|
|
| [1]In finem, pro iis qui commutabuntur. Filiis Core, ad intellectum. Canticum pro dilecto. |
[No book] |
| [2]Eructavit cor meum verbum bonum; dico ego opera mea regi. Lingua mea calamus scribæ velociter scribentis. |
[No book] |
| [3]Speciosus forma præ filiis hominum, diffusa est gratia in labiis tuis; propterea benedixit te Deus in æternum. |
[No book] |
| [4]Accingere gladio tuo super femur tuum, potentissime. |
[No book] |
| [5]Specie tua et pulchritudine tua intende, prospere procede, et regna, propter veritatem, et mansuetudinem, et justitiam; et deducet te mirabiliter dextera tua. |
[No book] |
| [6]Sagittæ tuæ acutæ, populi sub te cadent, in corda inimicorum regis. |
[No book] |
| [7]Sedes tua, Deus, in sæculum sæculi; virga directionis virga regni tui. |
[No book] |
| [8]Dilexisti justitiam, et odisti iniquitatem; propterea unxit te Deus, Deus tuus, oleo lætitiæ, præ consortibus tuis. |
[No book] |
| [9]Myrrha, et gutta, et casia a vestimentis tuis, a domibus eburneis; ex quibus delectaverunt te |
[No book] |
| [10]filiæ regum in honore tuo. Astitit regina a dextris tuis in vestitu deaurato, circumdata varietate. |
[No book] |
| [11]Audi, filia, et vide, et inclina aurem tuam; et obliviscere populum tuum, et domum patris tui. |
[No book] |
| [12]Et concupiscet rex decorem tuum, quoniam ipse est Dominus Deus tuus, et adorabunt eum. |
[No book] |
| [13]Et filiæ Tyri in muneribus vultum tuum deprecabuntur; omnes divites plebis. |
[No book] |
| [14]Omnis gloria ejus filiæ regis ab intus, in fimbriis aureis, |
[No book] |
| [15]circumamicta varietatibus. Adducentur regi virgines post eam, proximæ ejus afferentur tibi. |
[No book] |
| [16]Afferentur in lætitia et exsultatione; adducentur in templum regis. |
[No book] |
| [17]Pro patribus tuis nati sunt tibi filii; constitues eos principes super omnem terram. |
[No book] |
| [18]Memores erunt nominis tui in omni generatione et generationem: propterea populi confitebuntur tibi in æternum, et in sæculum sæculi. |
[No book] |