|
|
| [No book] |
[1]The title of the thrittithe salm. To victorie, the salm of Dauid. |
| [No book] |
[2]Lord, Y hopide in thee, be Y not schent with outen ende; delyuere thou me in thi riytfulnesse. |
| [No book] |
[3]Bouwe doun thin eere to me; haaste thou to delyuere me. Be thou to me in to God defendere, and in to an hows of refuyt; that thou make me saaf. |
| [No book] |
[4]For thou art my strengthe and my refuyt; and for thi name thou schalt lede me forth, and schalt nurische me. |
| [No book] |
[5]Thou schalt lede me out of the snare, which thei hidden to me; for thou art my defendere. |
| [No book] |
[6]I bitake my spirit in to thin hondis; Lord God of treuthe, thou hast ayen bouyt me. |
| [No book] |
[7]Thou hatist hem that kepen vanytees superfluli. |
| [No book] |
[8]Forsothe Y hopide in the Lord; Y schal haue fulli ioie, and schal be glad in thi merci. For thou byheldist my mekenesse; thou sauedist my lijf fro nedis. |
| [No book] |
[9]And thou closidist not me togidere withynne the hondis of the enemy; thou hast sett my feet in a large place. |
| [No book] |
[10]Lord, haue thou merci on me, for Y am troblid; myn iye is troblid in ire, my soule and my wombe `ben troblid. |
| [No book] |
[11]For whi my lijf failide in sorewe; and my yeeris in weilynges. Mi vertu is maad feble in pouert; and my boonys ben disturblid. |
| [No book] |
[12]Ouer alle myn enemyes Y am maad schenship greetli to my neiyboris; and drede to my knowun. Thei that sien me with outforth, fledden fro me; Y am youun to foryetyng, |