➖ »
«
➖ ➕
Peshitta OT
PesOT
The Acts of Thomas
ActThom
←
Psalms
Psa
62
→
[1]ܠܐܲܠܵܗܵܐ ܡܣܲܟ̇ܝܵܐ ܢܲܦ̮ܫܝ ܕܡܸܢܹܗ ܗܘ݀ ܦܘܼܪܩܵܢܝ. [No book]
[2]ܘܗܘ݀ܝܘܼ ܐܲܠܵܗܝ ܘܦܵܪܘܿܩܝ. [No book]
[3]ܘܒܹܝܬ̣ ܓܲܘܣܝ ܪܲܒܵܐ ܕܠܵܐ ܐܹܙܘܼܥ. [No book]
[4]ܥܕܲܡܵܐ ܠܐܸܡܲܬ̣ܝ ܡܸܬ̣ܓܲܪܓ̣ܝܼܢ ܐܢ̄ܬ̇ܘܿܢ ܥܲܠ ܓܲܒ̣ܪܵܐ ܕܬܸܩܛܠܘܼܢ. [No book]
[5]ܐܲܝܟ݂ ܐܸܣܬ̣ܵܐ ܕܡܵܛܲܬ݀ ܘܐܲܝܟ݂ ܣܝܵܓ̣ܵܐ ܕܲܕ݂ܚܝܼܩ. [No book]
[6]ܐܸܠܵܐ ܐܵܦ ܡ̣ܢ ܐܝܼܩܵܪܹܗ ܐܸܬ̣ܪܲܥܝܼܘ ܠܡܸܕ݂ܚܝܹܗ. [No book]
[7]ܘܲܪܗܸܛ̣ܘ ܒܕܲܓܵܠܘܼܬ̣ܵܐ. [No book]
[8]ܒܦܘܼܡܗܘܿܢ ܡܒܲܪܟ̣ܝܼܢ ܘܲܒ̣ܠܸܒ̇ܗܘܿܢ ܠܵܝܛ݁ܝܼܢ. [No book]
[9]ܠܐܲܠܵܗܵܐ ܣܲܟܵܝ ܢܲܦ̮ܫܝ ܕܡܸܢܹܗ ܗܘ݀ ܦܘܼܪܩܵܢܝ. [No book]
[10]ܘܗܘ݀ܝܘܼ ܐܲܠܵܗܝ ܘܦܵܪܘܿܩܝ. [No book]
[11]ܘܒܹܝܬ̣ ܓܲܘܣܝ ܕܠܵܐ ܐܹܙܘܼܥ. [No book]
[12]ܒܐܲܠܵܗܵܐ ܗ̄ܘ̣ ܦܘܼܪܩܵܢܝ ܘܐܝܼܩܵܪܝ. [No book]
[13]ܬܘܼܩܦܝ ܘܥܵܕ݂ܘܿܪܝ ܘܣܲܒ̣ܪܝ ܐܲܠܵܗܵܐ ܗ̄ܘ̣. [No book]
[14]ܣܲܒܲܪܘ ܒܹܗ ܟܠ ܫܵܥܵܐ ܥܲܡܵܐ. [No book]
[15]ܘܐܲܫܘܿܕ݂ܘ ܩܕ݂ܵܡܵܘܗܝ ܠܸܒ̇ܟ̣ܘܿܢ. [No book]
[16]ܡܸܛܠ ܕܐܲܠܵܗܵܐ ܗ̄ܘ̣ ܣܸܬܵܪܵܐ ܕܝܼܠܲܢ. [No book]
[17]ܘܐܲܝܟ݂ ܠܲܗܓܵܐ ܐܸܢܘܿܢ ܟܠܗܘܿܢ ܒܢܲܝ̈ܢܵܫܵܐ ܕܲܓܵܠܹ̈ܐ. [No book]
[18]ܕܲܒ̣ܡܲܐܣܲܬ̣ܵܐ ܡܲܥܠܹܝܢ ܘܲܣܪܝܼܩܝܼܢ ܐܲܟ̣ܚ̄ܕ݂ܵܐ. [No book]
[19]ܠܵܐ ܬܸܬܲܟ̣ܠܘܼܢ ܥܲܠ ܛܠܘܼܡܝܵܐ. [No book]
[20]ܘܲܚܛܘܼܦܝܵܐ ܠܵܐ ܬܸܪܚܡܘܼܢ. [No book]
[21]ܩܸܢܝܵܢܵܐ ܡܵܐ ܕܣܵܓܹܐ݁ ܠܵܐ ܢܸܚܕܸ̇ܐ ܒܹܗ ܠܸܒ̇ܟ̣ܘܿܢ. [No book]
[22]ܚܕ݂ܐ ܗ̄ܝ̣ ܕܐܸܡܲܪ ܐܲܠܵܗܵܐ. [No book]
[23]ܘܲܕ̇ܬܲܪܬܹܿܝܢ ܗܵܠܹܝܢ ܫܸܡܥܹ̇ܬ̣. [No book]
[24]ܡܸܛܠ ܕܥܘܼܫܢܵܐ ܕܐܲܠܵܗܵܐ ܗ̄ܘ̣. [No book]
[25]ܘܠܵܟ݂ ܡܵܪܝܵܐ ܛܲܝܒ̇ܘܼܬ̣ܵܐ. [No book]
[26]ܡܸܛܠ ܕܐܲܢ̄ܬ̇ ܦܵܪܲܥ ܐܲܢ̄ܬ̇ ܠܓܲܒ̣ܪܵܐ ܐܲܝܟ݂ ܥܒ̣ܵܕ݂ܵܘ̈ܗܝ. [No book]
 
Top