➖ »
«
➖ ➕
Peshitta OT
PesOT
The Epistle of Polycarp to the Church at Phillipians
PolyPhl
←
Psalms
Psa
60
→
[1]ܐܲܠܵܗܵܐ ܛܥܲܝܬܵܢ ܘܲܕ݂ܚܲܩܬܵܢ ܘܲܪܓܸܙ݂ܬ̇ ܥܠܲܝܢ. [No book]
[2]ܘܐܲܙܝܼܥܬܵܗ̇ ܠܐܲܪܥܵܐ ܘܲܦܬܲܚܬܵܗ̇. [No book]
[3]ܥܨܘܿܒ̣ ܬܒ̣ܵܪܵܗ̇ ܡܸܛܠ ܕܐܸܬ̣ܟܲܪܗܲܬ݀. [No book]
[4]ܚܲܘܝܼܬ̇ ܐܸܢܘܿܢ ܠܥܲܡܵܟ݂ ܩܲܫ̈ܝܵܬ̣ܵܐ. [No book]
[5]ܘܐܲܫܩܝܼܬ̇ ܐܸܢܘܿܢ ܚܲܡܪܵܐ ܬܛܝܼܪܵܐ. [No book]
[6]ܝܲܗ̣̄ܒ̣ܬ̇ ܠܕ݂ܵܚ̈ܠܲܝܟ ܐܵܬ̣ܵܐ. [No book]
[7]ܕܠܵܐ ܢܸܥܪ̱ܩܘܼܢ ܡ̣ܢ ܩܕ݂ܵܡ ܩܸܫܬܵܐ. [No book]
[8]ܡܸܛܠ ܕܢܸܙܕܲܝܢܘܼܢ ܚܲܒ̇ܝܼܒܲܝ̈ܟ. [No book]
[9]ܦܪܘܿܩܲܝܢܝ ܒܝܲܡܝܼܢܵܟ݂ ܘܲܥܢܝܼܢܝ. [No book]
[10]ܐܲܠܵܗܵܐ ܡܲܠܸܠ ܒܩܘܼܕ݂ܫܹܗ. [No book]
[11]ܐܸܬ̣ܚܲܝܲܠ ܐܸܢܵܐ ܘܐܹܦܲܠܸܓ̣ ܠܲܫܟܹܝܡ. [No book]
[12]ܘܲܠܥܘܼܡܩܵܐ ܕܣܵܟ̣ܘܼܬ̣ ܐܸܡܫܘܿܚ. [No book]
[13]ܕܝܼܠܝ ܗ̄ܘ̣ ܓܸܠܥܵܕ݂ ܘܕ݂ܝܼܠܝ ܗ̄ܘ̣ ܡܢܲܫܸܐ. [No book]
[14]ܘܐܲܦܪܹܝܡ ܡܥܲܫܢܵܢܹܗ ܕܪܹܫܝ. [No book]
[15]ܝܑܼܗܘܼܕ݂ܵܐ ܡܲܠܟ̇ܝ ܘܡܘܼܐܵܒ̣ ܫܝܵܓ̣ܬܵܐ ܕܪܸܓ̣ܠܲܝ. [No book]
[16]ܥܲܠ ܐܲܕ݂ܘܿܡ ܐܸܫܪܸܐ ܡܣܵܢܲܝ̈ ܘܥܲܠ ܦܠܸܫܬ̇ ܐܸܩܥܸܐ. [No book]
[17]ܡܲܢ̣ܘܼ ܢܕܲܒ̇ܪܲܢܝ ܥܕܲܡܵܐ ܠܐܲܕ݂ܘܿܡ. [No book]
[18]ܘܡܲܢ̣ܘܼ ܢܲܘܒ̇ܠܲܢܝ ܠܲܩܪܝܼܬ̣ܵܐ ܥܲܫܝܼܢܬܵܐ. [No book]
[19]ܕܗܵܐ ܐܲܢ̄ܬ̇ ܐܲܠܵܗܵܐ ܛܥܲܝܬܵܢ ܘܠܵܐ ܢܵܦܹܩ ܐܲܢ̄ܬ̇ ܒܚܲܝܠܲܢ. [No book]
[20]ܗܲܒ̣ܠܲܢ ܥܘܼܕ݂ܪܵܢܵܐ ܥܲܠ ܒܥܸܠܕ̇ܒ̣ܵܒܲܝ̈ܢ. [No book]
[21]ܡܸܛܠ ܕܕܲܓܵܠ ܗ̄ܘ̣ ܦܘܼܪܩܵܢܹܗ ܕܒܲܪܢܵܫܵܐ. [No book]
 
Top