➖ »
«
➖ ➕
Aleppo Codex (~920)
Alep
Epistle to the Laodiceans (Latin)
Lao[LA]
←
Psalms
Psa
59
→
[1]למנצח אל־תשחת לדוד מכתם בשלח שאול וישמרו את־הבית להמיתו [No book]
[2]הצילני מאיבי אלהי ממתקוממי תשגבני [No book]
[3]הצילני מפעלי און ומאנשי דמים הושיעני [No book]
[4]כי הנה ארבו לנפשי יגורו עלי עזים לא־פשעי ולא־חטאתי יהוה [No book]
[5]בלי־עון ירצון ויכוננו עורה לקראתי וראה [No book]
[6]ואתה יהוה־אלהים צבאות אלהי ישראל הקיצה לפקד כל־הגוים אל־תחן כל־בגדי און סלה [No book]
[7]ישובו לערב יהמו ככלב ויסובבו עיר [No book]
[8]הנה יביעון בפיהם־חרבות בשפתותיהם כי־מי שמע [No book]
[9]ואתה יהוה תשחק־למו תלעג לכל־גוים [No book]
[10]עזו אליך אשמרה כי־אלהים משגבי [No book]
[11]אלהי חסדו [Q: חסדי] יקדמני אלהים יראני בשררי [No book]
[12]אל־תהרגם פן ישכחו עמי־הניעמו בחילך והורידמו מגננו אדני [No book]
[13]חטאת־פימו דבר־שפתימו וילכדו בגאונם ומאלה ומכחש יספרו [No book]
[14]כלה בחמה כלה ואינמו וידעו־כי־אלהים משל ביעקב לאפסי הארץ סלה [No book]
[15]וישבו לערב יהמו ככלב ויסובבו עיר [No book]
[16]המה ינועון [Q: יניעון] לאכל אם־לא ישבעו וילינו [No book]
[17]ואני אשיר עזך וארנן לבקר חסדך כי־היית משגב לי ומנוס ביום צר־לי [No book]
[18]עזי אליך אזמרה כי־אלהים משגבי אלהי חסדי [No book]
Source: unbound.biola.edu
Top