➖ »
«
➖ ➕
Peshitta OT
PesOT
The Acts of Thomas
ActThom
←
Psalms
Psa
33
→
[1]ܫܲܒܲܚܘ ܙܲܕܝܼܩܹ̈ܐ ܠܡܵܪܝܵܐ. [No book]
[2]ܘܠܲܬ̣ܪ̈ܝܼܨܹܐ ܝܵܐܝܵܐ ܬܸܫܒ̇ܘܿܚܬܵܐ. [No book]
[3]ܐܲܘܕܵܘ ܠܹܗ ܒܟܸܢܵܪܵܐ. [No book]
[4]ܘܲܒ̣ܩܝܼܬ̣ܵܪܵܐ ܕܲܥܣܲܪ ܡܸܢܝܼ̈ܢ ܙܲܡܲܪܘ ܠܹܗ. [No book]
[5]ܫܲܒܲܚܘ ܠܹܗ ܬܸܫܒ̇ܘܿܚܬܵܐ ܚܕܲܬܵܐ. [No book]
[6]ܘܐܸܡܲܪܘ ܫܲܦܝܼܪ ܒܩܵܠܵܐ. [No book]
[7]ܡܸܛܠ ܕܲܬ̣ܪܝܼܨ ܗ̄ܘ̣ ܦܸܬ̣ܓ̣ܵܡܹܗ ܕܡܵܪܝܵܐ. [No book]
[8]ܘܟ̣ܠܗܘܿܢ ܥܒ̣ܵܕ݂ܵܘ̈ܗܝ ܒܗܲܝܡܵܢܘܼܬ̣ܵܐ. [No book]
[9]ܪܵܚܹܡ݁ ܙܲܕܝܼܩܘܼܬ̣ܵܐ ܘܕ݂ܝܼܢܵܐ. [No book]
[10]ܛܲܝܒ̇ܘܼܬܹܗ ܕܡܵܪܝܵܐ ܡܲܠܝܵܐ ܐܲܪܥܵܐ. [No book]
[11]ܒܡܸܠܬܹܗ ܕܡܵܪܝܵܐ ܐܹܬ̣ܥܒܸܕ݂ ܫܡܲܝܵܐ. [No book]
[12]ܘܲܒ̣ܪܘܼܚܵܐ ܕܦܘܼܡܹܗ ܟܠܗܘܿܢ ܚܲܝ̈ܠܵܘܵܬܹܗ. [No book]
[13]ܟܢܲܫ̣ܘ ܐܲܝܟ݂ ܕܲܒ̣ܙܸܩܹ̈ܐ ܡܲܝ̈ܵܐ ܕܝܲܡܵܐ. [No book]
[14]ܘܣܵܡ݂ ܒܐܲܘܨܪܹ̈ܐ ܬܗܘܿܡܹ̈ܐ. [No book]
[15]ܢܸܕ݂ܚܠܘܼܢ ܡ̣ܢ ܡܵܪܝܵܐ ܟܠܵܗ̇ ܐܲܪܥܵܐ. [No book]
[16]ܘܲܢܙܘܼܥܘܼܢ ܡ̣ܢ ܩܕ݂ܵܡܵܘܗܝ ܟܠܗܘܿܢ ܥܵܡܘܿܪܹ̈ܝܗ̇ ܕܬܹܒܹܝܠ. [No book]
[17]ܡܸܛܠ ܕܗ̤ܘ ܐܸܡܲܪ ܘܲܗ̤ܘܵܘ ܘܗ̤ܘ ܦܩܲܕ݂ ܘܐܲܩܝܼܡ. [No book]
[18]ܡܵܪܝܵܐ ܡܒܲܛܸܠ ܡܸܠܟܵܐ ܕܥܲܡܡܹ̈ܐ. [No book]
[19]ܘܲܡܒܲܛܸܠ ܡܵܪܝܵܐ ܡܲܚ̈ܫܒ̣ܵܬ̣ܗܘܿܢ ܕܥܲܡܡܹ̈ܐ. [No book]
[20]ܬܲܪܥܝܼܬܹܗ ܕܡܵܪܝܵܐ ܠܥܵܠܲܡ ܩܲܝܵܡܵܐ. [No book]
