➖ »
«
➖ ➕
Byzantine GNT Majority Text (2000)
Byz
Peshitta OT
PesOT
←
Psalms
Psa
59
→
[No book] [1]ܦܲܨܵܢܝ ܡ̣ܢ ܒܥܸܠܕ̇ܒ̣ܵܒܲܝ̈ ܐܲܠܵܗܵܐ.
[No book] [2]ܘܡ̣ܢ ܐܲܝܠܹܝܢ ܕܩܵܝ̇ܡܝܼܢ ܥܠܲܝ ܐܲܪܝܼܡܲܝܢܝ.
[No book] [3]ܦܲܨܵܢܝ ܡ̣ܢ ܥܵܒ̣ܕܲܝ̈ ܫܘܼܩܪܵܐ.
[No book] [4]ܘܡ̣ܢ ܓܲܒ̣ܪܹ̈ܐ ܐܵܫܕܲܝ̈ ܕܡܵܐ ܦܪܘܿܩܲܝܢܝ.
[No book] [5]ܡܸܛܠ ܕܗܸܢ̣ܘܿܢ ܟܡܸܢ̣ܘ ܠܢܲܦ̮ܫܝ.
[No book] [6]ܘܐܲܥܫܸܢܘ ܥܠܲܝ ܒܝܼܫܘܼܬ̣ܗܘܿܢ.
[No book] [7]ܠܵܐ ܒܣܲܟ̣̈ܠ̱ܘܵܬ̣ܝ ܘܠܵܐ ܒܲܚܛܵܗܲܝ̈ ܡܵܪܝ.
[No book] [8]ܕܠܵܐ ܒܣܲܟ̣ܠܘܼܬ̣ܵܐ ܪܗܸܛ̣ܘ ܥܠܲܝ ܘܐܸܬ̇ܛܲܝܲܒ̣ܘ ܥܠܲܝ.
[No book] [9]ܐܸܬ̇ܬ̇ܥܝܼܪ ܘܲܚܙܝܼ ܐܲܢ̄ܬ̇ ܡܵܪܝܵܐ ܐܲܠܵܗܵܐ ܚܲܝܠ̱ܬ̣ܵܢܵܐ.
[No book] [10]ܐܲܠܵܗܹܗ ܕܝܼܣܪܵܝܹܠ ܐܸܬ̇ܬ̇ܥܝܼܪ.
[No book] [11]ܘܲܦܩܘܿܕ݂ ܠܟ̣ܠܗܘܿܢ ܥܲܡܡܹ̈ܐ.
[No book] [12]ܠܵܐ ܬܸܫܒ̇ܘܿܩ ܠܟ̣ܠܗܘܿܢ ܥܲܘܵܠܹ̈ܐ.
[No book] [13]ܢܸܗܦܟ̣ܘܿܢ ܒܪܲܡܫܵܐ ܘܲܢܥܲܘܘܿܢ ܐܲܝܟ݂ ܟܲܠ̈ܒܹ̇ܐ.
[No book] [14]ܘܢܸܬ̣ܟܲܪܟ̇ܘܼܢ ܡܕ݂ܝܼܢ̄ܬܵܐ.
[No book] [15]ܡܹܐܡܪܵܐ ܕܦܘܼܡܗܘܿܢ ܣܲܦ̮ܣܹܪܵܐ ܒܣܸܦ̈ܘܵܬ̣ܗܘܿܢ.
[No book] [16]ܘܐܵܡ̇ܪܝܼܢ ܡܲܢ̣ܘܼ ܫܵܡܲ݁ܥ.
[No book] [17]ܘܐܲܢ̄ܬ̇ ܡܵܪܝܵܐ ܓܚܲܟ݂ ܥܠܲܝܗܘܿܢ.
[No book] [18]ܘܡܲܝܸܩ ܥܲܠ ܟܠܗܘܿܢ ܥܲܡܡܹ̈ܐ.
[No book] [19]ܐܲܠܵܗܵܐ ܠܵܟ݂ ܐܹܫܲܒܲܚ.
[No book] [20]ܡܸܛܠ ܕܐܲܢ̄ܬ̇ܘܼ ܒܹܝܬ̣ ܓܲܘܣܝ.
