➖ »
«
➖ ➕
Biblia Hebraica Stuttgartensia (1977)
BHS
Aleppo Codex (~920)
Alep
←
Psalms
Psa
54
→
[1]לַמְנַצֵּחַ בִּנְגִינֹת מַשְׂכִּיל לְדָוִד׃ [1]למנצח בנגינת משכיל לדוד
[2]בְּבֹוא הַזִּיפִים וַיֹּאמְרוּ לְשָׁאוּל הֲלֹא דָוִד מִסְתַּתֵּר עִמָּנוּ׃ [2]בבא הזיפים ויאמרו לשאול הלא דוד מסתתר עמנו
[3]אֱלֹהִים בְּשִׁמְךָ הֹושִׁיעֵנִי וּבִגְבוּרָתְךָ תְדִינֵנִי׃ [3]אלהים בשמך הושיעני ובגבורתך תדינני
[4]אֱלֹהִים שְׁמַע תְּפִלָּתִי הַאֲזִינָה לְאִמְרֵי־פִי׃ [4]אלהים שמע תפלתי האזינה לאמרי־פי
[5]כִּי זָרִים קָמוּ עָלַי וְעָרִיצִים בִּקְשׁוּ נַפְשִׁי לֹא שָׂמוּ אֱלֹהִים לְנֶגְדָּם סֶלָה׃ [5]כי זרים קמו עלי ועריצים בקשו נפשי לא שמו אלהים לנגדם סלה
[6]הִנֵּה אֱלֹהִים עֹזֵר לִי אֲדֹנָי בְּסֹמְכֵי נַפְשִׁי׃ [6]הנה אלהים עזר לי אדני בסמכי נפשי
[7]יָשֹׁוב [Q: יָשִׁיב] הָרַע לְשֹׁרְרָי בַּאֲמִתְּךָ הַצְמִיתֵם׃ [7]ישוב [Q: ישיב] הרע לשררי באמתך הצמיתם
[8]בִּנְדָבָה אֶזְבְּחָה־לָּךְ אֹודֶה שִּׁמְךָ יְהוָה כִּי־טֹוב׃ [8]בנדבה אזבחה־לך אודה שמך יהוה כי־טוב
[9]כִּי מִכָּל־צָרָה הִצִּילָנִי וּבְאֹיְבַי רָאֲתָה עֵינִי׃ [9]כי מכל־צרה הצילני ובאיבי ראתה עיני
Source: unbound.biola.edu

See information...
 Source: unbound.biola.edu
Top