|
|
| [1]The title of the foure and thrittithe salm. `To Dauid. Lord, deme thou hem, that anoien me; ouercome thou hem, that fiyten ayens me. |
[No book] |
| [2]Take thou armeris and scheeld; and rise vp into help to me. |
[No book] |
| [3]Schede out the swerd, and close togidere ayens hem that pursuen me; seie thou to my soule, Y am thin helthe. |
[No book] |
| [4]Thei that seken my lijf; be schent, and aschamed. Thei that thenken yuels to me; be turned awei bacward, and be schent. |
[No book] |
| [5]Be thei maad as dust bifor the face of the wynd; and the aungel of the Lord make hem streit. |
[No book] |
| [6]Her weie be maad derknesse, and slydirnesse; and the aungel of the Lord pursue hem. |
[No book] |
| [7]For with out cause thei hidden to me the deth of her snare; in veyn thei dispisiden my soule. |
[No book] |
| [8]The snare which he knoweth not come to hym, and the takyng which he hidde take hym; and fall he in to the snare in that thing. |
[No book] |
| [9]But my soule schal fulli haue ioye in the Lord; and schal delite on his helthe. |
[No book] |
| [10]Alle my boonys schulen seie, Lord, who is lijk thee? Thou delyuerist a pore man fro the hond of his strengere; a nedi man and pore fro hem that diuersely rauischen hym. |
[No book] |
| [11]Wickid witnessis risynge axiden me thingis, whiche Y knewe not. |
[No book] |
| [12]Thei yeldiden to me yuels for goodis; bareynnesse to my soule. |
[No book] |
| [13]But whanne thei weren diseseful to me; Y was clothid in an heire. I mekide my soule in fastyng; and my preier schal be turned `with ynne my bosum. |
[No book] |
| [14]I pleside so as oure neiybore, as oure brother; Y was `maad meke so as morenynge and sorewful. |
[No book] |
| [15]And thei weren glad, and camen togidere ayens me; turmentis weren gaderid on me, and Y knew not. |
[No book] |
| [16]Thei weren scaterid, and not compunct, thei temptiden me, thei scornyden me with mowyng; thei gnastiden on me with her teeth. |
[No book] |
| [17]Lord, whanne thou schalt biholde, restore thou my soule fro the wickidnesse of hem; `restore thou myn oon aloone fro liouns. |
[No book] |
| [18]I schal knowleche to thee in a greet chirche; Y schal herie thee in a sad puple. |
[No book] |
| [19]Thei that ben aduersaries wickidli to me, haue not ioye on me; that haten me with out cause, and bikenen with iyen. |
[No book] |
| [20]For sotheli thei spaken pesibli to me; and thei spekynge in wrathfulnesse of erthe thouyten giles. |
[No book] |
| [21]And thei maden large her mouth on me; thei seiden, Wel, wel! oure iyen han sien. |
[No book] |
| [22]Lord, thou hast seen, be thou not stille; Lord, departe thou not fro me. |
[No book] |