➖ »
«
➖ ➕
Peshitta OT
PesOT
The Sonnini Manuscript: The Lost Chapter 29 of Acts
Acts29
←
Psalms
Psa
51
→
[1]ܪܲܚܸܡܥܠܲܝ ܐܲܠܵܗܵܐ ܐܲܝܟ݂ ܛܲܝܒ̇ܘܼܬ̣ܵܟ݂. [No book]
[2]ܘܐܲܝܟ݂ ܣܘܿܓ̣ܐܵܐ ܕܪ̈ܲܚܡܲܝܟ ܥܛܝܼ ܚܛܵܗܲܝ̈. [No book]
[3]ܐܲܣܓܵܐ ܐܲܫܝܼܓܲܝܢܝ ܡ̣ܢ ܥܲܘܠܝ. [No book]
[4]ܘܡ̣ܢ ܚܛܵܗܲܝ̈ ܕܲܟܵܢܝ. [No book]
[5]ܡܸܛܠ ܕܣܲܟ݂ܠ̱ܘܵܬ̣ܝ ܝܵܕܲܥ ܐ̄ܢܵܐ. [No book]
[6]ܘܲܚܛܵܗܲܝ̈ ܠܘܼܩܒܲܠܝ ܐܸܢܘܿܢ ܒܟ̣ܠܙܒܲܢ. [No book]
[7]ܠܵܟ݂ ܒܲܠܚܘܿܕܲܝܟ ܚܛܹ݁ܝܬ̣. [No book]
[8]ܘܒ̣ܝܼ̈ܫܵܬ̣ܵܐ ܩܕ݂ܵܡܲܝܟ ܥܸܒ̣݁ܕܹ̇ܬ̣. [No book]
[9]ܡܸܛܠ ܕܬܸܙܕܲܕܲܩ ܒܡܸܠܬ̣ܵܟ݂ ܘܬܸܙܟܹ̇ܐ ܒܕ݂ܝܼܢܲܝ̈ܟ. [No book]
[10]ܡܸܛܠ ܕܲܒ̣ܥܲܘܠܵܐ ܐܸܬ̣ܒܲܛܢܹܬ̣ ܘܒܲܚܛܵܗܹ̈ܐ ܒܛܸܢܬܲܢܝ ܐܹܡܝ. [No book]
[11]ܐܲܢ̄ܬ̇ ܕܹܝܢ ܒܩܘܼܫܬܵܐ ܨܒܲܝܬ̇. [No book]
[12]ܘܟܲܣ̈ܝܵܬ̣ܵܐ ܕܚܸܟ̣ܡܬ̣ܵܟ݂ ܐܲܘܕܲܥܬܵܢܝ. [No book]
[13]ܪܘܿܣ ܥܠܲܝ ܒܙܘܿܦܵܐ ܘܐܸܬ̇ܕܲܟܸܐ. [No book]
[14]ܚܲܠܸܠܲܝܢܝ ܒܹܗ ܡ̣ܢ ܬܲܠܓܵܐ ܐܸܚܘܲܪ. [No book]
[15]ܐܲܣܒܲܥܲܝܢܝ ܒܘܼܣܵܡܵܟ݂ ܘܚܲܕ݂ܘܼܬ̣ܵܟ݂. [No book]
[16]ܘܢܸܚܕ̇ܘܿܢ ܓܲܖ̈ܡܲܝ ܡܲܟ̇ܝܼܟܹ̈ܐ. [No book]
[17]ܐܲܗܦܸܟ݂ ܐܲܦܲܝ̈ܟ ܡ̣ܢ ܚܛܵܗܲܝ̈. [No book]
[18]ܘܟ̣ܠܗܹܝܢ ܣܲܟ̣ܠ̱ܘܵܬ̣ܝ ܥܛܝܼ. [No book]
