|
|
| [1]Psalmus cantici. Filiis Core, secunda sabbati. |
[No book] |
| [2]Magnus Dominus et laudabilis nimis, in civitate Dei nostri, in monte sancto ejus. |
[No book] |
| [3]Fundatur exsultatione universæ terræ mons Sion; latera aquilonis, civitas regis magni. |
[No book] |
| [4]Deus in domibus ejus cognoscetur cum suscipiet eam. |
[No book] |
| [5]Quoniam ecce reges terræ congregati sunt, convenerunt in unum. |
[No book] |
| [6]Ipsi videntes, sic admirati sunt, conturbati sunt, commoti sunt. |
[No book] |
| [7]Tremor apprehendit eos; ibi dolores ut parturientis: |
[No book] |
| [8]in spiritu vehementi conteres naves Tharsis. |
[No book] |
| [9]Sicut audivimus, sic vidimus, in civitate Domini virtutum, in civitate Dei nostri: Deus fundavit eam in æternum. |
[No book] |
| [10]Suscepimus, Deus, misericordiam tuam in medio templi tui. |
[No book] |
| [11]Secundum nomen tuum, Deus, sic et laus tua in fines terræ; justitia plena est dextera tua. |
[No book] |
| [12]Lætetur mons Sion, et exsultent filiæ Judæ, propter judicia tua, Domine. |
[No book] |
| [13]Circumdate Sion, et complectimini eam; narrate in turribus ejus. |
[No book] |
| [14]Ponite corda vestra in virtute ejus, et distribuite domos ejus, ut enarretis in progenie altera. |
[No book] |
| [15]Quoniam hic est Deus, Deus noster in æternum, et in sæculum sæculi; ipse reget nos in sæcula. |
[No book] |