] |
| [6]Reminiscere miserationum tuarum, Domine, et misericordiarum tuarum quæ a sæculo sunt. |
[No book] |
| [7]Delicta juventutis meæ, et ignorantias meas ne memineris. Secundum misericordiam tuam memento mei tu, propter bonitatem tuam, Domine. |
[No book] |
| [8]Dulcis et rectus Dominus; propter hoc legem dabit delinquentibus in via. |
[No book] |
| [9]Diriget mansuetos in judicio; docebit mites vias suas. |
[No book] |
| [10]Universæ viæ Domini, misericordia et veritas, requirentibus testamentum ejus et testimonia ejus. |
[No book] |
| [11]Propter nomen tuum, Domine, propitiaberis peccato meo; multum est enim. |
[No book] |
| [12]Quis est homo qui timet Dominum? legem statuit ei in via quam elegit. |
[No book] |
| [13]Anima ejus in bonis demorabitur; et semen ejus hæreditabit terram. |
[No book] |
| [14]Firmamentum est Dominus timentibus eum; et testamentum ipsius ut manifestetur illis. |
[No book] |
| [15]Oculi mei semper ad Dominum, quoniam ipse evellet de laqueo pedes meos. |
[No book] |
| [16]Respice in me, et miserere mei; quia unicus et pauper sum ego. |
[No book] |
| [17]Tribulationes cordis mei multiplicatæ sunt; de necessitatibus meis erue me. |
[No book] |
| [18]Vide humilitatem meam et laborem meum, et dimitte universa delicta mea. |
[No book] |
| [19]Respice inimicos meos, quoniam multiplicati sunt, et odio iniquo oderunt me. |
[No book] |
| [20]Custodi animam meam, et erue me; non erubescam, quoniam speravi in te. |
[No book] |
| [21]Innocentes et recti adhæserunt mihi, quia sustinui te. |
[No book] |
| [22]Libera, Deus, Israël ex omnibus tribulationibus suis. |
[No book] |