[21]ܘܡܲܚܫܲܒ̣ܬ̣ܵܐ ܕܠܸܒܹܗ ܠܕ݂ܵܪܕܵܪ̈ܝܼܢ. [No book]
[22]ܛܘܼܒ̣ܵܘܗܝ ܠܥܲܡܵܐ ܕܡܵܪܝܵܐ ܗ̄ܘ̣ ܐܲܠܵܗܹܗ. [No book]
[23]ܥܲܡܵܐ ܕܲܓ̣ܒܵܐ ܠܹܗ ܠܝܵܪܬ̇ܘܼܬ̣ܵܐ. [No book]
[24]ܡ̣ܢ ܫܡܲܝܵܐ ܐܲܕ݂ܝܼܩ ܡܵܪܝܵܐ. [No book]
[25]ܘܲܚ݂ܙܵܐ ܠܟ̣ܠܗܘܿܢ ܒܢܲܝ̈ܢܵܫܵܐ. [No book]
[26]ܘܡ̣ܢ ܡܲܘܬܒܹܗ ܚܙ݂ܵܐ ܠܟ̣ܠܗܘܿܢ ܥܵܡܘܿܪܹ̈ܝܗ̇ ܕܐܲܪܥܵܐ. [No book]
[27]ܕܲܓ̣ܒܲܠ ܐܲܟ̣ܚ̄ܕ݂ܵܐ ܠܸܒ̇ܗܘܿܢ. [No book]
[28]ܘܡܸܬ̣ܒܲܝܲܢ ܒܟ̣ܠܗܘܿܢ ܥܒ̣ܵܕܲܝ̈ܗܘܿܢ. [No book]
[29]ܡܲܠܟܵܐ ܠܵܐ ܡܸܬ̣ܦܪܸܩ ܒܣܘܿܓ̣ܐܵܐ ܕܚܲܝܠܵܐ. [No book]
[30]ܘܐܵܦܠܵܐ ܓܲܢ̄ܒܵܪܵܐ ܡܸܬ̣ܦܲܨܸܐ ܒܣܘܿܓ̣ܐܵܐ ܕܚܲܝܠܹܗ. [No book]
[31]ܕܲܓܵܠ ܗ̄ܘ̣ ܦܘܼܪܩܵܢܹܗ ܕܣܘܼܣܝܵܐ. [No book]
[32]ܕܲܒ̣ܣܘܿܓ̣ܐܵܐ ܕܚܲܝܠܹܗ ܠܵܐ ܡܦܲܨܸܐ ܠܪܵܟ̣ܒܹ̇ܗ. [No book]
[33]ܥܲܝܢܵܘ̈ܗܝ ܕܡܵܪܝܵܐ ܥܲܠ ܙܲܕܝܼܩܹ̈ܐ. [No book]
[34]ܕܲܡܣܲܟܹ̇ܝܢ ܠܛܲܝܒ̇ܘܼܬܹܗ. [No book]
[35]ܕܲܡܦܲܨܸܐ ܢܲܦ̮̈ܫܵܬ̣ܗܘܿܢ ܡ̣ܢ ܡܲܘܬܵܐ. [No book]
[36]ܘܢܲܚܸܐ ܐܸܢܘܿܢ ܒܟܲܦܢܵܐ. [No book]
[37]ܢܲܦ̮ܫܲܢ ܣܲܟ̇ܝܲܬ̤ ܠܡܵܪܝܵܐ. [No book]
[38]ܡܸܛܠ ܕܗܘ̤ܝܘܼ ܡܥܲܕ̇ܪܵܢܲܢ ܘܲܡܣܲܝܥܵܢܲܢ. [No book]
[39]ܘܒܹܗܘ̤ ܢܸܚܕܸ̇ܐ ܠܸܒܲܢ. [No book]
[40]ܕܒܲܫܡܹܗ ܩܲܕܝܼܫܵܐ ܣܲܒܲܪܢ. [No book]
[41]ܬܸܗܘܸܐ ܛܲܝܒ̇ܘܼܬ̣ܵܟ݂ ܥܠܲܝܢ ܡܵܪܝܵܐ. [No book]
[42]ܐܲܝܟ݂ܢܵܐ ܕܣܲܟ̇ܝܼܢܲܢ ܠܵܟ݂. [No book]
 
Top