[No book] [21]ܐܲܠܵܗܵܐ ܛܲܝܒ̇ܘܼܬ̣ܵܟ݂ ܬܩܲܕ̇ܡܲܢܝ.
[No book] [22]ܐܲܠܵܗܵܐ ܚܲܘܵܢܝ ܒܲܒ̣ܥܸܠܕ̇ܒ̣ܵܒܲܝ̈.
[No book] [23]ܠܵܐ ܬܸܩܛܘܿܠ ܐܸܢܘܿܢ ܕܠܵܐ ܢܲܛܥܘܿܢ ܠܥܲܡܝ.
[No book] [24]ܐܸܠܵܐ ܐܲܙܝܼܥ ܐܸܢܘܿܢ ܒܚܲܝܠܵܟ݂ ܘܐܲܢܝܼܕ݂ ܐܸܢܘܿܢ ܡܵܪܝܵܐ ܬܘܼܟ̣ܠܵܢܝ.
[No book] [25]ܚܛܝܼܬ̣ܵܐ ܕܦܘܼܡܗܘܿܢ ܡܲܠܸܠ ܣܸܦ̈ܘܵܬ̣ܗܘܿܢ.
[No book] [26]ܢܸܬ̇ܬܲܚܕ̇ܘܼܢ ܒܫܘܼܒ̣ܗܵܪܗܘܿܢ.
[No book] [27]ܡܸܛܠ ܕܠܲܘܛܬ̣ܵܐ ܘܕܲܓܵܠܘܼܬ̣ܵܐ ܡܸܫܬܲܥܹܝܢ.
[No book] [28]ܐܲܘܒܸ̇ܕ݂ ܐܸܢܘܿܢ ܒܪܘܼܓ̣ܙܵܟ݂ ܐܲܘܒܸ̇ܕ݂ ܐܸܢܘܿܢ ܘܠܵܐ ܢܸܫܬܲܟ̣ܚܘܼܢ.
[No book] [29]ܕܢܸܕ̇ܥܘܼܢ ܕܐܲܠܵܗܵܐ ܫܲܠܝܼܛ ܥܲܠ ܝܲܥܩܘܿܒ̣ ܘܥܲܠ ܥܸܒ̣ܪܹ̈ܝܗ̇ ܕܐܲܪܥܵܐ.
[No book] [30]ܢܸܗܦܟ̣ܘܼܢ ܒܪܲܡܫܵܐ ܘܲܢܥܲܘܘܿܢ ܐܲܝܟ݂ ܟܲܠ̈ܒܹ̇ܐ.
[No book] [31]ܘܢܸܬ̣ܟܲܪܟ̇ܘܼܢ ܡܕ݂ܝܼܢ̄ܬܵܐ.
[No book] [32]ܢܸܒ̣ܥܘܿܢ ܠܡܹܐܟܲܠ ܘܠܵܐ ܢܸܣܒ̇ܥܘܼܢ ܘܠܵܐ ܢܒ̣ܘܼܬ̣ܘܼܢ.
[No book] [33]ܘܐܸܢܵܐ ܐܹܫܲܒܲܚ ܠܚܲܝܠܵܟ݂.
[No book] [34]ܘܐܹܫܲܒܲܚ ܒܨܲܦܪܵܐ ܠܛܲܝܒ̇ܘܼܬ̣ܵܟ݂.
[No book] [35]ܡܸܛܠ ܕܲܗ݀ܘܲܝܬ̇ ܠܝܼ ܒܹܝܬ̣ ܓܲܘܣܵܐ.
[No book] [36]ܘܲܡܦܲܨܝܵܢܵܐ ܒܝܲܘܡܵܐ ܕܐܘܼܠܨܵܢܵܐ.
[No book] [37]ܐܲܠܵܗܵܐ ܠܵܟ݂ ܐܹܙܲܡܲܪ.
[No book] [38]ܡܸܛܠ ܕܐܲܢ̄ܬ̇ܘܼ ܐܲܠܵܗܵܐ ܕܒܹܝܬ̣ ܓܲܘܣܝ ܘܐܲܠܵܗܵܐ ܕܛܲܝܒ̇ܘܼܬ̣ܝ.
Author: Maurice A. Robinson, William G. Pierpont
Source: unboundbible.org

See information...
Top