➕
←
Psalms
Psa
46
→
[1]ܐܲܠܵܗܲܢ ܒܹܝܬ̣ ܓܲܘܣܲܢ ܥܲܫܝܼܢܵܐ. [2]ܘܲܡܥܲܕ̇ܪܵܢܲܢ ܒܙܲܒ̣ܢܹ̈ܐ ܕܐܘܼܠܨܵܢܵܐ. [3]ܐܸܫܬ̇ܟܲܚܬ̇ ܠܲܢ ܒܟ̣ܠܙܒܲܢ. [4]ܡܸܛܠ ܗܵܢܵܐ ܠܵܐ ܕܵܚܠ݁ܝܼܢܲܢ. [5]ܡܵܐ ܕܙܵܝ݁ܥܵܐ ܐܲܪܥܵܐ ܘܙܵܝ݁ܥܝܼܢ ܛܘܼܖܹ̈ܐ ܒܠܸܒܵܐ ܕܝܲܡܡܹ̈ܐ. [6]ܢܸܬ̇ܕܲܠܚܘܼܢ ܡܲܝܲܝ̈ܗܘܿܢ ܘܢܸܬ̣ܗܲܦܟ̇ܘܼܢ. [7]ܘܲܢܙܘܼܥܘܼܢ ܛܘܼܖܹ̈ܐ ܒܥܘܼܫܢܹܗ. [8]ܬܲܦܹ̈ܐ ܕܢܲܗܖ̈ܵܘܵܬ̣ܵܐ ܢܚܲܕ̇ܘܼܢ ܒܲܡܕ݂ܝܼܢ̄ܬܹ̇ܗ ܕܐܲܠܵܗܲܢ. [9]ܩܲܕܝܼܫܘܼ ܒܹܝܬ̣ ܡܲܫܪܝܹܗ ܕܲܡܪܲܝܡܵܐ. [10]ܐܲܠܵܗܵܐ ܒܓ̣ܵܘܵܗ̇ ܠܵܐ ܬܙܘܼܥ. [11]ܢܥܲܕ̇ܪܝܼܗ̇ ܐܲܠܵܗܵܐ ܒܥܸܕܵܢ ܨܲܦܪܵܐ. [12]ܐܸܫܬ̇ܓܸܫܘ ܥܲܡܡܹ̈ܐ ܘܙܵܥ݂ ܡܲܠ̈ܟ̇ܘܵܬ̣ܵܐ. [13]ܐܲܪܝܼܡ ܩܵܠܹܗ ܘܙܵܥܲܬ݀ ܐܲܪܥܵܐ. [14]ܡܵܪܝܵܐ ܚܲܝܠ̱ܬ̣ܵܢܵܐ ܥܲܡܲܢ. [15]ܘܲܡܥܲܕ̇ܪܵܢܲܢ ܐܲܠܵܗܹܗ ܕܝܲܥܩܘܿܒ̣. [16]ܬܵܘ ܚܙܵܘ ܥܒ̣ܵܕ݂ܵܘ̈ܗܝ ܕܐܲܠܵܗܵܐ. [17]ܕܥܵܒܸ݁ܕ݂ ܬܸܕ݂ܡܖ̈ܵܬ̣ܵܐ ܒܐܲܪܥܵܐ. [18]ܘܲܡܒܲܛܸܠ ܩܖ̈ܵܒܹܐ ܡ̣ܢ ܣܲܘ̈ܦܹܝܗ̇ ܕܐܲܪܥܵܐ. [19]ܩܸܫ̈ܬܵܬ̣ܵܐ ܡܬܲܒܲܪ ܘܲܡܬܲܒܲܪ ܢܲܝܙܟܹ̈ܐ. [20]ܘܡܲܖ̈ܟ̇ܒ̣ܵܬ̣ܵܐ ܡܲܘܩܸܕ݂ ܒܢܘܼܪܵܐ. [21]ܐܸܬ̣ܦܢܵܘ ܘܕܲܥܘ ܕܐܸܢܵܐ ܐ̄ܢܵܐ ܐܲܠܵܗܵܐ. [22]ܐܸܬ̇ܬ̇ܪܝܼܡܹ݁ܬ̣ ܒܥܲܡܡܹ̈ܐ ܘܐܸܬ̇ܬ̇ܪܝܼܡܹ݁ܬ̣ ܒܐܲܪܥܵܐ. [23]ܡܵܪܝܵܐ ܚܲܝܠ̱ܬ̣ܵܢܵܐ ܥܲܡܲܢ. [24]ܘܲܡܥܲܕ̇ܪܵܢܲܢ ܐܲܠܵܗܹܗ ܕܝܲܥܩܘܿܒ̣.
 
Top