[19]ܠܸܒܵܐ ܕܲܟ̣ܝܵܐ ܒܪܝܼ ܒܝܼ ܐܲܠܵܗܵܐ. [No book]
[20]ܘܪܘܼܚܵܟ݂ ܬܩܲܢܬ̣ܵܐ ܚܲܕܸ̇ܬ̣ ܒܓ̣ܵܘܝ. [No book]
[21]ܠܵܐ ܬܸܫܕܹ̇ܝܢܝ ܡ̣ܢ ܩܕ݂ܵܡܲܝܟ. [No book]
[22]ܘܪܘܼܚܵܟ݂ ܩܲܕܝܼܫܵܐ ܠܵܐ ܬܸܣܲܒ̣ ܡܹܢܝ. [No book]
[23]ܐܸܠܵܐ ܐܲܗܦܸܟ݂ ܠܝܼ ܒܘܼܣܵܡܵܟ݂ ܘܦܘܼܪܩܵܢܵܟ݂. [No book]
[24]ܘܪܘܼܚܵܟ݂ ܡܫܲܒܲܚܬܵܐ ܬܣܲܡܟܲܢܝ. [No book]
[25]ܕܐܲܠܸܦ ܠܥܲܘܵܠܹ̈ܐ ܐܘܼܪܚܵܟ݂. [No book]
[26]ܘܚܲܛܵܝܹ̈ܐ ܠܘܵܬ̣ܵܟ݂ ܢܸܬ̣ܦܢܘܿܢ. [No book]
[27]ܦܲܨܵܢܝ ܡ̣ܢ ܕܡܵܐ ܐܲܠܵܗܝ ܐܲܠܵܗܵܐ ܕܙܲܕ̇ܝܼܩܘܼܬ̣ܝ. [No book]
[28]ܘܲܢܫܲܒܲܚ ܠܸܫܵܢܝ ܙܲܕ̇ܝܼܩܘܼܬ̣ܵܟ݂. [No book]
[29]ܡܵܪܝܵܐ ܦܬܲܚ ܠܝܼ ܣܸܦ̈ܘܵܬ̣ܝ. [No book]
[30]ܘܦܘܼܡܝ ܢܲܦܸܩ ܬܸܫ̈ܒܚܵܬ̣ܵܟٍ. [No book]
[31]ܡܸܛܠ ܕܠܵܐ ܨܒ݂ܲܝܬ̇ ܒܕܸܒ̣ܚܹ̈ܐ. [No book]
[32]ܘܐܵܦܠܵܐ ܒܝܲܩ̈ܕܹ̇ܐ ܫܲܠܡܹ̈ܐ ܐܸܬ̣ܪܲܥܝܼܬ̇. [No book]
[33]ܕܸܒ̣ܚܵܘ̈ܗܝ ܕܐܲܠܵܗܵܐ ܪܘܼܚܵܐ ܗ̄ܝ̣ ܡܲܟ̇ܝܼܟ̣ܬܵܐ. [No book]
[34]ܠܸܒܵܐ ܫܚܝܼܩܵܐ ܐܲܠܵܗܵܐ ܠܵܐ ܡܲܣܠܸܐ. [No book]
[35]ܐܲܛܐܸܒ̣ ܒܨܸܒ̣ܝܵܢܵܟ݂ ܠܨܸܗܝܘܿܢ. [No book]
[36]ܘܲܒ̣ܢܝܼ ܫܘܼܖܹ̈ܝܗ̇ ܕܐܘܿܪܸܫܠܸܡ. [No book]
[37]ܗܵܝܕܹ̇ܝܢ ܬܸܨܛܒܸܐ ܒܕܸܒ̣ܚܹ̈ܐ ܕܩܘܼܫܬܵܐ ܘܲܒ̣ܝܲܩ̈ܕܹ̇ܐ ܫܲܠܡܹ̈ܐ. [No book]
[38]ܘܗܵܝܕܹ̇ܝܢ ܢܲܣܩܘܼܢ ܬܲܘܖܹ̈ܐ ܥܲܠ ܡܲܕ݂ܒܚܵܟ݂. [No book]
 
Top