➖ »
«
➖ ➕
Aleppo Codex (~920)
Alep
Epistle to the Laodiceans (Latin)
Lao[LA]
←
Psalms
Psa
45
→
[1]למנצח על־ששנים לבני־קרח משכיל שיר ידידת [No book]
[2]רחש לבי דבר טוב אמר אני מעשי למלך לשוני עט סופר מהיר [No book]
[3]יפיפית מבני אדם הוצק חן בשפתותיך על־כן ברכך אלהים לעולם [No book]
[4]חגור־חרבך על־ירך גבור הודך והדרך [No book]
[5]והדרך צלח רכב על־דבר־אמת וענוה־צדק ותורך נוראות ימינך [No book]
[6]חציך שנונים עמים תחתיך יפלו בלב אויבי המלך [No book]
[7]כסאך אלהים עולם ועד שבט מישר שבט מלכותך [No book]
[8]אהבת צדק ותשנא־רשע על־כן משחך אלהים אלהיך שמן ששון מחברך [No book]
[9]מר־ואהלות קציעות כל־בגדתיך מן־היכלי שן מני שמחוך [No book]
[10]בנות מלכים ביקרותיך נצבה שגל לימינך בכתם אופיר [No book]
[11]שמעי־בת וראי והטי אזנך ושכחי עמך ובית אביך [No book]
[12]ויתאו המלך יפיך כי־הוא אדניך והשתחוי־לו [No book]
[13]ובת־צר במנחה פניך יחלו־עשירי עם [No book]
[14]כל־כבודה בת־מלך פנימה ממשבצות זהב לבושה [No book]
[15]לרקמות תובל למלך בתולות אחריה רעותיה־מובאות לך [No book]
[16]תובלנה בשמחת וגיל תבאינה בהיכל מלך [No book]
[17]תחת אבתיך יהיו בניך תשיתמו לשרים בכל־הארץ [No book]
[18]אזכירה שמך בכל־דר ודר על־כן עמים יהודוך לעלם ועד [No book]
Source: unbound.biola.edu
Top