|
|
| [No book] |
[1]In finem, ne disperdas. David in tituli inscriptionem, cum fugeret a facie Saul in speluncam. |
| [No book] |
[2]Miserere mei, Deus, miserere mei, quoniam in te confidit anima mea. Et in umbra alarum tuarum sperabo, donec transeat iniquitas. |
| [No book] |
[3]Clamabo ad Deum altissimum, Deum qui benefecit mihi. |
| [No book] |
[4]Misit de cælo, et liberavit me; dedit in opprobrium conculcantes me. Misit Deus misericordiam suam et veritatem suam, |
| [No book] |
[5]et eripuit animam meam de medio catulorum leonum; dormivi conturbatus. Filii hominum dentes eorum arma et sagittæ, et lingua eorum gladius acutus. |
| [No book] |
[6]Exaltare super cælos, Deus, et in omnem terram gloria tua. |
| [No book] |
[7]Laqueum paraverunt pedibus meis, et incurvaverunt animam meam. Foderunt ante faciem meam foveam, et inciderunt in eam. |
| [No book] |
[8]Paratum cor meum, Deus, paratum cor meum; cantabo, et psalmum dicam. |
| [No book] |
[9]Exsurge, gloria mea; exsurge, psalterium et cithara; exsurgam diluculo. |
| [No book] |
[10]Confitebor tibi in populis, Domine, et psalmum dicam tibi in gentibus; |
| [No book] |
[11]quoniam magnificata est usque ad cælos misericordia tua, et usque ad nubes veritas tua. |
| [No book] |
[12]Exaltare super cælos, Deus, et super omnem terram gloria tua. |