➖ »
«
➖ ➕
Aleppo Codex (~920)
Alep
Peshitta OT
PesOT
←
Psalms
Psa
37
→
[1]לדוד אל־תתחר במרעים אל־תקנא בעשי עולה [No chap]
[2]כי כחציר מהרה ימלו וכירק דשא יבולון [No chap]
[3]בטח ביהוה ועשה־טוב שכן־ארץ ורעה אמונה [No chap]
[4]והתענג על־יהוה ויתן־לך משאלת לבך [No chap]
[5]גול על־יהוה דרכך ובטח עליו והוא יעשה [No chap]
[6]והוציא כאור צדקך ומשפטך כצהרים [No chap]
[7]דום ליהוה והתחולל־לו אל־תתחר במצליח דרכו באיש עשה מזמות [No chap]
[8]הרף מאף ועזב חמה אל־תתחר אך־להרע [No chap]
[9]כי־מרעים יכרתון וקוי יהוה המה יירשו־ארץ [No chap]
[10]ועוד מעט ואין רשע והתבוננת על־מקומו ואיננו [No chap]
[11]וענוים יירשו־ארץ והתענגו על־רב שלום [No chap]
[12]זמם רשע לצדיק וחרק עליו שניו [No chap]
[13]אדני ישחק־לו כי־ראה כי־יבא יומו [No chap]
[14]חרב פתחו רשעים ודרכו קשתם להפיל עני ואביון לטבוח ישרי־דרך [No chap]
[15]חרבם תבוא בלבם וקשתותם תשברנה [No chap]
[16]טוב־מעט לצדיק מהמון רשעים רבים [No chap]
[17]כי זרועות רשעים תשברנה וסומך צדיקים יהוה [No chap]
[18]יודע יהוה ימי תמימם ונחלתם לעולם תהיה [No chap]
[19]לא־יבשו בעת רעה ובימי רעבון ישבעו [No chap]
[20]כי רשעים יאבדו ואיבי יהוה כיקר כרים כלו בעשן כלו [No chap]
[21]לוה רשע ולא ישלם וצדיק חונן ונותן [No chap]
[22]כי מברכיו יירשו ארץ ומקלליו יכרתו [No chap]
[23]מיהוה מצעדי־גבר כוננו ודרכו יחפץ [No chap]
[24]כי־יפל לא־יוטל כי־יהוה סומך ידו [No chap]
[25]נער הייתי גם־זקנתי ולא־ראיתי צדיק נעזב וזרעו מבקש־לחם [No chap]
[26]כל־היום חונן ומלוה וזרעו לברכה [No chap]
[27]סור מרע ועשה־טוב ושכן לעולם [No chap]
[28]כי יהוה אהב משפט ולא־יעזב את־חסידיו לעולם נשמרו וזרע רשעים נכרת [No chap]
[29]צדיקים יירשו־ארץ וישכנו לעד עליה [No chap]
[30]פי־צדיק יהגה חכמה ולשונו תדבר משפט [No chap]
[31]תורת אלהיו בלבו לא תמעד אשריו [No chap]
[32]צופה רשע לצדיק ומבקש להמיתו [No chap]
[33]יהוה לא־יעזבנו בידו ולא ירשיענו בהשפטו [No chap]
[34]קוה אל־יהוה ושמר דרכו וירוממך לרשת ארץ בהכרת רשעים תראה [No chap]
[35]ראיתי רשע עריץ ומתערה כאזרח רענן [No chap]
[36]ויעבר והנה איננו ואבקשהו ולא נמצא [No chap]
[37]שמר־תם וראה ישר כי־אחרית לאיש שלום [No chap]
[38]ופשעים נשמדו יחדו אחרית רשעים נכרתה [No chap]
[39]ותשועת צדיקים מיהוה מעוזם בעת צרה [No chap]
[40]ויעזרם יהוה ויפלטם יפלטם מרשעים ויושיעם־כי־חסו בו [No chap]
Source: unbound.biola.edu
Top