|
|
| [1]In finem, in carminibus. Intellectus David. |
[No book] |
| [2]Exaudi, Deus, orationem meam, et ne despexeris deprecationem meam; |
[No book] |
| [3]intende mihi, et exaudi me. Contristatus sum in exercitatione mea; et conturbatus sum |
[No book] |
| [4]a voce inimici, et a tribulatione peccatoris. Quoniam declinaverunt in me iniquitates, et in ira molesti erant mihi. |
[No book] |
| [5]Cor meum conturbatum est in me, et formido mortis cecidit super me. |
[No book] |
| [6]Timor et tremor venerunt super me, et contexerunt me tenebræ. |
[No book] |
| [7]Et dixi: Quis dabit mihi pennas sicut columbæ, et volabo, et requiescam? |
[No book] |
| [8]Ecce elongavi fugiens; et mansi in solitudine. |
[No book] |
| [9]Exspectabam eum qui salvum me fecit a pusillanimitate spiritus, et tempestate. |
[No book] |
| [10]Præcipita, Domine, divide linguas eorum; quoniam vidi iniquitatem et contradictionem in civitate. |
[No book] |
| [11]Die ac nocte circumdabit eam super muros ejus iniquitas; et labor in medio ejus, |
[No book] |
| [12]et injustitia: et non defecit de plateis ejus usura et dolus. |
[No book] |
| [13]Quoniam si inimicus meus maledixisset mihi, sustinuissem utique. Et si is qui oderat me super me magna locutus fuisset, abscondissem me forsitan ab eo. |
[No book] |
| [14]Tu vero homo unanimis, dux meus, et notus meus; |
[No book] |
| [15]qui simul mecum dulces capiebas cibos, in domo Dei ambulavimus cum consensu. |
[No book] |
| [16]Veniat mors super illos, et descendant in infernum viventes: quoniam nequitiæ in habitaculis eorum, in medio eorum. |
[No book] |
| [17]Ego autem ad Deum clamavi, et Dominus salvabit me. |
[No book] |
| [18]Vespere, et mane, et meridie, narrabo, et annuntiabo; et exaudiet vocem meam. |
[No book] |
| [19]Redimet in pace animam meam ab his qui appropinquant mihi; quoniam inter multos erant mecum. |
[No book] |
| [20]Exaudiet Deus, et humiliabit illos, qui est ante sæcula. Non enim est illis commutatio, et non timuerunt Deum. |
[No book] |
| [21]Extendit manum suam in retribuendo; contaminaverunt testamentum ejus; |
[No book] |
| [22]divisi sunt ab ira vultus ejus; et appropinquavit cor illius. Molliti sunt sermones ejus super oleum; et ipsi sunt jacula. |
[No book] |
| [23]Jacta super Dominum curam tuam, et ipse te enutriet; non dabit in æternum fluctuationem justo. |
[No book] |
| [24]Tu vero, Deus, deduces eos in puteum interitus. Viri sanguinum et dolosi non dimidiabunt dies suos; ego autem sperabo in te, Domine. |
[No book] |